Колхозонь эряф/1934/17/Сембесоюзнай коммунистическай (большевиконь) партиять Центральнай комитетонц эзга
[ 1 ]
ВКП(б) нь Центральнай комитетсь великай прискорбия мархта азондцы партияти, СССР-нь рабочай классти, сембе трудяйхненьди и сембе миронь трудяйхненьди, што декабрть 1-це шистонза Ленинградса рабочай классть врагонзон предательскай кядьснон эзда кулось минь партияньконь инь цебярь деятелец, пельксфтома пламеннай революциннерсь, Ленинградонь большевикнень и сембе трудяйхнень кельгома руководительсна. ВКП(б)-нь Центральнай и Ленинградскай комитеттнень секретарьсна, ВКП(б) нь политбюроть членоц СЕРГЕЙ МИРОНОВИЧ КИРОВ ялгась. Партияти и СССР нь рабочай классти кельгома, кристалкс ащи чистай и афшерьфтевомшка кеме большевикть — Ленинецть КИРОВ ялгать юмамац, кона яркай, славнай эсь эряфонц максозе рабочай классть тевонц инкса, — арсы сембода стака юмафтксокс сембе партияти и Советонь масторти мекольдень кизотнень эзда. Центральнай комитетсь верондай, што КИРОВ ялгать пролетарскай революциять СССР-са социализмань тиемать инкса апак сизьсек пельксфтома тюреманц кеподьксонц колга лятфнемс сядонга пяк кеподьсы миллиотт пролетариятнень и сембе трудяйхнень мяльснон тюремати социализмать торжестванц инкса, рабочай классть сембе врагонзон педа-пес машфтомаснон инкса.
|