Тята арьсе ёфси, муза,
Што мон сюцекшнемот карман,
Сяс мес тонь советцень коряс
Ки сатсь тейне пяк кумбарав!
Сянксонга спасиба азан, —
Панжить сельмонень монь, сокорть,
Тя лекарствась эряфсонок
Хоть и сяпи пою сокта.
Коса кодамовок цебярь
Аф кулят, аф няят, азат,
Мезенди жа тоса валхне,
Няи сельмось, пилесь тазась?
Тейне родиназе содаф,
Келес яксине, кувалмос,
Правдать азонкшнеманц инкса
Матрась эсон горянь сталмось.
Тяса ёнькс лувсазь и рабствать,
Мудрайкс — подлай ломанть, вреднайть,
Сяскикс эряфса иляткшни
Лима-сюнесь, лицемернайсь.
Штоб цютькяне куцемс вяри,
Кяли брадсь эсь брадонц ланга,
Тряйхне анокт мимс эсь идьснон,
Иттне — тряйснон, мирдсь — рьванцка.
А закоттне ащихть сетекс
Жаднай кядьсост фарисейхнень,
Штоба виють мяленц ваномс,
Потямс вийфтомть, моцькакс сейхтемс.
. . . . . . . . . . .
. . . . . . . . . . .
. . . . . . . . . . .
. . . . . . . . . . .
Аньцек сёра видить инкса
Кивок цебярь тев аф тии,
Кеденц эзда снихть одежат,
Шокшезь ливозьдонза симихть.
Стак тят учсе, музай. Кие
Мярьги тейнек мезьге азомс?
Пинге кярьмодемс ни тевти,
