Колхозонь эряф/1936/01/Ашесть сяськя/8
VIII
Сидеста ащесть менельса тяшттне — синь цифтордсть сиянь и золотань валдса Мокша ляйть шада веденц вельксса. Лугаса марявсь аньцек ведень жольф. Кулевсь маласта велетьнень эзда пинень увама вайгяль Шуди ветть беряксонза шовдать потмоса цифтордсь толня, конань ваксса няевсть кафта равжа фигурат: нят калонь кундайхть; синь эженьдсть толнять ваксса и косьфнесть начка карьснон-пракстаснон.
Ляйть тона бокса серьгядьсть ломатть, эняльдьсть йотафтомс пряснон.
— Архт, Федя, ётафтыть алятьнень, пади мзяровок пандыхть, — пшкядсь фкя калонь кундайсь ялганцты. Федясь озась венежти и уйсь омба берягу, сонь учезь кафта ломатть. Федясь ушедсть [ 96 ]уйфтемост видеста толнять шири, Федясь айдясь фалу кяржи ширеста, но ито берякти пачкодемс салазень синь ведьсь оцю васта.
Трхцадьсь венеж прясь берякти. Федя анась ярмак йотафтоманкса; эста фкясь лихтезе карманцтонза наганонц, ладязя Федять конязонза и эчке вайгяльса цяткофтсь.
— Желаешь, шичас заплачу!
Трнатозевсь Федять кядьса милесь, ёрась корхтамода кати мезе, но ашезь шарфтов кялец. Омбоцесь сявозень Федять калонзон кошяльнек, и комотьсть венежста. Кулевсть маласта велень атекшнень пяля вень кукорямасна.
Озась Федять седиец, мзярда аердсть ваксстонза ня вень юргихне. Пративналь теенза меки вяри ветть венежть айдямац. Мокшеть туркс меки ётамстонза сонь салазе шудись танга сяшка васта и толнясь стак цютьке аньцек няевсь. Пачкодьсь меки вастозонза. Нежедсь толть ваксс, ялгац станяк плманжа пря ланкса косьфнесь пракстанзон.
— Куломшка эводень. Афи маряйне, кода чшане ту сть, тона берякса анань кядьстост ярмак, а синь конязон ладясть наган. Д калхненьге сявозь, мярьгеньдень, валхтомс венежста, веньберьф вдь шавф пинекс инксост.
— Кодама ломатть синь?
— Корхтасть рузкс, а вайгяльсь йофси Вирьгуть, наверна синь и улихть Розгинтть мархта.
— Да-а. Мон думандан синь сяс и йотасть кайця боку, — корхтась озада толть ваксса Федять ялгац — тоса теест сяда слабодна ули грабамс-шавондомс. Тяни вдь шада ведень пинкть шура ся шири етай милиционер, а участканнесь мезе теест скамонза тии. Д коста! — синь афи кундавихть. Эх, окаяннайхне, конашкава обижамазь, тяни шафт ванды танга шиньберьф, д ниньге аф кундат сьняра.
— Мон ниньге теть ашине азонда, — пшкядсь Федясь. — Колмочесь шовдава, коста туме тяста, урьвязе азондозе. Тона веть сон мадсь, кенькшкять пякстамда юкстазе. Марясы, кудса эчкста корхтай алянь вайгяль: „Марфа, а Марфа, стякать!“ Урьвязе комотсь вастстонза и фатясь сардонятьненьди, ерась уфамда тол. „Тят уфсе!“ — кундазе кяденц фкясь. Эстакиге шарьхкодьсь, што нят Вирьгусь и Розгась. „Андомасть лофцта“, пшкядьсь танга сяка эчке вайгяльсь. Урьвязе тись туйкс похаряму лофцонкса, кода лиссь кудста ды ласькозь суседть шири. Шабатьненьге кадозень удозь. Синь учсть — учсть, вднать, шовда кудса и тусть. Вот вага, няйсак ефси аф пелихть. Синь, аля, пряста сявомок пилькненьди молемс воружоннайхть.
[ 97 ]Вирьть фтала пажаронь сильфокс кирьвязсь шовдавань зарясь. Кой-кона тяшттьне коньцезь-ни сельмеснон, аньцек сидеста ниньге ащесть нармонь кинь тяшттне, конат кувакаста таргавсть лугать, вирьть и панттнень вельфкя. Кайксть шада ветть ланкса Мокша берякста веленянь атекшнень кукоряма вайгяльсна, синь азондсть шобдавать саманц. Федясь ялганц мархта тусть вяньтерьснон варжама.
