Святое Евангелие (эрзянь)/В/Лукань/07
Глава 7.
1Кода прядынзе кулсоныця ломатненень весе валонзо, Сон совась Капернаумс.
2Вейке сотникень вечкима урезэ[1] куломо лаҥгсо сэредсь. 3Іисусто марязь, сон кучсь Тензэ Іудеень атят, инялдозь тердемензэ, сонзэ урензэ [ 160 ]шумбралгавтомо. 4Сынь Іисуснэнь сазь, пек инялдозь, тердсть Эснэнзэ, мерезь: сон ашти тень теймешка. 5Сон вечксазо минек народсть: тейсь тенек синагога. 6Іисус тусь марост. Кода Сон уж кудодонзо аволь васоло ульнесь, сотниксь, кучинзе ялганзо Іисуснэнь мерьме: Тонавтыця, иля майсекь: мон а аштян монь кудозон Тонть совамошканть. 7Секс мон эсь прян-гак Тонеть мольме аштицякс эзія путт, — Тон ёвтак аньсяк вал — монь урем пички. 8Ведь мон моньс-как ломаньсь хоть начальник ало аштицяян, а моньсинь кедь ало-як улить салдат; да мерян сенень: мольть — моли; омбоценень: сак — сы; урень туртов-гак: теик тень — сон тейсазо. 9Тень марязь, Іисус дивась лаҥгозонзо да, мельганзо молицят ломатьнень ёнов велявтозь, мерьсь: ёвтлян теҥк, Израильстэ-як истямо вера эзинь мук. 10Кучозетьне, кудов мурдазь, муизь серэдиця уренть пичказь.
11Теде мейле мольсь Іисус Наин лемсэ ошос; мартонзо мольсть ламо тонавтницянзо да ліят-как ламо ломать. 12Кода Сон пачкодьсь ошонь ортанть вакс, тосто кандсть кулозь эйкакш, кона ульнесь аванзо вейкине цёра; авась-как ульнесь дова. Маронзо ошостонть мольсть ламо ломать. 13Сонзэ неезь, Пазось жализе да мерьсь тензэ: иля аварьдть. 14Мейле, малав молезь, токадьсь одратьненень: кандыцятне лоткасть. Сон мерьсь: цёрыне, тонеть мерян, стяк. 15Кулозесь озась да кармась кортамо. Сон максызе сонзэ аванстэнь. 16Весемень саизе срасть да, Пазоньть шназь, кортасть: минек юткс лись покш пророк. Пазось вачтась эсь ломанензэ лаҥгс.
[ 161 ] 17Истя кортамось срадьсь Эстэдензэ весе Іудеяньть да весе перька мастортнэнь келес. 18Весемеде неде Іоаннэнь-гак ёвтасть тонавтницянзо. 19Іоанн терьдсь эсь тонавтницянзо ютксто кавто да кучинзе Іисуснэнь кевстеме: Тон ли севатесь, конанень эряви самс или ліянь тенек учомс? 20Сынь, Іисуснэнь сазь, мерьсть Тензэ: Іоанн Креститель минек кучимизь Тонть кевстеме: Тон-ли севатесь, конанень эряви самс, или ліянь тенек учомс? 21Се шкане Іисус ламо ломать сэредьмеде, ормадо да амазынь колавтто віемтсь; ламо сокортнэнень сельть максь. 22Іисус карчозост мерьсь: азёдо, ёвтадо Іоаннэнь, мезе неиде да мезе мариде: сокортнэ неить, пильгевтеметьне якить, аванькс ормавтнэ ванцькалить, пилевтмеметьне марить, кулозетьне вельмсить, ништёйтьне парт кулят ёвтнить. 23Таланов, — ки а маняви Монь кувалман. 24Іоаннань тонавтницятнень туймеде мейле Сон кармась ломатьненень Іоанндо кортамо: мезень ванмо тынь якиде чаво паксястень? вармасо нуриця нудеень? 25Мезень ванмо ино якиде? Чевте одижас оршазь ломанень? ведь паро одижас оршазетьне да парьсте эрицятне инязоронь кудова эрить. 26Мезень ванмо ино якиде? аволь пророконь ли? Да, мерян теҥк, пророкто-як покшонть. 27Сон ведь севате, конатадо сёрмадозь: вана Мон кучса Тоньдеть икеле Эсь Ангелэм, кона анокстасазо Тоньть икеле кить. 28Мерян теҥк: авасто шачозетнень ютксо вейке-як Іоанн Крестительде покш пророк арась, а Пазонь инязорокс чисэнть весемеде вишкинесь соньдензэ покш. 29Весе Сонзэ кулсоныцят ломатьне да [ 162 ]мытартьне-як, Іоаннань лемдимасонть пряст лемдевтезь, Пазонть Эснэ шнасть; 30а фарисейтьне да законникне Пазонть мелензэ кувалт эсть тейть пряст эзизь лемдевть Іоаннань пельде.
