— 26 —
Memiks lora, kel de kligöp
militi dekom sa stän: —
Gued e blud plo lelimep,
gued e blud plo fatän!
—
Kisi ejafom sif vobik,
jepolös o kligel ol;
tikäla ko vafs leplobik
vikodomöd kan e nol!
Läbad läne obinomös
e ko läbad fama ön: —
Goda sol püdo stalomös
su läbik obsa Löstän!
Elovelopom Necas Yán (Mähren, Lostän).
Cogikos.
In sifakonsälem sifa X. ävedom dikod meköfik dö beg penädik kluba «Fauna,» kel ävipom yüfi makas tum plo setopam peployegöl bödas pöfüdik. Kopanals anik konsälema äsagoms alos, das na gevam bega i klubs votik, pato klubs kanitelas, oflagoms-la yufi sifik. Tän konsälal sembal äsustanom ed äsevokom vödis at nämlik: Ag, kanitön kanom alikel, ab nögis seistön no! — Yoföf tepik äsukom, e maks tum pägevoms.
Stunikos.
Eko! glidob oli; lonedo no ebinol is? — Si, emekob tävi zi voli — So? i ob emekob tävi zi voli! — Makabo, das balim votimi no elögom!
Leplüt kötik.
Ab, söl liötan, kikod lulogol so dibälik su smabovi obik? — Milagob gladi, kel kanom blibön kalodik visu venuds olik, o vomül.
Lenze (Saxän).
