Шоподсь. Нармоннятне вирьса
Валдашкодомс сембе мадсть.
Пяшксе цёрада и стирьда
Велень пиже, мазы садсь.
Сери тишеть пачка такор
Якамс саднять эса янць.
Морась кайги, мазы мора
Цёрать кядьса од баянць.
Кулевсть стирень кайги вайгяльхть,
Паксять келес срадондсь морсь,
И баянца Петя цёрась
Морась — знатнай комбайнёрсь.
Тядде Петясь нума лангста
Котоксть ётазе ни планть,
И колхозоньке минь тянкса
Каззе тейнза баянть.
Налхксихть весяласта — ванцак,
Сизефснон синь прокс юкстазь,
Йотафт сембонь ламоксть планцна,
Лац нумать синь шумордазь.
