Святое Евангелие (эрзянь)/В/Матфеень/00

←

Святое Евангеліе.

Святое Евангеліе (1910)

Матѳеень сёрмадовт Евангелія, весе глават.

Маркань сёрмадовт Евангелія.

→

161235Святое Евангеліе — Матѳеень сёрмадовт Евангелія, весе глават.1910

[ 1 ]

Матѳеень сёрмадовт евангелія.

Глава 1.

¹Авраамонь Цёрань, Давидэнь Цёрань Іисус Христозонь родозо: ²Авраамонь пельде шачсь Исаак. Исааконь пельде шачсь Іаков. Іаковонь пельде шачсь Іуда братонзо марто. ³Іудань пельде, Фамарань эйстэ шачсь Фарес да Зара. Фаресэнь пельде шачсь Эсром. Эсромонь пельде шачсь Арам. ⁴Арамонь пельде шачсь Аминадав. Аминадавонь пельде шачсь Наассон. Наассононь пельде шачсь Салмон. ⁵Салмононь пельде, Рахавонь эйстэ, шачсь Вооз. Воозонь пельде, Руфань эйстэ, шачсь Овид. Овидэнь пельде шачсь Іессей. ⁶Іессеень пельде шачсь Давид Инязоро. Давид Инязоронь пельде се нинть эйстэ, кона васнят ульнесь Уріянь, шачсь Соломон. ⁷Соломононь пельде шачсь Ровоам. Ровоамонь пельде шачсь Авія. Авіянь пельде шачсь Аса. ⁸Асань пельде шачсь Іосафат. Іосафатонь пельде шачсь Іорам. Іорамонь пельде шачсь Озія. ⁹Озіянь пельде шачсь Іоафам. Іоафамонь пельде шачсь Ахаз. Ахазонь пельде шачсь Езекія. ¹⁰Езекіянь пельде шачсь Манассія. Манассіянь пельде [ 2 ]шачсь Амон. Амононь пельде шачсь Іоссія. ¹¹Іоссіянь пельде шачсь Іоаким. Іоакимень пельде Вавилонс саймеде икеле, шачсь Іехонія братонзо марто. ¹²Вавилонс саймедест мейле Іехоніянь пельде шачсь Салафіиль. Салафіилень пельде шачсь Зоровавель. ¹³Зоровавелень пельде шачсь Авіуд. Авіудонь пельде шачсь Еліаким. Еліакимень пельде шачсь Азор. ¹⁴Азоронь пельде шачсь Садок. Садоконь пельде шачсь Ахим. Ахимень пельде шачсь Еліуд. ¹⁵Еліудонь пельде шачсь Елеазар. Елеазаронь пельде шачсь Матѳан. Матѳанонь пельде шачсь Іаков. ¹⁶Іаковонь пельде шачсь Іосиф, Маріянь мирдезэ, Маріянь эйстэ шачсь Іисус, конадо мерить Христос. ¹⁷Истя весемест колинатнеде Авраамсто Давидс пачкодемс ульнесть кемнилее, Давидстэ саезь Вавилонс саймезэст-как ульнесть кемнилее жо. Вавилонс саймеде мейле Христозостень пачкодемс-как кемнилее колинат ульнесть.

¹⁸Іисус Христозонть шачомазо истя ульнесь: Сонзэ Авазо, Марія, Іосифнень чіямодо мейле, сынст вейсэ эрямо кармамодо икеле, Святой Духонь війсэ пекіясь. ¹⁹Сонзэ мирьдезэ, Іосиф, ломансь праведной ульнесь. Сон, ломанень теде а содамонь кис, арсесь Маріянь салава нолдамонзо. ²⁰Кода сон истя арсесь, лись онозонзо Пазонь Ангел да мерьсь тензэ: Давидэнь цёра, Іосиф! иля пельть эсь нить, Маріянь, эстеть саймедензэ: сонзэ эйстэ шачозесь Святой Духонь пельде ули. ²¹Сон шачты Цёра, лем Тензэ путат Іисус. Сон эсь ломанензэ пежеттест идесынзе. ²²Те весе истя теевсь пророконь [ 3 ]вельде ёвтазь Пазонь валтнэнь топодьмань кис, коната кортась: ²³Вана тейтерь пекіи да шачты Цёра, лем Тензэ путыть Еммануил, конадо ліякс меремс: минек маро Паз. ²⁴Удомсто стязь, Іосиф тейсь, кода тензэ мерьсь Пазонь ангелсь: саизе нинзэ эстензэ, ²⁵да эссе содакшнок сонзэ. Марія шачтызе васенце Цёранзо. Іосиф лем тензэ путьсь Іисус.

Глава 2.

¹Кода Іисус, Ирод инязоронь пиҥгстэ, шачсь Іудеянь Вифлеем лемсэ ошнэ, састь Іерусалимс чинь стямо ёндо волхват да мерить: ²косо Іудеень шачозь Инязорось? Минь чинь стямо ёно неинек сонзэ тештезэ да сынек Тензэ сюкунямо. ³Тень марязь, Ирод инязорось, да весе Іерусалимсь-как маронзо, тандадьсть. ⁴Весе первосвященникнень да народонь книжникнень пурназь, кевстнинзе: косо эряви Христозостень шачомс? ⁵Сынь мерьсть тензэ: Іудеянь Вифлеемсэ. Истя сёрмадозь пророконь вельде: ⁶Тон-гак Вифлеем, Іудань мастор, мезде-як авишкинят ліят Іудань ошнеде: тонть эйстэ лиси Прявт, кона вансазо монь Израиль народом. ⁷Сестэ Ирод терьдиньзе салава волхватьнень да тештень неявмо шкадонть кевстнинзе. ⁸Мейле сынст Вифлеемс кучомсто мерьсь: азёдо, эйкакшодонть парынестэ содадо; а знярдо муйсыҥк, монень-гак куля пачтядо: мон-гак молезь сюкунявлень Тензэ. ⁹Сынь, инязоронть кулцонозь, тусть. Вана, се тештесь, конань сынь неизь чинь [ 4 ]стямо ёно, мольсь сынст икеле. Кода сон пачкодьсь Эйкакшонть аштима таркасть вельксэс, лоткась. ¹⁰Тештенть неезь, сынь покш эрьгедьмасо эрьгедьсть. ¹¹Кудостень совазь, сынь неизь Эйкакшонть Марія-аванзо марто, да празь сюкунясть Тензэ. Мейле, кедьгест панжозь, кайсть Тензэ: сырьне, ладонь да смирна. ¹²Онснэст Ироднэнь амольмань кулянь марязь, лія кіява тусть эсь масторозост. ¹³Сынст туймеде мейле, Іосифень онозонзо лись Пазонь Ангел да мери: стяк, саик Эйкакшонть да аванзо, да оргодь Египетс, да ульть тосо монь тенть ёфтамозон: Ирод арси эйкакшонть маштомонзо кис вешнемензэ. ¹⁴Сон, стязь, веть саизе Эйкакшонть аванзо марто да тусь Египетс, ¹⁵да ульнесь тосо Иродонь куломозонзо. Истя топодезэ пророконь вельде Пазонь эйстэ ёфтазесь, кона кортась: Египетстэ терьдія Эсь Цёрам. ¹⁶Сестэ Ирод, кода неизе волхватнень лаҥгсонзо пеедьмаст, пек кежіявтсь да кучсь Вифлеемсэ да весе перьканзо таркатьнева-як, волхватнень пельде содазь шканть кувалма, кавто іень да седе вишкинеть эйкакшнэнь машлемс. ¹⁷Сестэ топодьсь Іеремія пророконь кортамозо, кона мерьсь: ¹⁸Рама ошнэ маряви авардима, раҥгамо, да ламо лайшима вальгей. Рахиль аварьди эсь эйкакшонзо кис да сынст аразень кувалма арожоми-як. ¹⁹Иродонь куломодо мейле Египетсэ лись Іосифень онозонзо Пазонь Ангел, ²⁰да мерьсь: Стяк, саик Эйкакшонть да аванзо, да азё Израилень масторс: Эйкакшонть оймензэ вешницятьне кулость (ней). ²¹Сон стясь, саизе Эйкакшонть да аванзо, да сась Израилень [ 5 ]масторс. ²²Кода марясь, што Ирод тетянзо таркас Іудеяс инязорокс озась Архелай, пелезевсь тозо мольмедензэ. Онснэнзэ кулянь саезь, тусь Галилеень масторс. ²³Тозо сазь, кармась Назарет лемсэ ошнэ эрямо. Истя топодезэ пророкнэнь вельде ёфтазесь: Соньдензэ Назорей мерьме кармить.