31Сестэ Пазось мерьсь: ки вакс ладясынь те пиҥгень ломатьнень? Ки ёнов сынь молить? 32Сынь молить эйкакшт ёнов, конататьне аштить озадо ульцясо да вейкест-вейкест туртов, сеерезь, кортыть: минь теҥк вешкимасо вешкинек, а тынь эзиде кищть; минь теҥк морынек аварьдимань морот, а тынь эзиде аварьдть. 33Сась Іоанн Креститель, а кшеде ярсы, а винадо сими; тынь кортатадо: сонзэ эснэ амазы. 34Сась Ломанень Цёрась и ярсы и сими: тынь кортатадо: те ломаньсь ярсамо да винадо симме вечки, Сон мытарень да пежетев ломанень ялга. 35Истя весе Сонзэ покш чизэ эсь эйкакшонзо видьстэ ливтизь.
36Вейке фарисейтьнень ютксто терьдизе Сонзэ эсь маронзо ярсамо: Сон, фарисеень кудостень совазь, озась стольэкшес. 37Вана се ошонть ава, кона ульнесь пежетев, Іисусонь фарисеень кудосо ульмадонзо содазь, кандсь алавастрань шашксо питнев ой 38да Іисусонь удалов пильгензэ вакс аразь, аварьдезь, кармась сельведьсэнзэ Сонзэ пильгензэ начтамо, да прячерьсэнзэ эснэст нартнеме, палцесь пильгесэнзэ да питнев ойсэнть ваднесь. 39Тень неезь, Іисусонь тердиця фарисейсь арсесь эсь пачканзо: улевель-гак сон пророк, содавлессе-бу, ки да кодамо те авась Эзэзэнзэ токшеви; ведь сон пежетев. 40Ёнонзо велявтозь, Іисус мерьсь: Симон! Монь ули тенть ёвтамом. Сон мерьсь: ёвтак, [ 163 ]Тонавтыця. 41Іисус мерьсь: вейке заём макслицянь ульнесть кавто пандыцянзо:[2] вейкень ульнесть пандомс вете сятт динарійть, омбоцень ведьгемень. 42Кода сыненст пандомс а месне ульнесь, сон кавтонест туртов простинзе. Ёвтак, коната эстэдест седе пек вечксазо сонзэ? 43Симон мерьсь каршонзо: мон арсян се, конатанень седе ламо простясь. Сон мерьсь тензэ: видьстэ тон арсикь. 44Мейле, аванть ёнов велявтозь, мерьсь Симоннэнь: нейсак те аваньть? Совинь тонть кудозот, тон пильгень лаҥгс ведь Монень эзить макст, а сон сельведьсэнзэ начтынзе Монь пильгень да эсь прячерьсэнзэ нартнинзе. 45Тон Монь эзимек пала, а сон, кода сынь, а лоткси Монь пильгень палцемеде. 46Тон Монь прям ойсэ эзик вадть, а сон пильгень питьнев ойсэ ваднинзе. 47Секс, мерян тенть: сонзэ пек вечкиманзо кис простявить тензэ ламо пежетензэ. А конанень аламо простявить, се аламо вечки-як. 48Авастень мерьсь: простявить тонть пежететь. 49Маронзо стольэкшнэ аштицятьне кармасть эсь пачкаст арсеме: ки те, — пежеть-как простьли? 50Сон мерьсь авастень: тоньть кемимат ванынзеть, азё сэтьме чи маро.