| НАДЕЖДА КОНСТАНТИНОВНА КРУПСКАЯ |
Февральть 27-це шистонза шовдава 6 частста 15 минутаста, Москуса, стакаста сярядемда меле кулось партиять старейшай членоц, В. И. Ленинть маластонь помощникоц, ВКП(б)-нь ЦК-ть членоц, СССР-нь Верховнай Советть депутатоц Н. К. Крупская ялгась. 1869 кизоня, февральть 26-це шистонза Петербургса шачсь Надежда Констаниновна Крупская ялгась. Аляц сонь ульсь сотф русскяй общественностень передовой крукнень мархта: Надежда Константиновна кассь и воспитандакшневсь революционнай средаса.
1890 кизоня Надежда Константиновна Крупская ялгась студенческяй кружокса кармась тонафнема Марксонь и Энгельсонь произведенияснон. Сяда меле сон сонць кармась студенттнень-технолокнень марксистскяй кружокснон эса руководителькс. Надежда Константиновна сяда меле кармась работама Шлиссельбурскяй трактса илядень школаса учительницакс.
1893 кизоня Петербургу сась Владимир Ильич Ульянов (Ленин). Революционнай работась эстакиге макссь лия темпт, лия размах. Н. К. Крупская ялгась сувась „Рабочай классть освобождениянц инкса тюремань союзти“, конань организовандазе Ленин марксистскяй рабочай кружокнень эзда. Надежда Константиновна лездсь революционнай листоконь составлениянь и распространениянь тевса.
1896 кизоня Крупская ялгась ульсь арестовандаф и судендаф 3 кизот ссылкас Уфимскяй губерняв. Надежда Константиновнань вешфксонц коряс, тейнза ульсь мярьгф йотафтомс ссылкать Красноярскяй губернянь Шушинскяй велеса, коса ни ульсь В. И. Ленин, конанц тоза сослал оцязоронь правительствась. Ссылкаса ламоц ссыльнайхнень эзда Надежда Константиновнань руководстванц вельде тонафнихть Марксонь и Энгельсонь произведенияснон.
1901 кизоня Н. К. Крупская ссылкаста лисемда меле тусь Мюнхену, коса ся пингть эрясь Ленинць и коса ульсь „Искра“ газетать редакцияц. Сон кармась работама „Искрать“ редакциянц эса секретарькс, сявсь эсь лангозонза стака обязанностть Россиять мархта консперативнай соткснень организовандамаснон эса.
1905 кизоня Надежда Константиновна Крупская ялгась ульсь большевикнень Таммерфорскяй конференциясост, коса васенцеда знакомондась Сталин ялгать мархта.
Самодержавиять йордамдонза меле, Россияв самок, Н. К. Крупская ялгась работай большевиконь партиять ЦК-нц секретариатса и кочксеви Петроградса Выборгскяй районнай думав. Сон участвует партиять VI с‘ездонц работаса.
1917 кизоня, просвещениянь народнай комиссариатть организовандама пингстонза сявомок, Надежда Константиновна фалу работай Наркомпросса, 1929 кизоста сявомок Крупская ялгась РСФСР-нь просвещениянь наркомонь заместителькс. Крупская ялгась ульсь казьф Ленинонь и Трудовой Краснай Знамянь орденца.
Крупская ялгать куломац, кона сембе эсь эряфонц максозе коммунизмань тевти, ащи оцю имафксокс партияти и ССР-нь Союзонь трудящайхненди.