Глава 3.

¹Сеть читьнестэ сась Іоанн Креститель да Іудеянь чаво паксясо ²истя кортазь кармась тонафтомо: Яҥгседе пежетеҥк кис: менелень инязорокс чись малав пачкодьсь. ³Сон^[1] се ули, конадо мерьсь Исаія пророк: чаво паксясо сеерицянь вальгей (маряви): анокстадо Пазостень ки, видьстэ теиҥк Сонзэ якамо тарканзо. ⁴Сонсинзэ Іоаннонь одижазо ульнесь верблюдонь понань, перьканзо карксазь ульнесь кшнань каркс. Ярцамозо сонзэ ульнесь акридат^[2] да дикой мекшень-медь. ⁵Сестэ лисьнесть тензэ Іерусалимстэнть, весе Іудеястонь да весе Іорданонь перька таркатьнестэ-як, ⁶да пежетест ёвтлезь, лемдевсть сонзэ кедьстэ пряст Іордансо. ⁷Кода неизе Іоанн ламо фарисейтьнень да саддукейтьнень сонензэ пряст лемдеме самонть, мерьсь тенст: гуень левкст, ки теҥк ёвтась сыця кежденть оргодьмеде? ⁸Тееде ино пежетеҥк кис яҥгксемеде мейле парт тевть, ⁹да эсь пачкаҥк илядо арсе, минек тетянок Авраам. Мерян теҥк: Пазостень не кевтьнестэ Авраамнэнь эйкакшт [ 6 ]теевить. ¹⁰Узересь-как уж чувто юрсо ашти: эрьва чувтось, кона а канды парт умарьть, керязь, да толс каязь ули. ¹¹Мон эснэҥк пежеттеҥк яҥксевтезь ведьсэ лемдян, а мельган сыцясь, моньдень віев: мон амаштуван Сонзэ кемень кандыцякс-как. Сон тыҥк лемттядызь Святой Духсо да толсо. ¹²Сонзэ коймезэ кедьсэнзэ. Сон ваньськавцазо эсь тиҥге-пирезэ, та товзюрозо пурнасазо утомозонзо, а сюватьнень пултасынзе амадиця толсо.

¹³Сестэ сась Іоаннэнь Іордан чирес Галилеясто Іисус сонзэ кедьстэ прянзо лемдефтеме. ¹⁴Іоанн кардась эснэнзэ, мерезь: монень эряви тонть кедьстэ прям лемдефтемс, тонеть-ли монень самс? ¹⁵Іисус каршозонзо мерьсь: кадык ней: истя миненек эряви топавтемс эрьва виденть. Сестэ Іоанн нолдызе Сонзэ. ¹⁶Лемдевезь, Іисусось сеск лись ведьстэнть. Вана панжовсь Тензэ менельсь да (Іоанн) неизе Святой Духсьть, кона гулькакс валксь Іисусонь лаҥгс. ¹⁷Менельстэнть марявсь кортыця вальгей: Те Монь вечкима Цёрам, Сонзэ эснэ Монь паро олям.

↑ Іоаннсь.
↑ Паксянь цирькут.

Глава 4.

¹Теде мейле Духсь саизе Іисусонь чаво паксяс діаволонь пельде снартлемень кис. ²Тосо Сон ниленьгемень чи, да ниленьгемень ве пост кирдьсь^[1], а меельсь пелев пекезэ вачсь. ³Снартлицясь, ваксозонзо сазь, мерьсь: улиньдерят Тон Пазонь Цёра, мерьть, не кевтне кшекс велявтост. ⁴Сон мерьсь [ 7 ]каршозонзо: сёрмадозь, — ломань аволь ве кшесэ ансяк эри, а Пазонь курксто лисиця эрьва кодамо валсо. ⁵Сестэ саизе Сонзэ душмансь святой ошостень, аравтызе церькува прянть чирес ⁶да мери Тензэ: Улиньдерят Тон Пазонь Цёра, ёртовт алов, ведь сёрмадозь: Эсь Ангелэнстэнь Тонть ванмот кармавты: пильгеть кевс а эшкивмань кис, сынь кедь лаҥгсост Тонть канттадызь. ⁷Іисусь мерьсь тензэ: истя жо ули сёрмадозь: эсь Пазот эснэ иля снартле. ⁸Таго саизе Сонзэ душмансь пек сэрей пандо пряс, невтинзе Тензэ весе мастор лаҥгонь инязорокс читнень славаст маро ⁹да мери Тензэ: Празь сюкунятдеряй монень, весе нень Тонеть макссынь. ¹⁰Сестэ мерьсь тензэ Іисусось: орготь вакстон, сатана, ведь сёрмадозь: Эсь Пазот туртов анся сюкунякшнок, да ве Сонензэ ансяк служак. ¹¹Сестэ кадызе Сонзэ душмансь, састь Ангелт да служасть Тензэ.

¹²Іоаннань (тюрьмас) пекстамодонзо марязь, тусь Іисус Галилеяс. ¹³Назаретэнь кадозь, Сон сась Завулон марто Неффалимень масторс да кармась эрямо моря чирень Капернаумсо. ¹⁴Истя топодезэ Исаія пророконь вельде ёвтазесь, коната кортась: ¹⁵Завулононь мастор, да Неффалимень мастор! морянь ки лаҥгонь, Іорданонь томбальксэнь, язычникень Галилея. ¹⁶Чопуда таркасо аштицят ломатьне покш валдо нейсть; кулума масторсо, да кулумань чопудасо аштицятненень валдо валдомсь. ¹⁷Се шкастонть кармась Іисус тонавтомо да кортамо: яҥгседе пежетеҥк кис; менелень инязорокс чись малав сась.

[ 8 ] ¹⁸Галилейской моря чирева якамсто нейсь Сон кавто братт: Симононь, конадо мерить Петр да братонзо Андреень: сынь ульнесть калонь кунцицят, моряс сеть кайсильть, ¹⁹да мерьсь тенст: моледе Монь мельган, — Мон тыҥк тейдядызь ломанень кунцицякс. ²⁰Сынь сеск, сетест кадозь, тусть мельганзо. ²¹Тосто туезь, нейсь ліят кавто братт: Зеведеень Іаковонь да сонзэ братонзо Іоаннань. Сынь Зеведей тетяст марто веньчне сетест эснэ пантлильть. Сон сынст-как тердиньзе. ²²Сынь-гак сеск, веньчест да тетяст кадозь, тусть мельганзо. ²³Синагогава тонавтозь да менелень инязорокс чиденть паро кулянь ёвтлезь, ломанень эрьва ормань віемтлезь, да эрь тарвонь пичкавтлезь, якизе Іисус весе Галилеянть. ²⁴Тусть Эстэдензэ валт весе Сиріянь келес да вецизь Тензэ весе сэредицятнень, да эрьва кодамо ормасо да сэредьмасо колавтнэнь, кулцицятнень, лунатикнень да разслабленнойтнень, Сон сынст віемтинзе.

²⁵Сонзэ мельга мольсть ламо ломать Галилеясто як, кемень ошонь масторсто-як, Іудеясто-як да Іорданонь томбальде як.

↑ Эзь ярсак.

Глава 5.

