Егорсь, мархтонза
Тага фкя ломань
Салазь-колазь тусть
Козя паксяти,
Шаштыхть комада
Розень капати.
Йондолкс кифчии
Спичка валдонясь,
Вай пяк эрек ульсь
Захар атянясь.
Захар атязе
Марстонь тиньге ванць,
Эсь ружьянянц сон
Кядь вельдене кандсь.
Ушедсь целяма,
Ружьяц ляцьсь сонь „трахх“!
Пине врагсь ювадсь:
— Ах, шкабавас, ах!
Егор ласькозь тусь
Сяньге ляцезе,
Ружья ложса сонь
Коняс эрьхтезе.
Ружья вайгяльнясь
Марявсь велети,
Комсомолецне
Азозь Полюти.
— Айда ласьктяма! —
Корхтай Полюнясь. —
Тя аф шавос ляцсь
Захар атянясь. —
Пачкодсть малати
[ 82 ]
Гладти—капати,
Вернай сторожсь мярьгсь
Надьям ялганцты:
— Кельгома стирняй, —
Тяфта мярьган тейть
Йону Полюняй, —
Ляцинь пинетнень,
Кядьстост нельгине
Толу спичкатнень.
Йорасть кадомс минь
Йофси вачеда,
Эста мярьгольхть синь:
„Меки срадода“. —
— Вов, тя атяня!
Ляцить пинетьнень,
Ваныть толть эзда
Оцю капатнень.
Марстонь тингти ласьксть:
Стирьхне, цёратне,
Мархтост атятне,
Эрек аватне.
Полюсь стяда стясь
Молотилкать лангс,
Колхозникне сонь
Учихть корхтаманц:
— Кельгом ялганят,
Ламоксть корхнекшнень,
Вреднайхть козятне —
Веронь потяйхне.
Ащихть оржаста
Шоваф узерьсна.
Аф удыхть синь шить,
Аф удыхть синь веть,
Няйсазь эряфснон
Сашонды ни пец.
|
