пиненя.
Мадянза рдазуфт,
и ватьф пулоняц.
Пиненят
улихть всякайхть.
Тя пиненясь
аф цебярь, —
рдазуста якай.
Тя вов — церькав,
и тяза
сашендыхть
бабат
и комсихть пульзяда.
Тисть картинка,
лемдезь сонь — „шкай“
и учихть,
што шкайсь максы рай.
Шава синь прят —
картинканять эзда
лезкс аф муят.
Тя — комсомолецнень кудсна.
Йонюфт синь:
озондозь пряснон аф муцсихть
Кастада мзярда,
аратад оцю ломанькс,
работада ладняс,
шкайть пильгс тяда комсе.
Тя — буржуй.
Сонь тевоц сяка,
эчке пекть, —
сон ярхцай, стак якай.
Уфаф, кода мяч, — куя.
Кельгсы,
штоб инксонза
работаль лиясь.
Мезевок
сон аф машты тиема.
Йолма кирьхкскяське
сяда ёню,
пиза тии, лиенди.
Тя —
рабочай.
Рабочайсь — ся,
конац кельгсы работать.
Мезе светса,
сембонь тиезень сон.
Касат —
ульхть лацонза тон.