¹Народонть неезь, куйсь пандо пряс, а кода Сон озась, ваксозонзо мольсть тонавтлицянзо. ²Кургонзо панжозь, Сон тонавтсь эснэст, мерезь: ³Талановт оймсэст ништейтьне: сынст ули менелень инязорокс чись. ⁴Талановт аварьдицятьне: сынь рожомить. ⁵Талановт сэтьметьне: сынест мастор саты. ⁶Талановт, конат симме-ярцамо лацо вешнить [ 9 ]виде-чинть эснэ: сынь пешкедить. ⁷Талановт милостивойтьне, — сынь ванозь^[1] улить. ⁸Талановт ванькс седейтьне, — сынь Пазонть нейсызь. ⁹Талановт (ломанень) мирицятьне, — сындест Пазонь цёрат мерьме кармить. ¹⁰Талановт, виде-чинь кис панезетьне, — менелень инязорокс чись сынст ули. ¹¹Талановт ульдядо, знярдо Монь кисэнь кармить эснэҥк пеелеме, да пансеме да кеҥгелезь эрьва кодамо апаро вал ёвтыть лаҥгозоҥк; ¹²Эрьгеледе да весёлгаледе, — менельсэ тыҥк покш наградаҥк. Истя паньцекшнызь пророкнэнь-гак, конат ульнесть тыньдеҥк икеле. ¹³Тынь моданть салозо. Салсь війзэ ёмавтсазодеряй, месне сон саловгады? Сон мезекс-как маштово а карми, ансяк ёртомс ушов да ломаньнень чалксемс. ¹⁴Тынь масторонть валдозо. Пандо лаҥгсо аштиця ошось а кекшеви. ¹⁵Свечань-гак курвастезь кедьге алов апутнесызь, сонзэ путнесызь шанталс, да сон валдомты весеменень, кить кудосонть. ¹⁶Истя жо тыҥк-как валдоҥк ломатьнень икеле валдомозо, неевлезь-бу сынь тыҥк парт тевеҥк да шнавольть бу менелень Тетяҥк эснэ. ¹⁷Илядо арсек, што Мон сынь закононь эли пророконь валтнэнь коламо, аволь коламо сынь, а сынст топавтемест. ¹⁸Видестэ кортан теҥк: знярс аштить менельсь да масторсь, законсто ве кикске-як, эли чешкске-як а ёми, — весе тарказост сыть. ¹⁹Ки не вишкат заповетнень эйстэ вейкешка сонсь колыньдеряй да ломать-как истя тонавтыньдеряй, се менелень инязорокс чисэнть вишкинекс ловозь ули, [ 10 ]а ки сонсь кирди да ломать-как тонавты, се менелень инязорокс чисэнть покшокс ловозь ули.

²⁰Кортан теҥк: тыҥк виде чиҥк книжникнень да фарисейтьнень виде чиде покш а улиньдеряй, Пазонь Инязорокс чистень а соватадо. ²¹Мариҥк, кода ёвтазь икелень ломатьненень: Ломань иля машт; а ки машты, се судс максма. ²²А мон мерян теҥк: эрьва ки, конась стяко кежіявтли братонзо лаҥгс, судс максма. А ки мери братонстэнь: тон мезде-як айаштиця ломанят, се таргамо промксос; а ки мери: превтемеят, се каямо амадиця толс. ²³Тень кувалма, — кандыньдерят тон жертвенник лаҥгс жертва, да лединдеряй мелезэть братоть лаҥгозот кежень кирьдимась, ²⁴кадык жертват жертвенниксть икелев да молезь васнят миряк братот марто, мейле сак да кандык жертват. ²⁵Миряк седе курок ки лаҥгсо оштё душманот марто, аволензеть макст душмансь судіянень, а судіяс аволензеть макст важонстэнь да аволедезь каяк тюрьмас. ²⁶Видестэ мерян тенть: алисиват тосто остатка ярмакот максомс.

²⁷Мариде, кода ёвтазь икелень ломатьненень: иля ускурявт. ²⁸Мон мерян теҥк: эрьва ки, конась вачты ава лаҥгс берянь мель марто, се уж седейсэнзэ ускурявсь маронзо. ²⁹Маниньдеряй эснэть беряньс вить сельметь, таргик сонзэ да ёртык эйстэть, кадык ёмазо ве сельметь, аволь весе киськеть каязь улезэ адс. ³⁰Маниньдеряй эснэть беряньс вить кедеть, керик сонзэ да ёртык эйстэть, кадык ёмазо ве кедеть, аволь весе киськеть каязь улезэ адс. ³¹Ёвтазь истя жо: ки нинзэ марто [ 11 ]явиньдеряй, максозо тензэ явмань сёрма.^[2] ³²Мон мерян теҥк: ки яви эсь нинзэ марто аволь ускурявмонь кувалт, се сонзэ ускурявицякс тейсазо. Ки урьваксты явозь ава лаҥгс, се-як ускуряви.

³³Таго мариде, кода мерезь икелень ломатьненень: кеҥгелезь иля божа, а мезе Паз икеле божат теемс, сень теик. ³⁴А мон теҥк мерян: кода-як иля божа: а менель лаҥга, — сон Пазонть престолозо, ³⁵а мастор лаҥга, — сон Пазонть пильге алксозо: а Іерусалим лаҥга, — сон покш Инязоронть ошозо. ³⁶Иля божа эсь прят лаҥга-як, — ведь ве череть-как тенть а тееви ашокс, эли равужокс. ³⁷Улезэ тынк валоҥк: да, да; арась, арась; теде ламось душманонь пельде ули. ³⁸Мариде, кода ёвтазь: сельмень кис — сельме, пеень кис — пей. ³⁹А мон мерян теҥк: кежень каршо иля мольть, ки вачкоттянзатдеряй вить чама пелькска, велявтык тензэ омбоцень-гак. ⁴⁰Кинь-гак улиньдеряй мельзэ марот судямс, да тонть панарот саемс, максыть тензэ лаҥгсо одижат-как. ⁴¹Кіяк кармавтанзатдеряй маронзо ве вальгейбень мольме, мольть маронзо кавто.

⁴²Кедьстэть вешицястень макст. Кинь мельзэ улиньдеряй кедьстэть учомга вешемс, велявтозь эстэдензэ иля тук. ⁴³Мариде, кода ёвтазь: малавиксэть эснэ вечк, а душманот эснэ иля нейть. ⁴⁴А Мон мерян теҥк: вечкеде душманоҥк эйсэ, паро арседе сюдыцяҥк туртов; тееде паро авечкицяҥк туртов, ознодо теҥк берянень теицятнень да эснэҥк [ 12 ]панцицятнень кис. ⁴⁵Уледе менельсэ тетяҥк цёрат: Ведь Сон Эсь чисэнзэ валдомты апартнэнень-гак, да партнэнень-гак, пиземе-як пизевти праведнойтьненень-гак да неправеднойтьненень-гак. ⁴⁶Вечктядодеряй ансяк тыньсиҥк вечкицятьнень, кодамо теҥк наградась ули? аволь истя-ли тейнить мытарьтне-як? ⁴⁷Эли шумбракшнитядо-деряй ансяк малавиксэҥк марто, — мезень ламонть тейдядо? Язычникне-як аволь истя-ли тейнить? ⁴⁸Кода менельсэ Тетяҥк пародо пешксе, тынь-гак истя пешксеть уледе.

↑ Простязь
↑ разводнойть.

Глава 6.

¹Ванодо, илядо максле милостина ломань икеле, сынст неймаст кис; истя тейдядодеряй, а ули теҥк награда менельсэ Тетяҥк пельде. ²Знярдо тон максат милостина, иля сееревть (трубасо) икелеть, кода тейнить лицемертнэ, синагогасо да ульцясо, ломанень пельде пряст шнавтумань кис. Видестэ мерян теҥк: сынь сайсызь эсь наградаст. ³Знярдо тон максат милостина, керш кедеть илязо сода, мезе теи витесь. ⁴Улезэ тонть милостинат салава. Салаванть неиця Тетят максы тенть неям-га. ⁵(Истяжо) знярдо ознат, иля ульть лицемертнэнь кондямо, конат, ломаньнень пряст невтимань кис, вечкить озномо синагогасо да ульця куншкасо. Видестэ кортан теҥк: сынь сайсызь эсь наградаст. ⁶А тон знярдо ознат, совак эсь утомозот, да кеҥкшенть сёлгозь, ознок анеявиця Тетястень, салаванть неиця Тетясь максы тенть неямга. ⁷Озномсто язычникне лацо ламо илядо корта: сынь [ 13 ]арсить, ламонь кортазь марязь улить. ⁸Сынст кондят илядо ульть: ведь Тетяҥк кедьстэнзэ вешемеде икеле содасазо, мезе теҥк эряви. ⁹Тынь истя ознодо: Менельсэ Тетянок! Тонть леметь шнавозь аштезэ; ¹⁰Тонть Инязорокс чить сазо; мастор лаҥгсо-як Тонть олят менельсэ лацо улезэ. ¹¹Чечонень эрявиця кшенть тенекь максык; ¹²кода минсь миненек апаронь теицятнень простятанок, Тон-гак истя минек Тонеть теезь апаротьнень прости; ¹³манявмо оля тенек иля макст, душмандо-як идимизь: ведь Тонть инязорокс чись, війсь да славась пиҥгень пиҥгс. Аминь.

