This page has been proofread.
18
ᎠᏂᏣᎳᎩ ᏧᎾᎴᏅᏙᏗ ᏧᎾᏕᎶᏆᏍᏗ.
ᏔᏕᎶᏆᏍᎩ—ᎢᏳᏃ ᎯᎠ ᎢᏴᏛ ᏱᏣᏱᎶᎸ ᏕᎯᎪᎵᏰᏍᎬᎢ ᎿᏉ ᏱᏗᏣᏕᎶᏆᎥ ᏗᎪᎵᏰᏗᏱ ᎪᏪᎵ, ᎦᏂᎳᏉᏍᎩᏂᏃᏅ ᎠᏏ ᏱᎩ. ᎠᏎᏃ ᎯᏱᎵᏎᏍᏗ ᏂᎦᎥ ᎪᏪᎵ ᏗᎦᎴᏴᏔᏅᎯ ᏕᎯᎪᎵᏰᏍᎨᏍᏗ, ᎥᏝ ᏴᎦᎪᎯᎩ ᎿᏉ ᎠᎯᏗᏳ ᎨᏣᎪᎵᏰᏗ ᏱᎩ. ᏗᏂᏏᎾᏍᏛ ᏥᎩ ᏅᏗᎦᎵᏍᏙᏗᎭ ᏯᏃᏉ ᏓᏂᎪᎵᏰᏍᎬᎢ. ᎠᏎᏃ ᎠᏏ ᏔᎵ ᎢᏳᏓᎴᎩ ᏣᎷᎳ-ᏗᏦᎵᏍᏗᏱ ᎠᏲᎯᏍᏔᏅᏍᏗ ᏥᏂᏕᎬᏅ; ᏗᏎᏍᏗᏱᏃ ᏗᏣᎪᎵᏰᏗᏱ. ᎾᏍᎩ ᏗᎨᏣᏕᎶᏆᏍᏗ ᏂᏨᏴᏂᏏ ᎠᏂ ᎡᎳᏗᏢ ᎠᎴ ᏔᎵᏁ ᎤᎦᏄᏓᏅᎢ. ᎾᏍᎩ ᎭᎵᏂᎬᏁᎮᏍᏗ ᏗᏦᎵᏍᏗᏱ, ᎠᎴ ᎩᎶ ᎯᏯᏛᏛᎲᏍᎨᏍᏗ ᏗᏦᏏᏌᏁᏗᏱ ᎢᏳᏃ ᎤᏓᏑᏰᏍᏗ ᏃᎵᎬᎾ ᎨᏎᏍᏗ.
ᏣᎪᏪᎵᏍᎪᎢ ᏑᏓᎴᎩ ᎠᎧᏁᎬ ᎥᏍᏆᏓ, ᎿᏉ ᎯᎠ. ᎾᎬᏁᎰᎢ.
ᎠᏲᎯᏍᏙᏗ ᎤᏍᏗᎩᏛ ᏥᎨᏐᎢ, ᎠᏎᏃ ᎦᏛᎬᎢ ᏂᎪᏪᎳᏃᏅᎾᏉ ᎠᏏ ᏥᎨᏐᎢ, ᎯᎠ, ᎾᎬᏁᎰᎢ.
ᎯᎠ; ᎡᏍᎦᏉ ᎢᎪᎯᏛ ᎠᏲᎯᏍᏙᏗ ᎨᏐᎢ ᎤᏟ ᎯᎠ. ᎠᏎᏃ ᎾᏍᎩ ᎤᏟ ᎢᎪᎯᏛ ᎡᏍᎦᏉ ᎯᎠ,
ᏨᏛᏛᎲᏍᎪᎢ, ᎯᎠ? ᎾᎬᏁᎰᎢ.
ᎪᎱᏍᏗ ᎤᏍᏆᏂᎪᏗ ᎠᎧᏁᎢᏍᏓ, ᎯᎠ! ᎾᎬᏁᎰᎢ.
ᎯᎠ ‘ᎠᎴ ᎯᎠ “ᎠᎪᏪᎵᏍᎪᎢ ᎠᎴᏅᏗᏍᎬᎢ ᎩᎶ ᎤᏬᏪᎳᏅᎯ ᎠᎴ ᎤᏬᏂᏒᎯ ᎠᎪᏪᎸᎦ, ᎯᎠᏃ’ ᎠᎴ ᎯᎠ” ᏩᎵᏍᏆᏗᏍᎬᎢ.
ᎯᎠᏗᎾ ᎡᎳᏗᏢ ᏣᎴᏂ ᏥᏕᎦᎴᏴᏗ ᎾᎿ ᏙᏓᏥᏩᏛᎯ ᏂᎦᏛ, ᎠᎴ ᎾᏍᎩ ᎤᏟ ᎠᎯᏗᏳ ᏗᏦᎵᏍᏗᏱ.
ᎤᏂᏣᏔ ᎣᏏᏳ ᎠᎾᏗᏍᎪᎢ ᎤᏍᏗ ᏫᏍᎩ ᏴᏗᏔᏍᎦ. ᏥᎪᏃ ᎤᏙᎯᏳ ᎣᏏᏳ? ᎥᏝ; ᎠᏓᏡᏗ-
