Пакся, пакся,
Эсот сембе шнакшнихть.
Лангсот сьорось,
Кода оцю вирь.
Кожфкясь морай,
Росьне сюконякшнихть,
Прясна стакат.
Козя паксянь мирсь.
Велькссот гайнязь
Нармоннятне морайхть,
Лиихть вяри,
Менельти юмайхть.
Шиське пейди,
Дуцянятне солайхть,
Панчфнень эса
Мешкятне люкайхть.
Вирсь пря песот,
Ашкотф сянгярь шальса.
Шуфттнень прява
Нармонь пизонят.
Ару ляйхне
Кодафт сиде кальса;
Китнень крайга
Пиже тумонят.
Кельктя, кельктя,
Марстонь кели пакся,
Марстонь вийса
Тяфта тиедязь.
Стирьхть и цьорат,
Васень рядса Акся,
Фкя-фкянь йотазь
Аруста нудязь.