¹⁴Простясыҥкдеряй ломатьненень пежетест, тынстеҥк-как простясынзе менелень Тетяҥк. ¹⁵А простясыҥкдеряй ломатьненень пежетест, тынсиҥк-как а простясынзе Тетяҥк пежетеҥк. ¹⁶Истя жо знярдо пост кирьдтядо, илядо ульть лицемертнэнь кондят мелявтыцят, сынь ломаньнень постонь кирьдимаст невтимань кис, чамаст нусмангавтлесызь. Видеста кортан теҥк: сынь сайсызь эсь наградаст. ¹⁷А тон постонь кирдемстэ прят вадник, чамат-как шлик. ¹⁸Сестэ постонь кирдиця улят аволь ломань икеле, а тонсить Тетять икеле, коната анеявиця. Тонть Тетят, салаванть неезь, максы тенть неямга. ¹⁹Илядо пурна эстеҥк паро-чи мастор лаҥгсо, косо кись-как калги, чеменсь-как кери, косо вортнэ-як чувозь-совазь салсить; ²⁰Пурнадо эстеҥк паро-чи менель лаҥгс, косо кись-как а калги, чеменсь-как а кери, косо вортнэ-як а чувныть, а салсить, ²¹ведь косо ули паро-чиҥк, тосо ульме карми седееҥк-как.

[ 14 ] ²²Киськень валдомтыцясь сельме. Тень кувалма, улиньдеряй сельметь ванькс, киськеть-как ули весе валдо. ²³Улиньдеряй сельметь берянь, весе киськеть-как ули чопуда. Истя, улиньдеряй эйсэть валдось чопуда, сестэ чопудась кодамо ули? ²⁴Кі-як кавто азоронень а важодеви, эли сон вейкень карми вечкеме, а омбоценть анейме, эли вейкень кис карми правтомо, а омбоцень кис нузялдомо. Тынь-гак а служавдадо Пазнэнь да сюпав чинень. ²⁵Тень кувалма кортан теҥк: илядо мелявт оймеҥк кис, мезьде ярцтадо эли мезьде симдядо: киськеҥк кис-как, мезес орчатадо. Аволь оймесь-ли ярцамодонть покш, а киськесь одижадонть? ²⁶Вачтадо менелень нармутьнень лаҥкс: сынь а видить, а нуить, утомс-как а пурныть. Менелень Тетяҥк сынст трясынзе. Тынь аволь сыньдест-ли седе парттадо? ²⁷Ки тыҥк ютксто, пек пиштевтезь, лездави эсь сэрезэнзэ ве кенере? ²⁸Орчамонь кис-как мейсь мелявттадо? Ванодо паксянь балягатьнень лаҥкс, кода сынь касыть? а пиштевить, а штердить. ²⁹Мерян теҥк: Соломон-гак, кодамо славазо ульнесь, ито истя эзь орчакшнок, кода вейкесь сынст эйстэ. ³⁰Пазось истя орчавтыньдеряй тикшенть, кона чечо паксясо, а ванды каштоц^[1] каязь ули, а седе-як-ли парьсте тыҥк орчатадызь, аламо кемицят?

³¹Ино илядо мелявт, мерезь: мезде ярцтанок эли мезде симдянок, эли мезес орчатанок. ³²Весемень нень вешнить язычниктьне. Ведь менельсэ [ 15 ]Тетяҥк соды весе нень теҥк эрявмодонть. ³³Весемеде икеле вешнеде тынь Пазонь Инязорокс чинть, да Сонзэ виде чинть весе неть-как максозь улить теҥк. ³⁴Истя ино тынь вандынь чинть кис-как илядо мелявт. Вандынь чись сонсь эсь кисэнзэ мелявты. Эрьва чинть саты эсь кисэнзэ мелявксозо.

↑ Пецькас.

Глава 7.

¹Илядо судя, тынсь как судязь а ульдядо. ²Кодамо судсо ведь судятадо, тынсь-как истямосо судязь ульдядо. Кодамо оҥкснэ оҥкстатадо, тынстеҥк-как истямосо оҥкстыть. ³Мейсь тон нейсак братоть сельмстэ тарадкенть, а эсь сельмстэть шочконть а марясак? ⁴Или кода мерят братотень: тука таргаса сельмстэть тарадкенть, а тонсить сельмсэ шочко? ⁵Лицемер! таргик васня эсь сельмстэть шочконть, сестэ нейсак, кода таргамс братоть сельмстэ тарадкенть. ⁶Ваньксэнть илядо максо пиненень, питнев кевть-как илядо кайсе туво икелев: сынь аволезь шешк сынст пильгест алов, а мейле лаҥгозоҥк велявтозь, тыньсиҥк как аволедезь сезне-бу. ⁷Вешеде, — максозь ули теҥк; вешнеде — муйдядо; стукадо — панжить теҥк. ⁸Ведь эрь вешицясь — саи, вешницясь — муи, стукицястень — панжить. ⁹Ули-ли тыҥк ютксо истямо ломань, конань кедьстэ вешиньдеряй цёразо кше, сон максы тензэ кев? ¹⁰Или вешиньдеряй кедьстэнзэ кал, ара максы тензэ гуй? ¹¹Истя, тыньсь апарт улезь, эсь эйкакшоҥк туртов паронь максомо машттадодеряй, менельсэ Тетяҥк кедьстэнзэ вешицятьненень седе-як максы паронть.

[ 16 ] ¹²Эрьва мезесэнть, кода мелеҥк ломатьнень тынсиҥк марто теевтемс, тынсь-как истя тенст тееде: законсь-как, да пророкнэ-як истя мерить. ¹³Теине ортава совадо: келей ортась, да покш кись ёмамо ветить да ламо эзгаст молицятьнеде. ¹⁴Теине ортась, да вишка кись эрямос ветить, ансяк аламотьне мукшносызь сынст.

¹⁵Ванодо пряҥк кеҥгелиця пророкнэде, сынь тыҥк юткс сакшныть ревень кедьс орчазь, а потмост салыця вергизэнь кондят. ¹⁶Тевест кувалт тынь содасыҥк сынст: офто умарь нетькстэ ара кочксекшныть виноградт, или кормалавсто смокват? ¹⁷Истя, эрьва паро чувтось умарьть-как парт касты, а берянь чувтось умарьть-как берять касты. ¹⁸Паро чувтостень берять умарьть а кастовить, берянь чувтостень-гак парт умарьть а кастовить. ¹⁹Эрьва чувтость, кона парт умарьть а касты, керясызь да толс каясызь. ²⁰Истя тевест кувалт содасыҥк сынст.

²¹Аволь эрьва конась, Монень Господи, Господи, мерицясь, менелень инязорокс чистень сови, ансяк се, кона Монь менельсэ Тетянь мелензэ теи. ²²Се чистэнть ламотьне Монень мерить: Господи, Господи, аволь Тонть лемсэ-ли минь икелев ульмадонть ёвтлинек^[1], аволь Тонть лемсэ-ли амазытьнень паньсинек, аволь Тонть лемсэ-ли ламо чудат тейнинек? ²³Сестэ Мон ёвтан тенст: Мон тыҥк знярдо-як эзидизь содакшно, орьгодеде Монь ваксто апаронь тейницят.

[ 17 ] ²⁴Эрьва кинь, кона кулцоны Монь не валтнэсэ да сынст кувалт теи, ладяса превей ломанькс, кона путызе кудонзо кев лаҥгс. ²⁵Тусь пиземе, лейтне-як тусть лаҥга, варматне-як пувасть да весе се кудость лаҥгс вачкодевсть, да сон, кев лаҥгс путоманзо кувалт, эзь сяворть. ²⁶Эрьва ки, кона кулцоны Монь не валтнэсэ, да сынст кувалт а теи, се моли превтеме ломань ёнов, кона кудонзо путызе песок лаҥгс. ²⁷Тусь пиземе, лейтне-як тусть лаҥга, варматне-як пувасть да весе се кудость лаҥгс вачкодевсть; да сон каладьсь, да каладмозо ульнесь покш. ²⁸Кода Іисус прядынзе не валтнэнь, народьсь дивась Сонзэ тонавтуманзо лаҥгс. ²⁹Сон ведь тонавтсь эснэст покш вій маро, аволь кода книжникне (да фарисейтне).

