Ün vegl cudaschet

by Gian Fadri Caderas

[ 40 ]

Ün vegl cudaschet.

Ün cudaschet zuond vegl, ma non' avaiva,
Con popps e fluors bain pü co trent' orno,
La venerabla quel suvenz sfögliaiva,
Fixaiva sechas fluors cun ögl bagno.

Ün di la dumandet: »ma nona chera,
Fixand las sechas fluors che cridast tü?«
Ed ell' a me con zuond commossa tschera:
»Eau crid per bgers chi uossa nun sun pü!«

Ed uoss' avrind quel cudesch chi rinserra
E fluors e larmas d'chers davent dal muond,
Am chat sulet errant sün quaista terra
Ed aint in cour resaint un vöd profuond!

21 Avuost 1878.