Оҫта ҡулдар(шиғыр). Тамара Ғәниева

Оҫта ҡулдар ( шиғыр ) автор Тамара Ғәниева

.Нәшер ителгән: 1993 йыл. Сығанаҡ: "Ҡондоҙ ҡойроғо ".-Өфө"Китап ",1993 йыл

Оҫта ҡулдар

 Һаламдан, йүкәнән
 Үрелгән йәнлектәр
 Биҙәкләп тегелгән
 Сумкалар төрлөктән.
 Балсыҡтан яһалған
 Өҫтәлдәр, һауыттар
 Таҫтамал башына
 Сигелгән тауыҡтар
 Сәскәләп, итәкләп
 Тегелгән күлдәктәр.
 Алъяпҡыс, камзулдар
 Ғәжәйеп үрнәктәр.
 Быларҙың барыһын
 Балалар эшләйҙәр.
 Уларҙы юҡҡа шул
 «Оҫта ҡул» тимәйҙәр.
 

1993 йыл

---