Һимеҙ итте шаҡмаҡлап турайһың, Кишер туҡмас кеүек киҫкеләнә. Байтаҡ ҡына итеп һуған әрсе, Майҙы йәлләй күрмә һис кенә лә. Дөгөң таҙа булһын, сүплә, сайҡа, Былау бешереүгә ҡаҙан матур. Ярмаң ебей. Үҙең шул арала Ит, кишер һәм һуған ҡыҙҙыра тор. Ит әҙерме? Уға борос өҫтә. Дөгөнө һал. Һыуың ни самалы? Бер илеләй генә артыҡ булһын... Күңеллеме тандыр боҫрағаны? Бығып бешһен былау һүрән утта, Ҡуҙын тартҡан мейес ҡулай ғына. Ул еҫтәре, ул төҫтәре ҡалай! Килешеп тора байрам табыныңа.
