| Модать колга декрець |
1. Помещиконь собственносьць модать ланкс полафневи, аф ноляви кодамовок выкуп (модань рамсема).
2. Помещиконь имениятне, станя-жа кода и сембе удельнай модатне, монастыреннетне, церкавоннетне, сембе синь эсост уликс живой и мертвай инвентарть мархта, усадьбань постройкатнень и сембе принадлежносттнень мархта йотнихть волостной земельнай комитеттнень и сьора видиень депутатонь уезднай советтнень кядьалу, мянь учредительнай пуромксть самс.
3. Сявф паршить кода аф кода апалямац, конац тяни максф сембе народти, азондови пяк оцю преступлениякс, конац ванондови революционнай сутть мархта. Сьора видьнень депутатонь уезднай Советтне путнесазь сембе вийснон помещиконь паршитнень сявондемста строгай порядкань вятемать ланкс, лацкас ванцазь сянь, конашка участкат и кодамот эрявихть сявомс помещикнень кяцта, тиендемс точнай описьть сембе сявонтьф паршити и ладямс цебярь революционнай охрана сембе наротти йотни хозяйствать, сонь эсонза постройкатнень, орудиятнень, жувататнень, продуктань запаснень и лиятнень ланкса
4. Модать лиякс явондомаса оцю тефнень ланкса руководствань вятеманди, ингольпяли мянь Учредительнай пуромксть мархта окончательнайста кемокстамозост, араза тяда меле няфтьф сьора-видиень н казсь*, конац тийф 242 вастонь сьора видиень накаснень коряс „Сьора-видиень Депутатонь Всероссийскай Советть Известиянзон“ мархта и пячатлаф нят „Известиятнень“ 88 номерсост. (Петроград 88№, 1 сентябрь (19 август) 1917 киза).
5. Рядовой сьора-видихнень и рядовой казакнень модасна аф сявондевихть*)[1].
| Модать колга сьора-видиень наказась |
„Модать колга кизефкссь, сембе сонь оцю шисонза, ули кода кочкамс п* пяшкодемс аньцек всенароднай Учредительнай пуромксса,.
Модать колга кизефксть цебярьста кочкамац улеза тяфтама:
1. Модать ланкса частнай собственностень правась машфневи педа-пес; модать аш кода аф мишендемс, аф рамсемс, аф арендас али залокс макссемс, аф коданга лиякс сонь явфнемс.
Сембе модась: государственнайсь, удельнайсь, кабинецкайсь, монастырен- несь, церковнайсь, посессийннайсь, майоратнайсь, частновладельческайсь, обще- ственнайсь и сьора-видиеннесь и ст. тов сявондеви питнефтема, шарфневи сембенародонь достояниякс и йотни сембе сонь ланксонза работай трудяйхненди.
Имущественнай переворотть эзда сталмонь кандыхнень (пострадавшайхнень) мельгя кадондовихть аньцек прават синь общественнай поддержкаснон колга, ся пинкти, конац тейст эрявксты эсь эряфснон од условияс ладяманцты.
2. Сембе мода потмонь козяшитне, рудась, нефтась, цятксь, салсь и ст. тов, а тяфта жа вирьхне и веттне, конат кирдихть общегосударственнай значение, йотнихть аньцек государствать кядьалу (государствать пользованияс). Сембе йомбла ляйня тия, озератне, вирьхне и ст. тов. йотнихть общинатнень пользованияс эста, кда синь ланксост заведываниясь ули вастонь самоуправлениянь оргаттнень ширьдя.
3. Оцю культурань хозяйства мархта модань участкатне: саттне, плантациятне, рассадникне, питомникне, оранжереятне и ст. тов, аф явондовихть, а шарфневихть показательнайкс и макссевихть государствать али общинатнень пользованияс, синь оцю шиснон и значенияснон ланкс ваномок.
Усадьбань, ошонь и велень модатне азоронь саттнень и перетнень мархта кадондовихть эсь азорснонды, но эряви азомс, што синьцень участкатнень оцю тисна* и синь иньксост налоксь путневихть занонодательнай порядкатнень коряс.
4. Алашань завоттне, казеннай и башка азоронь плямань жуватань водяматне, нармонень водяматне п* ст. тов, сявондевихть, шарфневихть сембе народонь достояниякс и йотнихть али аньцек государствать пользованияс, али общинатненди, синь оцю шиснон и значенияснон ланкс ваномок.
Выкупть (рамамать) колга кизефкссь эряви ванондомс Учредительнай пуромксса.
5. Сембе хозяйственнай инвентарсь, конац ульсь сявонтьф модатнень ланкса, живойсь и мертвайсь, йотни государствать пользованияс али общинатненди, синь оцю шиснон и значенияснон ланкс ваномок, апак рамак.
Инвентарьсна аф сявондеви аньцек кржа мода мархта сьора видихнень.
6. Модать ланкса пользованиянь прават макссевихть сембе Российскай государствань ломаттненди (аф ваномок сянь ланкс, сок-аля али ава), конат йорайхть работамс сонь ланксонза эсь вийсост, эсь семияснон вельде али ялга вельде фкя-фкянди лездозь и аньцек снярс, мзярс синь вийсост работамс сонь. Сиводезь работафомась модать ланкса аф ноляви.
Кда обществань кодамшаондама* членць машты вийда 2 кизонь кувалмос, то велень- ↑ *) Печатнай тексца 5-це пункць путф „модать колга сьора видиень наказть“ пес — (РЕД).
20
