Кем һуң әйтте?

← Вокзалда

Кем һуң әйтте? (Шиғыр) автор Лилиә Һаҡмар

Әллә ямғыр, әллә ҡар яуа →

Ижад итеү ваҡыты: 07.08.1984. Нәшер ителгән: 2006 йыл. Сығанаҡ: Һаҡмар Л. Эстафета: Шиғырҙар, поэма. – Өфө: Китап, 2006. – 176 бит. (47-се бит) ISBN 5-295-03798-3

КЕМ ҺУҢ ӘЙТТЕ?^*

Кем һуң әйтте, юлдарыңда
Гөлдәр үҫеп торасаҡ, тип,
Һин ярата алған кеше
Иң бәхетле буласаҡ, тип.

Кем һуң әйтте, иҫләмәйем,
Тик һүҙҙәре онотолмай,
Берҙән-бергә бағышланған
Наҙлы һөйөү йырым тынмай.

Ләкин йырым, шаңдау булып,
Яңғырай ҙа кире ҡайта,
Берҙән-берем башҡаларға
Наҙлы һөйөү һүҙен әйтһә…

Кем һуң әйтте, һин яратҡан
Иң бәхетле буласаҡ, тип,
Тик әйтмәне, яратҡанда
Күҙең йәшкә туласаҡ, тип.

---

Иҫкәрмәләр

• Йыр. Композиторы Ф.Шарипова. Йырлай Ф.Шарипова.
• Авторҙың башҡа әҫәрҙәре Author:Лилиә_Һаҡмар