Mikławšk

nadpis	Mikławšk
awtor	Jakub Bart-Ćišinski
lěto
žórło	texty.citanka.cz
licenca	public domain
nota	stary prawopis

    Tam na skale stoja rozwaliny;
    Wětr dźe přez jich wokna gotiske,
    Sprewja šumi, kak přez wóhniske
    dźiwje mocy stara cyrkew´ zhiny.

    W nowej cyrkwi wosrjedź tej' ruiny
    Bóh zas' bydło ma romantiske,
    a kaž něhdy, nětk tež měšniske
    prosy słowo za wodaće winy.

    Sprócni pućowarjo w tej ruinje
    bydla a kaž dźěći drěmace
    ćiše na maćeŕnym sonja klinje.

    A te staroswjate rozpadanki
    stražuja kaž duchi škitace
    mortwych křesćijanow powostanki.