↑ пророчинек.

Глава 8.

¹Кода Іисус валксь пандо прястонть, мельганзо мольсть ламо ломать. ²Вана, мольсь ваксозонзо прокаженной да, сюкунякшнозь, мерьсь Тензэ: Господи, мелеть улиньдеряй, Тонеть мон ваньськавтуван. ³Іисус кедензэ вентезь, токадевсь эзэзэнзэ, да мерьсь: ули мелем, ваньськадт. Сон сеске ваньськадсь проказастонзо. ⁴Іисус мерьсь тензэ: ванок, кинень-гак иля ёвтле, азё ансяк невтик прят попнэнь да сынст сельмест неймань кис канд жертва, кодамо кармавсь Моисей законсо.

⁵Кода Сон совась Капернаумс, мольсь ваксозонзо сотник, да Тензэ инялдозь, мерьсь: ⁶Господи! кудосо монь важом параличнэ токазь, мадезь ашти, да вельть пек пиштевти. ⁷Іисус мерьсь тензэ: Мон, [ 18 ]молезь, віемтьса сонзэ. ⁸Сотниксь каршонзо мерьсь: Господи, мон айаштян Тонть монь кудозон совамошканть; ёвтак Тон ансяк вал, — важом пички. ⁹Мон ломансь хоть начальник ало аштицяян, а моньсинь кедь ало-як улить салдат: мерян вейкенень: мольть, — моли, омбоценень: сак, — сы; важом туртов-гак мерян: теик сень, сон тейсазо. ¹⁰Тень марязь, Іисус пек дивась, да мерьсь мельганзо молицятненень: видьстэ мерян теҥк: Израильсэ-як истямо кемима эзинь мук. ¹¹Мерян теҥк: ламо сыть чинь стямо ёндо да чинь валгомо ёндо да озыть менелень инязорокс чисэнть Авраамонь, Исааконь да Іаковонь марто, ¹²а инязорокс чинь ломатьне панезь улить ушов, чопуда таркас. Тосо ули аварьдема да пеень чикордыма. ¹³Мейле Іисус мерьсь сотникстень: азё, кода кемить, истя тенть улезэ. Важозо секе частонть пичкась.

¹⁴Кода Іисус сась Петрань кудос, неизе сонзэ тёщазо эсь ормасо мадезь ашти. ¹⁵Іисус токадизе сонзэ кедьс да эсь ормась кадызе сонзэ. Сон стясь да кармась мельганзо якамо. ¹⁶Кода чизэ чоподсь, ветясть Іисуснэнь ламо амазынь колавт.^[1] Сон амазытнень валсонзо панинзе, да весе сэредицятнень віемтинзе. ¹⁷Истя топодсьть Исаія пророконь икелев ёвтазь валонзо, коната мерьсь: Сон минек моцень аразенек эсь лаҥгозонзо саинзе, ормано-как кепединзе. ¹⁸Кода неинзе Іисус перьканзо промозь ламо ломатьнень, мерьсь [ 19 ]Эсь тонавтлицянстэнь омбоце пелев уймеде. ¹⁹Сестэ мольсь ваксозонзо ве книжник да мерьсь Тензэ: Тонавтыця! Ков Тон а молят, мон мельгат молян. ²⁰Іисус мерьсь тензэ: ривезтьнень улить сынцист варяст^[2], менелень нармутнень-гак улить пизэст, а Ломанень Цёранть арась, козо прязо путомс. ²¹Ліята вейке тонавтлицянзо ютксто мерьсь Тензэ: Господи! мерьть васня тень тетянь калмамо мольме. ²²Іисус мерьсь тензэ: мольть Монь мельган; кадыть кулозтнень эсь кулозест калмамо.

²³Кода Сон совась венчестень, мельганзо совасть тонавтницянзо-як. ²⁴Вана кепедьс морянть лаҥгсо пек віев буря. Венчесь кармась ведьсэ вельтявмо, а Сон удось. ²⁵Сестэ тонавтницятне, ваксозонзо молезь, стявтызь Сонзэ да мерьсть: Господи! ванымизь минек, — ёматанок. ²⁶Сон мерьсь тенст: аламонь кемицят! мейсь тынь истят пелицят? Мейле Сон, стязь, лоткавтынзе варматнень-гак да морясть-как, да весе сэтьміясть. ²⁷Ломатьне, дивазь, кортасть: ки те, вармат-как, да морят-как кулсоныть Эйсэнзэ?

²⁸Кода Сон сась омбоце пелев, Гергесинской масторс, вастызь Сонзэ кавто амазынь колавт ломать, сынь лисьть калмо латксто, да вельть благойтельть, — се таркаванть кі-як а якавиль-гак-мик. ²⁹Вана, сынь сергедезь мерьсть: Іисус Пазонь Цёра, мезень Тонть теветь минек эйсэ? шкадо икеле Тон сыть тезэ минек муцямонок. ³⁰Сынст эстэдест васоло тувонь покш стада ванозь ульнесь. [ 20 ] ³¹Амазытьне инялдсть Тензэ: минек панцамизьдеряй, мерьть тенек тувонь стадастень мольме. ³²Сон мерьсь тенст: моледе. Сынь, лисезь, тусть тувонь стадастень. Сеск весе тувонь стадась берёк лангстонть кирнявтнесь моряс, да ваясь ведьстень. ³³А стада ванытне чіезь тусьть да ошостень сазь, ёвтнизь весемень, мезе ульнесь, ёвтнизь амазынь колавтнэнь марто-як мезе ульнесь. ³⁴Вана весе ошось Іисусонь каршо лись да, Сонзэ неезь, инялдсть Тензэ, туевель-бу сынст масторсто.

↑ бѣсноватойть.
↑ нораст.

Глава 9.

¹Теде мейле, венчес озазь, печксь мекев да сась эсь ошозонзо. ²Вана каньсть Тензэ тарка лаҥгсо санонь лавчоммасо сэредиця ломань. Іисус сынст кемимаст неезь, мерьсь сэредицястень: эйдем, иля пельть, простявить тонть пежететь. ³Сестэ конат-конат книжникне арсесть эсь пачкаст: Сон Пазонть эснэ сялды. ⁴Іисус, сынст арсимадост содазь, мерьсь: мейсь тынь седейсэҥк берянь арситядо? ⁵Кода седе шождыне меремс: простявить тонть пежететь, или меремс: стяк да якак? ⁶(Мон истя меринь) ансяк тыҥк содамоҥк кис, што Ломанень Цёранть мастор лаҥгсо пежетень нолдамс-как війзэ ули. Мейле мерьсь сэредицястень: стяк, саик таркат да азё эсь кудозот. ⁷Сон стясь, саизе тарказо, да тусь эсь кудозонзо. ⁸Тень неезь, ломатьне дивасть да Пазонть эснэ, ломатьненень истямо віень максомонь кисэ, шнасть.

⁹Тосто ютамсто Іисус нейсь каявксонь пурнамо таркасо озадо аштиця Матѳей лемсэ ломань [ 21 ]да мерьсь тензэ: мольть Монь мельган. Сон стясь, да тусь мельганзо. ¹⁰Кода Іисус ульнесь ве кудосо столь экшнэ, ламо мытарьть да пежетевть ломать (гостекс) сасьть да Сонзэ марто тонавтницянзо вакс озасть. ¹¹Тень неезь, фарисейтьне мерьсть тонавтницянстэнь: мейсь тыҥк тонавтыцяҥк мытарьтьнень да пежетевтьнень марто вейсэ ярсы-сими? ¹²Тень марязь, Іисус мерьсь тенст: аволь шумбра ломаннень доктор эряви, а сэредицянень. ¹³Азёдо тонадо, мезть не валтнэ: милость Монень эряви, аволь жертва. Мон сынь аволь праведнойтьнень, а пежетевтьнень пежетест кадмонь терьдемс.

