4
а) мзярда рабочайсь, работницась или служащайсь врачебно-трудовой экспертнай комиссиять заключениянц коряс не может пяшкотькшнемс ингольдень работанц аф шумбрашинц или инвалидностенц сюнеда, а администрациясь не может максомс тейнза подходящай работа сяка жа предприятияса или учрежденияса, или мзярда пенсионерсь, конанди назначандаф пенсия сирешинкса, ёрай кадомс работанц;
б) мзярда рабочайсь, работницась и служащайсь должен кадомс работанц сяс, мес сонь примазь тонафнема высшай или средняй специальнай учебнай заведенияс.
Работницатненди и служащай аватненди пекияма и шачфтома пингонь отпускне макссевихть действующай законодательствать коряс.
5. Ладямс, што ся рабочайхне и служащайхне, конат эсь воля тусть государственнай, кооперативнай и общественнай предприятиятнень и учреждениятнень эзда, макссевихть судс и народнай судть приговоронц коряс сёлгондовихть тюрьмав 2 ковста сявомок 4 ковс молемс срокс.
Ладямс, што уважительнай туфталфтома прогулонкса государственнай, кооперативнай и общественнай предприятиянь и учреждениянь рабочайхне и служащайхне макссевихть судс и народнай судть приговоронц коряс судендакшневихть исправительно-трудовой работас работама вастозост кота ковс молемс 25 процентс молемс заработнай платаснон эзда кирдемать мархта.
Тянь коряс уважительнай туфталфтома прогулонкса обязательнай увольнениять отменить.
Мярьгомс народнай суттненди ся тефнень, конат азфт тя статьять эса, ванондомс аф 5 шида лама срокста и ня тефнень коряс приговорхнень пяшкотькшнемс эстокиге.
6. Ладямс, што предприятиянь директорхне и учреждениянь начальникне ся ломаттнень судс аф макссемаснон инкса, конат виновнайхть предприятияста и учрежденияста эсь воля туманкса, и ся ломаттнень, конат виновнайхть уважительнай туфталфтома прогулонкса — тарксевихть судебнай ответственностьс.
Ладямс тяфта жа, што предприятиянь директорхне и учреждениянь начальникне, конат примасть работама законть эзда кяшенди ломаттнень, конат эсь воля тусть предприятияста и учрежденияста, тарксевихть судебнай ответственностьс.
7. Тя Указсь сувси вийс 1940 кизонь июнть 27-це шистонза.
| СССР-нь Верховнай Советть Президиумонц председателец М. КАЛИНИН. |
| СССР-нь Верховнай Советть Президиумонц секретарец А. ГОРКИН. |
| Моску, Кремль. 1940 кизонь июнть 26-це шистонза. |
