İnsannar karımcalar

Todur Zanet
İnsannar karımcalar

Ne türlü yaşerız dünnädä?
Çalışerım annamaa hep gün-gündän:
Bo cenklär gämärdi umudu,
Bo kavga bozardı uykuyu,
Bo raatlık çökärdi yukardan

Biz sa, insannar karımcalar,
Savaşırdık naşeysa yapmaa:
Direşip, çökerdik büük ükü,
Tepinip, düzärdik ömürü,
Evladı düünärdik hep büütmää

Görmärdik hızlı bu kaçmakta
Yalından geçän insannarı
İkide - birdä daldardık acıdan
Düşünüp - düşünmedik sölärdik lafları
Zihirli haşlardık cannarı

İnsannar karımcalar düşärdi
Ömürü ilerletmää deyni…