¹⁴Сестэ састь Тензэ Іоаннань тонавтницянзо да мерьсть: мейсь минь да фарисейтьне-як ламо пост кирьдтянок, а Тонть тонавтницят а кирьдить? ¹⁵Іисус мерьсь тенст: ара свадьбань кудонь ломать мелявтозь аштевить, знярс содамось марост? Сыть чить, кода содамось кедьстэст нельгезь ули, сестэ сынь-гак кармить постонь кирьдеме. ¹⁶Кі-як ведь ташто одижас а педявты апак беляк кодстонь паҥкс, ато од паҥксось сейсазо ташто (одижанть), да седеяк покш варя тееви. ¹⁷Од вина-як истяжо ташто кедень мешокс а кайсить; ато кедьсь-как сезеви да винась-как чуди. А од вина кайсить од кедень мешокс, сестэ сынь кавонест ванцтовить.

¹⁸Сонзэ тень сынест кортамсто сась вейке начальник, да сюкунякшнозь, мерьсь Тензэ: монь тейтерем куломо лаҥгсо, молезь путык кедеть лаҥгозонзо, сон вельми. ¹⁹Іисус, стязь, тусь мельганзо. Тонавтницянзо-як маронзо. ²⁰Вана, ве ава, кона кемгавтово іе верень мольмасо [ 22 ]пиштевць, удалдо мольсь ваксозонзо да токадинзе Сонзэ одижа краензэ. ²¹Сон эсь пачканзо арсесь: ансяк одижа краезэнзэ токадеван, пичкан. ²²Іисус велявсь да, сонзэ неезь, мерьсь: тейтерем, иля пельть! Тонть кемимат ваныньзеть. Авась секе частонть пичкась. ²³Кода сась Іисус начальниксть кудозонзо, да неинзе вешкимасо седицятьнень да ломатьнень талакадозь якамост, ²⁴мерьсь тенст: лиседе тестэ, тейтерьсь ведь эзь кулок, сон уды. Сынь пеедсть лаҥгсонзо. ²⁵Кода ломатьне панезь ульнесть, совась да саизе тейтерьсть кедьте. Тейтерьсь стясь. ²⁶Теде се мастороньть келес тусьть валт.

²⁷Іисусонь тосто ютамсто, мольсть мельганзо кавто сокорт да сеересть: Іисус Давидэнь Цёра, ванымизь минек! ²⁸Кода Сон совась кудос, сокортнэ мольсть ваксозонзо. Іисус мерьсь тенст: кемдядо-ли, што те Монень тееви? Сынь мерьсть Тензэ: ино, Господи! ²⁹Сестэ сон токадевсь сельмезэст да мерьсь: улезэ ино теҥк кемимаҥк кувалма. ³⁰Сынст сельмест панжовсть. Іисус кардазь мерьсь тенст: ванодо, кі-як илязо сода теде. ³¹А сынь, тосо лисезь, ёвтлесть Эстэдензэ весе се мастороньть келес. ³²Сынст лисьместэ ветясть Тензэ амазынь колавт немой ломань. ³³Амазынть эйстэнзэ паньмеде мейле немойсь кармась кортамо. Народсь дивазь кортась: истямо тев знярдо-як Израильсэ арасель. ³⁴А фарисейтне кортасть: Сон амазытьнесэ панци амазытьнень покшост війсэ.

³⁵Якась Іисус эрьва ошка, эрьва велева, да тосонь синагонатьнесэ ломатьнень тонавтозь, менелень [ 23 ]инязорокс чиденть парт кулят ёвтнесь да ломатьнень эрьва кодамо ормадост да сэредьмадост віемтлесь.

³⁶Ломатьнень куцят-куцят пурнавозь неезь, жалинзе сынст: сынь пастухтомо реве лацо сравтневезельть да муцявозельть. ³⁷Сестэ Сон мерьсь эсь тонавтницянстэнь: нуйматьне ламо, а нуицятьнеде аламо. ³⁸Инялдодо нуйматьнень азоростень, кучоволь-бу нуицят эсь нуйманзо лаҥгс.

Глава 10.

¹Тердинзе кемгавтово тонавтницянзо, да максь тенст вій амазытьнень панцеме да эрьва ормань да сэредьксэнь пичкавтомо. ²Кемгавтово тонавтницятьнень лемест истят: Васенцесь Симон, конадо ліякс мерить Петр, да Андрей сонзэ братозо. Зеведеень Іаков да братозо Іоанн. ³Филипп да Варѳоломей; Ѳома да каявксонь пурныця Матѳей; Алфеень (цёразо) Іаков, да Леввей, конанень лем путьсть Ѳаддей. ⁴Кананитэнь Симон, да Іуда Искаріотской, конатась Сонзэ максызе. ⁵Не кемгавтовотьнень кучиньзе Іисус да кармавтозь мерьсь тенст: язычникнень кіява илядо яка, Самарянской ошос-как илядо сова. ⁶Азёдо седе курок Израиль кудонь ёмазь реветьненень. ⁷Якамсто тонавтодо, што менелень инязорокс чись малав пачкодьсь. ⁸Сэредицятьнень віемтледе, проказавтнэнь ваньскавтледе, кулозьтнень вельмевтьнеде, амазытьнень паньцеде. Стяко саиде, стяко макследе-як.

⁹Илядо сайть а сырне каркс алоҥк, а сія, а пиже, ¹⁰а котума ки лаҥгс, а кавонест одижат, а [ 24 ]кавонст кемть, а палка: ведь тевень теиця ашти андумашканзо. ¹¹Кодамо ошос или велес соватадо, васнят-как содадо, ки эснэнзэ паро (ломаньсь) да туймезэҥк тосо аштеде. ¹²Кудос совамсто шумбракшнеде, мерезь: те кудостень сэтьме чи улезэ. ¹³Улиньдеряй кудось тень аштиця, тыҥк сэтьме чинь арсимась сы тензэ, а улиньдеряй тень аштиця, тыҥк сэтьмень арсимаҥк мекев эстеҥк велявты. ¹⁴Ки тыҥк а приматадызьдеряй, валоҥк-как а кулсоносынзедеряй, се кудостонть, эли ошостонть лисемстэ пильгстэҥк пульсть-как чукиҥк. ¹⁵Видестэ мерян теҥк: страшной судонь чистэнть Содомонь марто Гоморронь масторстень се оштонть шождыне ули.

¹⁶Вана Мон кучтадызь тыҥк вергиз юткс реве лацо. Тень кувалма уледе гуень кондят ёжовт, да гулькань кондят сэтьсть. ¹⁷Ванодо пряҥк ломатьнеде: сынь кармить эснэҥк промксос тарксеме, да синагогасост-как кармить эснэҥк чавмо. ¹⁸Монь кис ветятадызь начальникнень да инязоротнень икелев, сыненст да язычникненень Монь лаҥгс невтимань кис. ¹⁹Кода тыҥк кундатадызь, илядо мелявт: кода или мезть теҥк ёвтамс: се шкастонть максозь ули теҥк, месть ёвтамс. ²⁰Ведь аволь тынь ульдядо кортыцятьне, а Тетяҥк Духсь потсоҥк карми кортамо. ²¹Брат братонзо, тетя цёранзо куловтомо макссазо; эйкакшнэ тетяст-аваст каршо стить да машлесызь сынст. ²²Монь лемень кисэ весеменень анеймат ульдядо: кона пезэнзэ кирди, се ванозь ули. ²³Знярдо кармить паньмеҥк ве ошсто, чіеде омбоцес. Видестэ мерян теҥгк: [ 25 ]а прядовить теҥк яказь израилень ошнэ, кода сы Ломанень Цёрась. ²⁴Тонавтницясь тонавтыцядонзо аволь покш; важо-як азородонзо аволь покш. ²⁵Саты тонавтницясьтень, улиньдеряй сон эсь тонавтыцяшканзо, а важось эсь азорошканзо. Мериньдеряйть кудазоростень веельзевул, ара и кармить истя мерьме сонзэ кудосотьненень-гак? ²⁶Тень кувалма илядо пельть эстэдест: мезе-як арась истя кекшезь, коната-бу аволь неявт, истя жо салава теезь гак, кона аволь содавт-бу. ²⁷Мезе кортан теҥк чопуда таркасо, сень ёвтледе валдо таркасо, мезе кортазь пилезэҥк, седе кудо прясо кортадо. ²⁸Илядо пельть сетьнеде, конатьненень ансяк киськесь куловтови, а оймесь а куловтови; а седе пеледе пек, конанень ёмавтови адс киськесь-как да оймесь-как. ²⁹Аволь кавто нармушкат-ли ассаріядо^[1] микшневкшныть? а Тетяҥк мельтеме вейке-як эстэдест а пры мастор лаҥгс. ³⁰А тыҥк пря череҥк-как весе ловнозь. ³¹Тень кувалма тынь илядо пельть: тынь ламо нармушкатьнеде питьневттядо.

