Кәңәш биреүсегә

← Теләк (Л.Һаҡмар)

Кәңәш биреүсегә (Шиғыр) автор Лилиә Һаҡмар

Яңғыҙ ғына ҡалғым килә →

.Нәшер ителгән: 2006 йыл. Сығанаҡ: Һаҡмар Л. Эстафета: Шиғырҙар, поэма. – Өфө: Китап, 2006. – 176 бит. (62-се бит) ISBN 5-295-03798-3

Кәңәш биреүсегә

Һин ул булып илап ҡара, көлөп ҡара,
Һин ул булып ҡара һөйөлөп,
Үҙәгеңә үтер йәберҙәрҙән
Китмәҫ микән йәнең өҙөлөп.
Ә йөрәгең нисек сыҙар икән
Түбән йәндең нахаҡ һүҙенә?
Йәш тамһа ла күҙҙән йылмайыуың
Сығыр микән нурһыҙ йөҙөңә?
Һин ашыға күрмә, дуҫым минең,
Күңеленә уның ҡағылма,
Кәңәш – аҡыл өсөн, ә йөрәккә
Хистән башҡа һүҙҙәр яҙылмай…
Ҡағылма…

---

Иҫкәрмәләр

• Авторҙың башҡа әҫәрҙәре Author:Лилиә_Һаҡмар