| ЛЕНИНОНЬ И СТАЛИНОНЬ ВЕРНАЙ СОРАТНИКСНОНДЫ — ВЯЧЕСЛАВ МИХАЙЛОВИЧ МОЛОТОВТИ |
Большевиконь партиять Центральнай Комитетоц седи вакска приветствует тонь, Ленинонь и Сталинонь вернай соратникснон, советскяй правительствать руководителенц — тонь ведьгемонь кизотнень топодема шистост.
Сембе эсь сознательнай эряфцень пингста тон апак лотксек служат рабочай классонь тевти, коммунизмань тевти кода выдающай деятель и вождь большевистскяй партияти. 1905—1907 кизотнень пингста революциять поражениядонза меле реакциянь равжа кизотнень пингста, рабочай движениянь кеподемань кизотнень пингста, „Звездать“ и „Правдать“ эпохаста, васенце мировой империалистическяй войнать толонц эса — тон фалу вяре кирдить большевизмань знамять, апак лотксек тюреть минь странасонк пролетариатонь диктатурать инкса. Петроградскяй Военно-Революционнай Комитетса членкс улемстот тон ётафтоть революционно-большевистскяй оцю работа 1917 кизонь октябрьста. Донбассонь, Украинань, Москувонь партийнай организациятнень эса руководителькс улемстот, ВКП(б)-нь ЦК-ти секретарькс улемстот эсь работацень мархта, Советскяй правительствань главань постса эсь лама кизонь славнай работацень мархта тон заслужил горячай кельгома и пяк оцю уважения партиять и Советскяй Союзонь трудящайхнень ширде.
Кода фкя инь виднай вождь большевистскяй партияти, кода инь крупнай организатор социалистическяй экономикати и од, коммунистическяй культурати, тон сувафтыть эсь эзт ленинско-сталинскяй типонь политическяй деятелень инь цебярь качестватнень. Тон фалу вятеть и вятят последовательнай тюрема марксизмать-ленинизмать идеянзон инкса, апак лотксек аралакшнемок партиять линиянц партиять и советскяй народть врагонзон каршес, троцкисттнень, зиновьевецнень, бухаринецнень и буржуазиять лия агентонзон каршес.
Тонь энергияцти, ССР-нь Союзонь Народнай Комиссаронь Советонь председателень постса тонь неутомимай работацти социализмань странась ламоса обязан эсь успехонзон и победанзон мархта. Партиять и странать инголе эсь устнай и печатнай выступлениятнень эса тон обобщаешь коммунистическяй обществань тиемаса великай работань гигантскяй опытть.
Седи вакска арьсетяма тейть, минь кельгома другоньке и ялганьке, лама и лама кизот шумбраши и сяда товолдонь пло-
