Nalěća přichad
| nadpis | Nalěća přichad |
|---|---|
| awtor | Jakub Bart-Ćišinski |
| lěto | |
| žórło | Jakub Bart-Ćišinski, Zhormadźene spisy I, Ludowe nakladnistwo Domowina, 1971 |
| licenca | public domain |
| nota | stary prawopis |
Hlej, słónco steji na njebju a pruhi
wšak sćeke horce na zemju šće běłu;
aj, lód a sněh žno taje; k nowom dźełu
zas zelenja so pola, doły, łuki.
Zad płoćika, zad niskej murki tuli
so módra fijałka; duž skału šěru
tam nalik wupyši; pos chłodnym kerku
tam mrowje roja wšě so w čornej kuli.
Tež lěsk a haj so zasy zhotujetaj,
hdyž łopješko so z hałžkow zelenkojte
a pupik młodny krasnje rozwijetaj.
Słyš, štomy, łuki kwětkopisankojte
ći pčołka, ćmjeła zynčo wobrojitaj
a mjetele tež kćenja čerwjenkojte.