Паледа, уке те, мо тыгае Марий Эл?
Колында, уке те, мо тыгае Марий Эл?
Ужын огыдал гын,
Колын огыдал гын,
Кертыда мурем гыч те пален.
Марий Эл –
Акрет чодра, пасу, ший ер.
Марий Эл –
Ачам-авамын шочмо вер.
Марий Эл –
Элемын ик изи ужаш.
Марий Эл –
Лач мыйын ӱмыраш пыжаш.
Шуко Эл тӱняште, но лач икте Марий Эл.
Молын гае огыл тудо – мыйын Марий Эл.
А могай сын-кунжо
Да могай шӱм-чонжо
Кертыда мурем гыч те пален.
Марий Эл
Йомак аршашым пӧлекла.
Марий Эл
Мурсем орлаҥгым рӱзалта.
Марий Эл
Шӱм-чонжым окнала почеш.
Марий Эл
Поян ӱстел ден вашлиеш.
Кушко мый ом кае – ушыштемже Марий Эл.
Огеш кӱл йот мланде – лийже лачак Марий Эл.
А молан ом мондо
Да молан ом кодо,
Кертыда мурем гыч те пален.
Марий Эл
Шыҥалын мыйын шӱмышкем.
Марий Эл
Вераҥын мыйын мурыштем.
Марий Эл –
Элемын ик изи ужаш.
Марий Эл…
А эл ок лий – ок лий илаш.
