Сло́во ѡ҆ житїѝ ст҃а́гѡ ѻ҆ц҃а̀
на́шегѡ є҆фре́ма сѵ́рїна, бл҃гословѝ ѻ҆́ч҃е.
Се́й ѻ҆ц҃ъ на́шъ є҆фре́мъ прпⷣбный, бѣ̀ ѿ восто́ка, сѵ́рїнъ ро́домъ, ѿ роди́телю бл҃гочести́вꙋ, роди́сѧ въ є҆де́ссѣ, бы́въ въ лѣ̑та кѡнстанті́на вели́кагѡ цр҃ѧ, и҆ пото́мъ црⷭ҇твовавшихъ, и҆ ѿве́ргсѧ всѣ́хъ проны́рливыхъ дѣ́лъ. роди́тели же є҆гѡ̀ є҆щѐ є҆мꙋ̀ дѣ́тищꙋ сꙋ́щꙋ, ви́дѣста со́нъ, ре́кше видѣ́нїе, ꙗ҆́кѡ взы́де лоза̀ на ѧ҆зы́цѣ є҆фре́мовѣ, и҆ воⷥра́стъ, и҆ и҆спо́лни всю̀ поднбⷭ҇нꙋю. и҆ прихожда́хꙋ всѝ поднбⷭ҇ныѧ пти̑цы, и҆ ꙗ҆дѧ́хꙋ ѿ плода̀ ви́ннагѡ. и҆ є҆ли́коже ꙗ҆дѧ́хꙋ, па́че множа́шесѧ. Се́й ѿ ю҆́ны версты̀ всели́сѧ въ го́рꙋ. и҆ по꙼ꙋверзе́н꙼їѧ
ᲂу҆м꙼иле́н꙼їѧ глꙋбинꙋ̀ приѡбрѣ́тъ, є҆ю́же и҆ прїѧ́тъ бж҃е́ственнꙋю блгⷣть ст҃а́гѡ дх҃а. ѡ҆ не́мже нѣ́кто бг҃оно́сныхъ ѻ҆ц҃ъ, во снѣ̀ ви́дѣ мꙋ́жа стра́шна, держа́ща сви́токъ хартїа́нъ, и҆ вопроша́ше, кто̀ ᲂу҆́бѡ мо́жетъ прїѧ́ти и҆ сохрани́ти є҆го̀. И҆ бы́сть гла́съ къ томꙋ̀: и҆́нъ никто́же ра́звѣ є҆фре́ма ᲂу҆го́дника моегѡ̀. є҆мꙋ́же преⷣстоѧ́щꙋ, и҆ ѿве́рзе ᲂу҆ста̀ є҆гѡ̀ вдадѐ є҆мꙋ̀. ѻ҆́нъ же и҆з̾ѧдѐ є҆го̀, и҆ вско́рѣ и҆стечѐ рѣка̀ бг҃ото́чныхъ слове́съ, и҆спо́лнь по꙼ꙋверзе́н꙼їѧ
ᲂу҆м꙼иле́н꙼їѧ и҆ покаѧ́нїѧ, и҆ и҆сповѣ́давъ стра́хъ сꙋ́дный, и҆ є҆́же со сла́вою второ́е прише́ствїе, цр҃ѧ всѣ́хъ влⷣки і҆и҃са хрⷭ҇та̀ и҆́стиннагѡ бг҃а на́шегѡ, ꙗ҆́кѡ да воⷥда́стъ комꙋ́ждо по дѣ́лѡмъ є҆гѡ̀. и҆ къ си́мъ же и҆ бж҃е́ственыхъ ᲂу҆ста̑въ пра́вило пи́смены положѝ. И҆́нъ же паки нѣ́кто ѿ ст҃ы́хъ стра́рєцъ, ви́дѣ во снѣ̀ а҆́гг҃льскїѧ си̑лы съ нб҃сѐ сходѧ́ща, по повелѣ́нїю бж҃їю, и҆мꙋ́щѧ въ рꙋкꙋ̀ сви́токъ напи́санъ и҆звнꙋ́трь и҆ и҆звнꙋ̀, и҆ гл҃ахꙋ дрꙋ́гъ ко дрꙋ́гꙋ, кто̀ се́й хо́щетъ прїѧ́ти; и҆ ѻ҆́вїи глаго́лахꙋ, ѻ҆́нъ сі́и, дрꙋзі́и же дрꙋга́го. ѿвѣща́ша же и҆ні́и, реко́ша: нѝ. пои́стинѣ ст҃и сꙋ́ть и҆ пра́ведни, но никто́же ѿ тѣ́хъ мо́жетъ сего̀ прїѧ́ти, ра́звѣ є҆фре́ма кро́ткагѡ и҆ смире́ннагѡ срⷣцемъ. и҆ ви́дѧше ста́рецъ, ꙗ҆́кѡ є҆фре́мꙋ преда́ша сви́токъ, и҆ воста́въ заꙋ́тра, слы́ша ꙗ҆́кѡ и҆сто́чникъ кипѧ́щь и҆з̾ ᲂу҆́стъ тогѡ̀, и҆ составлѧ́ющꙋ словеса̀ ᲂу҆чи́тєльнаѧ, всѧ́кагѡ ᲂу҆твержде́нїѧ и҆ стра́ха бж҃їѧ пѡ́лна сꙋ̑ща. и҆ ᲂу҆вѣ́давъ ꙗ҆́кѡ ѿ ст҃а́гѡ дх҃а сꙋ́ть, и҆сходѧ́щаѧ и҆з̾ ᲂу҆́стъ є҆гѡ̀, и҆ просла́ви бг҃а, даю́щаго таковꙋ́ю бл҃года́ть рабѡ́мъ свои̑мъ.
This is a translation and has a separate copyright status from the original text. The license for the translation applies to this edition only.