³²Эрьва кинь, ки Монь, ломань икеле кортазь, содавцамам, Монсь-как содавца менельсэ Тетянь икеле; ³³ки Монь эстэдень ломань икеле сёпи, седе Мон-гак сёпан менельсэ Тетянь икеле. ³⁴Илядо арсек, што Мон сынь мастор лаҥгс сэтьме-чинь туеме. Аволь сэтьме-чинь туеме сынь, — пеелень. ³⁵Мон сынь ломаньсть тетястонзо явмо, тейтерьсть — авастонзо, урьвасть — ававтостонзо. ³⁶ [ 26 ]Душманкс теевить ломаньстень соньсинзэ кудосотне.

³⁷Ки Моньдедень пек вечксазо эсь тетянзо, эли аванзо, се Монень а маштовиця. Истя жо ки Моньдедень пек вечксазо цёранзо эли тейтерензэ, се-як Монень амаштовиця. ³⁸Ки эсь крёстонзо саезь, Монь мельга а моли, се-як Монень амаштовиця. ³⁹Ки оймензэ ванцтсазо, се ёмавтцазо сонзэ, а ки Монь кис сонзэ ёмавтцазо, се муйсазо. ⁴⁰Ки тыҥк приматадызь, се Монь примасамам, а ки Монь примасамам, се Монь кучицянть примасазо. ⁴¹Ки прими пророк пророконь таркас, се пророконь награда саи, ки прими праведник праведникень таркас, се праведникень награда саи. ⁴²Ки вейкенень, неть вишкинетьнень ютксо тонавтниця лемс симди кече кельме ведь, се, видестэ мерян теҥк, а ёмавтцазо эсь награданзо.

↑ Ассарія — кавто копейкат.

Глава 11.

¹Кода Іисус прядызе кемгавтово тонавтницянзо тонавтумавть, тусь тосто сынст ошнэва тонавтомо.

²Іоанн тюрьмасо аштемстэ марясь Христозонь тевтьнеде да кучсь кавто эсь тонавтницянзо ютксто ³да мерьсь Тензэ: Тон-ли севатесь, конанень эряви самс или ліянь тенек учомс? ⁴Іисус каршост мерьсь: азёдо ёвтадо Іоаннэнь, мезе мариде, да мезе неиде: ⁵сокортнэ неить, хромойтьне якить, прокаженнойтьне ваньскалить, глухойтьне марить, кулозтьне вельмсить, нищейтьне парт кулят ёвтнить. ⁶Таланов, ки Монь кувалма а маняви. ⁷Сынст туезь, кармась Іисус ломатьненень Іоанндо кортамо: [ 27 ]мезень ванмо тынь якиде чаво паксяс? вармасо чарыца нудеень ара? ⁸мезень ванмо ино якиде? чевте одижас орчазь ломанень? Чевте одижань кантлицятне инязоронь кудова эрить. ⁹Мезень ванмо ино якиде? Пророконь? Да, мерян теҥк, пророкто-як покшонть. ¹⁰Сон ведь севате, конадо сёрмадозь: Вана Мон кучса Тоньдеть икеле Эсь Ангелэм, кона анокстасазо Тоньть икеле кить. ¹¹Видестэ мерян теҥк: аватьнень эйстэ шачозетьнень ютксо Іоанн Крестительде покш арасель, а менелень инязорокс чисэнть вишкинесь соньдензэ покш. ¹²Іоанн Крестителень эрямо шкастонть саезь, те шкастень, менелень инязорокс чисэнть пек бажазь саить да пек бажицятьне муйсызь сонзэ. ¹³Весе пророкнэ-як да законсь-как Іоанндо икеле ёвтасть. ¹⁴Мелеҥк улиньдеряй кемемс, сон се Иліясь, конанень эряви самс. ¹⁵Кинь улить марямс пилензэ — марязо.

¹⁶Кикс ладяса те родсть? Сон моли эйкакшт ёнов, конат озадо аштить ульцясо да ялгаст ёнов велявтозь, ¹⁷мерить тенст: Минь теҥк вешкинек вешкимасо, — тынь эзиде кишть; минь морынек теҥк аварьдима морот, тынь эзиде аварьдть. ¹⁸Сась Іоанн, а ярцы, а сими, мерить — сонзэ эснэ амазы. ¹⁹Сась Ломанень Цёрась, ярцы да сими, мерить: вана ломансь, кона ярсамо да винадо симма вечки, мытарень да пежетев ломанень ялга. Истя Сонзэ покш чизэ Эсь эйкакшонзо видьстэ ливтизь.

²⁰Теде мейле кармась Іисус покорямо сеть ошнэсэ, конатьнесэ ламо чудат тейнесь, а сынь [ 28 ]пежетест эзизь кадт. ²¹Апаро тенть, Хоразин, апаро тенть, Виѳсаида, ведь улевельть-как тыҥк эснэ теезь чудатьне Тирсэ да Сидонсо теезь, сынь умок-бу берянь одижань орчазь, да пряст куловсо почодозь, яҥксевельть эсь пежетест кис. ²²Ансяк мерян теҥк: Тир марто Сидоннэнь страшной судонь чистэнть, тыньдедеҥк шождыне ули. ²³Тон-гак, менельс кепедьтезь Капернаум, адс валтазь улят: ведь тонть эснэ теезь чудатне улевельть-как теезь Содомсо, сон те шкас бу аштевель. ²⁴Ансяк мерян теҥк: Содомонь масторстень страшной судонь чистэнть тоньдеть шождыне ули. ²⁵Се шкастонть Іисус, валонзо апак прядт, мерьсь: Тетяй! менелень да масторонь Пазось! Тонть эснэ Мон шнан: Тон превейтьнеде да ламонь содыцятьнеде Монь кекшезь, эйкакшнэнень содавтымек. ²⁶Да, Тетяй истямо ульнесь Тонсить мелеть!

²⁷Монень Тетянь пельде весе максозь. Цёранть Тетядо башка кі-як аздасазо, Тетянть-как ансяк Цёрась содасазо, да се, конанень Цёранть мельзэ ули ёвтамс. ²⁸Садо Монень весе пиштевтицятьне да стакасто эрицятьне. Мон тыҥк оймавтадызь. ²⁹Саиҥк Монь канцтом эсь лаҥгозоҥк, да тонадодо Монь эйстэнь: ведь Мон сэтьмеян, да чевте седеян, — муйдядо оймеҥк туртов оймавкс. ³⁰Ведь Монь канцтом паро, кандумам-гак шождыне.

Глава 12.

¹Се шкане ютась Іисус суббота чине видезь паксява. Сонзэ тонавтлицянзо пекест вачть, да кармасть сюро прянь сезнеме да ярцамо. ² [ 29 ]Фарисейтьне, тень неезь, мерьсть Тензэ: вана Тонть тонавтницят суббота чине теить, мезе а эряви теемс. ³Сон мерьсь тенст: ара тынь эзьде ловнок, мезе тейсь Давид, кода сонзэ сонсинзэ пекезэ вачнось да мартонзо улезтьнень-гак? ⁴Кода сон совась Пазонь церькувасьтень да тосо путозь кшетьнеде ярсась, конатьнеде ярцамс амаштовиль а соньстензэ, а мартонзо улезтьненень, ансяк маштовиль попнэнэнь. ⁵Или эзьде ловнок-ли законсо, кода попнэ суббота чине церькувасо суббота чинть колыть, да аволь чумот? ⁶Мерян теҥк: тесэ церькувадонть-как покшось. ⁷Содавледе-як тынь, мезе те ёвтазесь: милость Монень эряви, аволь жертва, — сестэ авольде судяк-бу чумовтомотьнень. ⁸Ведь Ломанень Цёрась суббота лаҥгсо-як покш.

