| 34 | Конституция (основной закон) |
строительствать лангса, латцесазь местнай бюджетть.
98-це СТАТЬЯСЬ. Трудяень депутатонь Советтне примсихть решеният и макссихть распоряженият эсь праваснон пределса, конат теест максфт СССР-ть и Союзнай республикать законцнон коряс.
99-це СТАТЬЯСЬ. Трудяень депутатонь краень, областень, автономнай областень, округонь, райононь, ошень и велень Советтненьди исполнительнай и распорядительнай органкс ащихть исполнительнай комитеттне, конатнень синь кочксесазь тяфтама составса: председатель, теенза заместительхт, секретарь и члент.
100-це СТАТЬЯСЬ. Трудяень депутатонь велень Советтненьди исполнительнай и распорядительнай органкс аф оцю поселениява союзнай республикатнень Конституцияснон коряс ащихть синь мартост кочксеви председательсь, сонь заместителец и секретарьсь.
101-це СТАТЬЯСЬ. Трудяень депутатонь Советнень исполнителькай органсна видеста подотчетнайхть кода трудяень депутатонь Советти, кона кочказень синь, станя и трудяень депутатонь сяда вяре ащи Советть исполнительнай органонцты.
| IX главась
СУДСЬ И ПРОКУРАТУРАСЬ |
102-це СТАТЬЯСЬ. СССР-са правосудиять эряфс йотафнесазь СССР-нь Верховнай Судсь, союзнай республикань Верховнай Судтне, краевой и областной судтне, автономнай республикань и автономнай областень судтне, окружной судтне, СССР-нь специальнай судтне, конат тненьдевихть* (создаются) СССР-нь Верховнай Советть постановлениянц коряс, народнай судтне.
103-це СТАТЬЯСЬ. Сембе судтнень эзда тефнень ванондомасна йотафневихть, законса ванф специальнай случайда башка, нараднай* заседательхнень участияснон марта.
104-це СТАТЬЯСЬ. СССР-нь Верховнай Судсь ащи высшай судебнай органкс. СССР-нь Верховнай Судть лангс путневи СССР-нь и Союзнай республикань сембе судебнай органтнень судебнай деятельностьснон мельгя ваномась
105 це СТАТЬЯСЬ. СССР-нь Верховнай Судть и СССР-нь специальнай судтнень кочксесыне СССР-нь Верховнай Советсь вете кизонь пингс.
106-це СТАТЬЯСЬ. Союзнай республикань Верховнай Судтнень кочксесазь союзнай республикань Верховнай Советтне вете кизонь пингс.
107-це СТАТЬЯСЬ Автономнай республикань Верховнай Судтнень кочксесазь автономнай республикань Верховнай Советтне вете кизонь пингс.
108-це СТАТЬЯСЬ. Краевой и областной судтнень, автономнай областень судтнень, окружной судтнень кочксесазь трудяень депутатонь краевой, областной или окружной Советтне или трудяень депутатонь автономнай областень Советтне вете кизонь пингс.
109-це СТАТЬЯСЬ. Народнай судтнень кочксесазь райононь граждантне всеобщай, прямой и равна избирательнай праватнень основаснон коряс тайнай голосованияса — колма кизонь пингс.
110-це СТАТЬЯСЬ. Судонь тевсь вятеви союзнай или автономнай республикань или автономнай областень кяльса, тя кяльть афсодаензонды макссеви материалть марта полнай знакомства кяльста-кяльс йотафтыень вельде, а станя жа макссеви права судть эса кортамс родной кяльса.
111-це СТАТЬЯСЬ. СССР-са сембе судтнень эзга тевень кочксематне, кда законса аф азфт исключеният, йотафневихть открытайста и макссеви обвиняемайти права защитаньди.
112-це СТАТЬЯСЬ. Судьятне независимайхть и кулцендыхть (подчиняются) аньцек законти.
113-це СТАТЬЯСЬ. Сембе Народнай Комиссариаттнень и теест подведомственнай учреждениятнень ширьде, кода и башка должностной ломаньтнень ширьде, а станя жа СССР-нь граждантнень ширьде законтнень точнайста эряфс йотафтомаснон мельгя высшай надзорсь путневи СССР-нь Прокурорть лангс.
114-це СТАТЬЯСЬ. СССР-нь Прокурорть путнесы СССР-нь Верховнай Советсь сисем кизонь пингс.
