Валда ян/1932/08/Масторсь, кона моли социализмати, капитализмань касома кить апак йотак
| Масторсь, кона моли социализмати, капитализмань касома кить апак йотак |
Саранскаи сашонцть кельгма инжихть — монгольскай МОПР-ань делегациясь. Тя статьяса минь нюрьхкяняста йорасаськ знакамондамс журналонконь морафниензон ся масторть мархта, коста састь делегаттне.
Монгольскай народнай республикась шарфни башка мяль лангозонза сяс, мес сон — экономическай ширеста фталу илятф стама мастор, кона пролетарскай революциять вельде может йотамс касомань эрявикс ступеньтнень ланга коммунизмати, капиталистическай касома кить апак йотак.
Монгольскай народнай республикась тяниень пингть тя кигя самай и касы, штоба пачкодемс социализмати.
Тяса минь аф карматама кочксемонза подробна тя кить, а лоткатама сянь ланкс, кода пуромсь и касы тя республикась, кодама сонь государствеинай строец и хозяйствац.
Монгольскай народнай республикась занясь вярьгак ащи оцю васта центральнай Азиять якшама ширесонза, конанди мярьгихсь Внешнай Монголия. Площаденц коряс сон Франциять, Германиять и Англиять эшка марса сявозь (1553.2 тьож. километрат) Коренной эряйхне — монголхт (93 проц.) тяда башка, тоса улихть руст, китаецт и бурятт.
Природась Манголияса суровай, касыксонь пяльдя пяк ашу. Инь оцю васта тоса занясь пустынясь Гоби. Сьоронь видемась тоса келептьф пяк лафчста, сяс мес аф цебярьхть природнай условиятне. Эряйхне пцтай сембе водяйхть жуватат и охотяйхть, капиталистическай формань хозяйстватне тоса пяк лафчт.
Промышленносць Монгольскай народнай республикаса йофси апак келептть. Улихть аф лама завотт, конат работайхть в.-х. сырьянь переработкань ланкса, ды цятконь таргама рудниконят, конат макссихть пяк кржа продукцияда.
1915 це кизоть самс Монгольскай народнай республикать территорияц сувафтфоль Китаи. Май ковста 1915 кизоня оцязоронь Россейть люпштаманц вельде, кона 1905 кизоня Япониять мархта аф удачнай войнада меле, йоразе шарфтомс Монголиять эсь тиенза колониякс, Китайти савсь максомс Внешнай Монголияти автономия. Тяда меле мяк 1921 кизоть самс монгольскай нароць вяць кеме тюрема национальнай независимостенц инкса.
Октябрьскай революциясь тага сядонга пяк вишкоптезе национальнай революционнай движениять и 1921 кизоня монгольскай нароць народно революционнай партиять руководстванц ала саць эсь теенза самостоятельность. Но 1924 кизоть самос Внешнай Монголиясь аф республикаль, а анархияль, коса вятихс ульсь — Богдо Гонен. Сон ульсь монголхнень светскай и духовнай главасна.
1919 кизоня РСФСР-нь правительствась полафтозень оцязоронь догозорхнень и лувозе Монголиять свободнай масторкс. 1921 кизоня тийфоль монголо—совецкай договорсь, конань коряс ладяфтольхть равнай правать, ладяф ленинскай принципсь — кирьдедмс Востокть люпштаф народонзон кядь ширенц и максфт фкя фкянди обязательстват — аф тиендемс осал тефт фкяфкянди.
Япониянь империалистненди китайскай буржуазияти, кона арси империализмати агентуракс, йофси аф выгодналь мяньдемс кяцтост тя таньцти пенфкять. Империалистне фсякай лаца васькафнезь потьнесть монгольскай наротть верда. Япониясь йорась нльня пуроптомс Панмонгольскай государства эсь покровительстванц ала.
1919 кизоть пе маластонза Монголиять зайнесезь китайскас войскатне. Но синь тоста панезь барон угнерть банданза, конат потасть Монголияв минь Якстерь армиянеконь эзда.
Китайскай интервентнень террорсна, а сяда меле акшетне, конат жаднай зверькс розарякшнезь народнай массатнень, кеподезь синь (массатнень) тюреме. 1920 це кизоня пуромф народно-революционнай партиять руководстванц ала, Монголиянь (уша ширень) трудяйхне кепоцть тюреме интервенттнень каршес. 1921-це кизоня Монголиянь Временно революционнай правительствась анась РСФСР-ть ширьде лезкс, штоба панемс акшетнень, и июньцта сон улсь ароптф бандатнень эзда Монгольскай партизаттнень и советскай часттнень вийса.
1924-це кизоня, Хухухт Богда-Гененть куломода меле Монголиянь празительствась арьсезе пуроптомс народнай республика и ноябрть 26-це шистонза трудяень всемонгольскай 1 це с‘езць Внешняй [ — ]Монголиять азозе народнай республикакс. Верховнай власць ащи республикать эса великай хуруланти (трудяень всемонгольскай с‘ездти).
Конституциять основанза тяфтапт: частнай собственносць модати, мода потмонь козяшитненди, веттненди машфтф, эксплоататорхне валхтфт кочкама вайгялень праваста; религиясь азф частнай тевонди; сословиятне машфтфт; пуроптф народно-революционнай армия. Тяста лисенди, што трудяйхнень интерезсна ареляфт.
Монголияса народно—революционнай партиять руководстванц ала Монголияса эряфс йотафневи ашуфнень и середнякнень (скотоводнень, араттнень) диктатурасна.
Монгольскай народнай партиясь шоворькшни Коминтернати, членонзонды сонь, уставс коря эряви содамс Марксонь и Ленинонь ученияснон и Коминтернать задачанзон. Програмасост макссеви марксистскай анализ капитализмать развитияса, и путневи задача республикась йотафтомс социализмас, капиталистическай стадиять касфтоманц ланкс апак иотак.
Сяс и партиять основной задачанза тяфтапт: кемокстамс масторть независимостенц, машфтомс феодализмать лядыксонзон, люпштамс масторсост капиталистическай элементнень, пуроптомс колхозс жуватань водяй и сьора види хозяйстватнень, тиемс национальнай промышленность.
31-це кизоня Монголияса улсь пуроптф 612 марстонь хозяйстват, коза улсь пуромф масторть эзда хозяйстватнень 30 проценцна. Тянь сюнода сьора видемать ролец хозяйствать эса ушець касома. Кда 1930 це кизоня валовай продукцияса сьора видемсь занцесь 6 процентт, то 31 це кизоня саць-ни 13 процентт.
Оцю сатфкст сацть и культу рнай строительствасонга.
Республикать ули сонцень 5 кизонь планоц. Сонь основной задачанза: „масторснон социалистическайкс одукс тиеманц инкса тюремась. Монголиять социалистическай ки ланкс шатяфтоманц капитализмань касома кить ланк апак йотак“.
5 кизонь планть эса арьсеф пуроптомс жуватань водяй и сьора види хозяйствас 70 проценцнон ашувонь и 50 проценцнон середняконь хозяйстватнень (Монгольскай Н Р парртиять 8 це с‘ездонь резолюциястонза). Улить Монголияса госхостка.
Вете кизонь планца арьсеф гусударственнай фабрикань и заводонь строяма, келиста вишкоптемс кинь стоительствать, виияфтомс кооперациять и аноклахть всеобщий обучениять йотафтоманцты.
Тяфтама Монгольскай народнай республикась тяниень пингть эзда, кона мольфти масторлангонь историческай опыт социализмань строямати капитализмань касома кить ланкс апак йотак.
Ответ. редакторсь С. Б. Леонтьев.