Page:Колхозонь эряф 1940-07 38стр.jpg

---

---

 

М.  Безбородов

---

ВОЛЯНКСА*)^[1]

ПОВЕСТЬ

ВАСЕНЦЕ МОРОСЬ

„Ольксезь-авардезь Эрясь эряфса.“(Сире ёфксста)

ПРОЛОГ

Ётнесть недлятне,
Ётнесть ковнятне.
Аннаняти састь
Стака шинятне.
Кода од авань
Кассь сонь пеконяц.
Вай, лямбе лофцса
Пяшкодсь мяштеняц.
Увнай сёксень весь
Шобда вайгяльса,
Вирьхнень, паксятнень
Эшляй пиземса.
Удыхть велетне,
Шумнайхть варматне,
Куфцихть сярядикс
Ляень волнатне.
Косонга аяш
Ваймонь кандыня,
Косонга аяш,
Вай, тол-валдоня.
Аньцек Салаюф
Баярть кухняса
Стирня сяряди
Авань урмаса.
Шачфтома лангса
Сонне пеконяц,
Кода акша лов
Олаф шаманяц,
Бта маштыксти
Палы ронгоняц,
Тотнай урмати

---

1. *) Тя повестсь инголи лисендсь „Колма пингть или колма морот“ лемса и аф полнайста.