Кра́ткаѧ и҆сто́рїа се́рбѡвъ/ча́сть а҃/а҃

by Yovan Raich

А҆́ще бꙋ́кви непра́вилнѣ зрѧ́тсѧ, грѧдѝ сѣ́мо, да грамматоси́ры є҆́млеши.

←Ча́сть а҃

Кра́ткаѧ и҆сто́рїа се́рбѡвъ  (въ лѣ́то ѿ ржⷭ҇тва̀ хрⷭ҇то́ва ҂аѱч҃г)  Творе́нїе а҆рхїмандрі́та і҆ѡа́нна ра́ича §. І. ҆ дре́вныхъ жи́телехъ Се́рбскїѧ землѝ пре́жде Ржⷭ҇тва̀ Хрⷭ҇то́ва

Ча́сть а҃, в҃→

§. І.
҆ дре́вныхъ жи́телехъ Се́рбскїѧ землѝ пре́жде Ржⷭ҇тва̀ Хрⷭ҇то́ва.

Древнѣ́йшїи ѡ҆бита́тели си́хъ земе́ль, кото́рыѧ въ столѣ́тствїи седмо́мъ Се́рбскимъ Вене́дѡмъ припа́ли, и҆ на кнѧже́нїѧ Се́рбїи, Ра́ссїи, Бо́снїи, и҆ Ра́мы раздѣ́лени ста́ли, бы́ли Дарда́ни, А҆рді́и, Скорди́сци, Три́бали, и҆ Панно́нїи. Дарда́ни и҆зъ предѣ́лъ Тро́и чре́зъ Хелеспо́нтъ въ Гре́цїю вше́дшїи, и҆ да́лше въ македо́нскїѧ, бо́лгарскїѧ, и҆ се́рбскїѧ го́ри прише́дшїи бы́ли вели́ки ра́тницы, и҆ македо́нскїѧ своѧ̀ сосѣ́ды чре́зъ разли́чнаѧ наси́лства ѹ҆дрꙋча́ли пре́дъ Р. Х. за 279. Ѻ҆́ни наконе́цъ пре́дъ Р. Х. за 191. лѣ́то, ѿ Це́лтѡвъ, а҆ въ дрꙋго́е лѣ́то ѿ Ри́млѧнъ поко́рени, на послѣ́докъ пре́дъ Р. Х. за 28 лѣ́тъ совсѣ́мъ ѿ Ри́млѧнъ побѣ́ждени, и҆ землѧ̀ и҆́хъ въ со́бственнꙋю прови́нцїю (Дарда́нїю) премѣ́ненна, кото́раѧ ма́лѡ пото́мъ къ Мѷсїи прило́женна. Ѿ вре́мене тогѡ Дарда́ни наꙋчи́лисѧ земледѣ́ланїю, и҆ ꙗ҆зы́къ ри́млѧнъ съ нра́вомъ воспрїѧ́ли, и҆ подвꙋ́хъ столѣ́тствїѧхъ и҆ нацїона́лное и҆́мѧ своѐ погꙋби́ли. А҆рді́и ви́дѧтсѧ, что̀ пе́рвѣе набрега́хъ ме́ждꙋ Сало́нною и҆ Дꙋра́зомъ (Драчъ) посели́лисѧ, кото́рїи А҆втари́тѡвъ въ Се́рбїи, Бо́снїи, и҆ Македо́нїи ѻ҆бита́вшихъ, и҆лѝ па́че – скита́вшихсѧ є҆щѐ пре́дъ прише́ствїемъ Дардане́зовъ въ сїѧ̀ предѣ́лы, прогна́ли. И҆ болша́ѧ ча́сть си́хъ наро́дѡвъ принꙋ́ждени въ боса́нскихъ и҆ хорва́тскихъ лѣса́хъ пребыва́лища и҆ска́ти, а҆ на послѣ́докъ съ Пано́нами смѣша́лисѧ.

Скорди́сци целти́ческїй, и҆ Га́лло-Герма́нскїй наро́дъ пре́дъ Р. Х. за 590 лѣ́тъ ѿцѣпи́лисѧ въ вели́комъ ѻ҆́номъ похо́дѣ Це́лтѡвъ ѿ гла́вагѡ Наро́да, и҆ забꙋжда́ли, то̀ въ Болга́рїи, то̀ въ Македо́нїи, то̀ въ Се́рбїи, и҆ Бо́сни, и҆ ѻ҆́колѡ горы̀ Ско́рда ме́ждꙋ Бо́сною, Се́рбїею, и҆ Далма́цїею, до́ндеже въ послѣ́дней се́й землѝ водвори́лисѧ, и҆ ме́ждꙋ лѣ́ты 12. и҆ 5. пре́дъ Р. Х. ѿ Ри́млѧнъ и҆згла́ждени и҆ притѣ́снени бы́ли. По́длѣ и҆́хъ въ Бо́сны и҆ Се́рбїи поселѧ́лисѧ пре́дъ, и҆ по Р. Х. Дазаре́ти, Сале́зїи, и҆ Дестїа́ти, Варцїа́ни, Пирꙋ́сти, Цераꙋ́ни, и҆ самі́и древнѣ́йшїи Далма́ти, кои́хъ Респꙋ́блики Делми́нїꙋмъ и҆ Дꙋ́мно, по то́мъ набре́жней Далма́цїи нынѣ́шнее и҆мѧ да́ли.

Триба́ли пре́дъ Р. Х. ѡ҆бита́ли Зе́млю при Са́вѣ и҆ Дри́нѣ въ Се́рбїи и҆ Бо́сни, а҆ по то́мъ пошлѝ въ ни́зъ къ Дꙋ́навꙋ, и҆ пре́дъ Р. Х. за 191. лѣ́то ѿ ча́сти чре́зъ рꙋкꙋ̀ тꙋ́ю во Ѹ҆нга́рїю и҆ Е҆рдель про́гнани бы́ли, ѿ ча́сти же пре́дъ Р. Х. за 29. лѣ́тъ притѣ́сненни ѿ ри́млѧнъ, и҆ Мѷсїи на́званни. Съ во́лностми и҆́хъ ѹ҆га́сли и҆ про́чїи предре́ченнїи Наро́ди, и҆ всѝ дре́внїи ѻ҆бита́тели при́гнанни бы́ли воспрїѧ́ти ри́мскїѧ на́редбы, зако́нъ, ꙗ҆зы́къ и҆ поведе́нїе. И҆зъ тогѡ̀ произише́лъ є҆ди́нъ гла́вный смѣ́шанный наро́дъ, кото́рыхъ пото́мци и҆ до нн҃ѣ по́дъ и҆́менемъ Їллѷрїевъ и҆лѝ Вла́хѡвъ (мавровла́хи) нахо́дѧтсѧ. Въ позднѣ́йшихъ же времена́хъ є҆щѐ мно́гїѧ смѣ́сы въ пра́вахъ и҆ ѻ҆бы́чаѧхъ дрꙋги́хъ а҆ссїаті́ческихъ, и҆ нѣме́цкихъ Наро́дѡвъ прилѣпи́вшихсѧ и҆̀мъ, воспрїѧ́ли и҆ ѡ҆держа́ли.