⁹Тосто туезь, совась Сон сынст синагогазост. ¹⁰Вана, тосо ве коське кедь ломань ульнесь. Іисусонь, лаҥгозонзо чумонь муймень кис, кевстизь: маштови-ли суббота чине віемтемс?^[1] ¹¹Сон мерьсь тенст: Ки юткстоҥк ули истямо ломань, конань ули вейкине ревезэ, да прыньдеряй (се ревесь) суббута чине латкс, ара а таргасазо сонзэ да а сайсазо? ¹²Зняродо ломансь реведе паро? Истя суббота чине маштови теемс паро. ¹³Сестэ мерьсь се ломаньстень: венстик кедеть! сон венстизе; да кедьзэ віемезь (теевсь) омбоценьть кондямокс.

¹⁴Фарисейтьне, тосто лисезь, вейсэ арсесть, кода Сонзэ маштомс. Іисус, теде содазь, тусь [ 30 ]тосто. ¹⁵Мельганзо мольсть ламо ломать. Сон весемень віемтинзе ¹⁶да кардыньзе сынст Эстэдензэ ёвтлемеде. ¹⁷Истя топодезэ пророк Исаіянь вельде ёвтазесь, кона кортась: ¹⁸Вана Монь кочксезь эйдем, Сон Монь вечкимам, Сонзэ эйс бажи Монь оймем. Путса лаҥгозонзо Моньсинь Духом да Сон ломатьненень суд ёвты. ¹⁹Сон каршо вал а ёвты, а пижакады-як. Сонзэ вальгеензэ кі-як ульцясто а марясазо. ²⁰Виде-чинть лаҥгс лифтевмезэнзэ, Сон синьдевезь нудейсть а синьцазо, чеҥгиця ліяназонь а мацтясазо. ²¹Сонзэ лемензэ лаҥгс кармить кемеме ломатьне. ²²Сестэ ветясьть Тензэ амазынь колавт сокор да немой. Сон віемтизе сонзэ; сокорсь да немойсь кармась кортамо да нейме. ²³Весе ломатьне дивазь кортасть: аволь те-ли Давидэнь цёразо Христозось? ²⁴Фарисейтьне, тень марязь, мерьсть: Сон амазытьнесэ панси аволь истяк, а амазытьнень покшост веельзевулонь війсэ. ²⁵Іисус, сынст арсимадост содазь, мерьсь тенст: эрьва инязорокс чись, явшевиньндеряй эсь юткованзо, — машты, истя жо эрьва ош-как, эли кудо-як, явовиньдеряй эсь юткованзо, айаштеви. ²⁶Амазысь-как, паниньдеряй амазысэ, сон явшевезь ули эсь юткованзо, кода карми сестэ аштеме сонзэ инязорокс чизэ? ²⁷Паниньдерян Мон амазытьнесэ веельзевулонь війсэ, сестэ тыньсиҥк цёраҥк кинь війсэ пансить эснэст? Тень кувалма сынь судіякс улить теҥк. ²⁸Пансиньдерян Мон амазытьнесэ Пазонь Духсо, сестэ пачкодьсь теҥк Пазонь инязорокс чись. ²⁹Или ки віев ломанень кудос совави да сонзэ парозо салави тензэ, васня віевсть а [ 31 ]сюлмсисазодеряй? Мейле уш сон салсисазо сонзэ кудозо.

³⁰Ки аволь Монь маро, се Монь каршо. Ки а пурны Монь маро, се ёмавтли. ³¹Тень кувалма мерян теҥк: Эрьва кодамо пежеть, да берянь вал простяви ломатьненень, а Духонть лаҥгс берянь валсь простязь а ули ломатьненень. ³²Ёвтыньдеряй кі-як вал Ломанень Цёрасть лаҥгс, — простязь ули тензэ; а ёвтыньдеряй Святой Духсть лаҥгс, простязь а ули тензэ, а те пиҥгстэнть а тона пиҥгстэнть. ³³Путсыҥкдеряй чувтонть парокс, умарензэ-як путыҥк парокс, или путсыҥкдеряй чувтонть берянькс, умарензэ-як — берянькс. Ведь чувто умарензэ кувалт содави. ³⁴Гуень левкст! апарт улезь, кода тынь кортавдадо пародо? Ведь курго корты пешксе седейстэ. ³⁵Паро ломань паро мельстэнзэ ливти паро, а берянь ломань берянь мельстэнзэ ливти берянь. ³⁶Мерян теҥк: эрьва стяконь валонть кисэ, конань ёвтасызь ломатьне, страшной судонь чистэ максыть ответ. ³⁷Ведь эсь валот кувалт видекс лисят, эсь валот кувалт чумокс-как кадуват. ³⁸Сестэ конат-конат книжникнень да фарисейтьнень ютксто мерьсть: Тонавтыця! Минек Тонть пельде чудань неемс мельнек ули. ³⁹Сон мерьсь каршост: апаро да ускурявкс родсь чуда вешни, ансяк Пророк Іонань чудадо башка, лія чуда тензэ максозь а ули. ⁴⁰Кода Іона китэнь потсо ульнесь колмо чить, да колмо веть, истя Ломанень Цёрась-как моданть седейсэ ули колмо чить да колмо веть. ⁴¹Ниневіянь ломатьне стить судс те [ 32 ]родсть марто да чумондсызь сонзэ: ведь сынь Іонань проповедьте кадызь пежетест, а тесэ вана Іонадо-як покш. ⁴²Обед ёнксонь инязоро-авась сти судс те родсть марто, да чумондсазо сонзэ; ведь сон масторонь пестэ сакшнось Соломононь превензэ кулсономо, а тесэ вана Соломондо покш. ⁴³Кода апаро духсь лиси ломаньстэ, да яки ведьтеме таркава эсьтензэ оймамо таркань вешнезь, да а муи, ⁴⁴сестэ мери: мурдан монсинь кудостень, косто лисинь. Сазь, сон муйсазо сонзэ чавосто, теньцезь, пурназь. ⁴⁵Сестэ моли сон да саи мартонзо ліят сисемь духт, эстедензэ-як благойть, да совазь, кармить эрямо тосо. Се ломаньстень теде мейле васеньцеденть-как берянь ули. Истя ули те апаро родсть маро-як.

⁴⁶Сонзэ ломатьненень кортамо шкастонть авазо да братонзо аштесть ушосо: сынст мелест ульнесь Сонзэ маро кортамс. ⁴⁷Та ки мерьсь Тензэ: вана Тонть ават да братот ушосо аштить, Тонть маро кортлевельть. ⁴⁸Сон кортыцянть каршо мерьсь: ки Монь авам, да кить Монь братон? ⁴⁹Мейле тонавтницянзо лаҥгс кедьсэнзэ невтезь, мерьсь: вана Монь авам, да Монь братон. ⁵⁰Ки теи Монь менельсэ Тетянь мелензэ кувалт, се Монь братом, сазором да авам.

↑ ломань шумбралгавтомс.

Глава 13.

¹Се чистэнть Іисус, кудосто лисезь, озась моря чирес. ²Ваксозонзо промсть ламо ломать. Сонензэ савсь венчес совамс да озамс, а весе ломатьне аштесть берёксть лаҥгсо.

[ 33 ] ³Сон притчань ёвтнезь, ламо тонавтсь эснэст, мерезь: Вана лись видиця видьме. ⁴Сонзэ видьместэ конат-конат видьстьне прасть ки черес; ливтясть нармуть да кочксизь сынст. ⁵Ліят прасть кевев таркас, косо модась аламоль, да моданть аволь сэреень коряс, сынь сеск листь. ⁶Кода лись чизэ, сынь пуйшть да, коренэнь аразень кувалт, коськсть. ⁷Ліят прасть кормалав пулос; кайсть кормалавтнэ да сынст ёмавтызь. ⁸Ліят прасть паро модас, да каньдьсть видьсть: кона сядо, кона кодгемень, кона колоньгемень. ⁹Кинь улить марямс пилензэ, — марязо!

¹⁰Тонавтницянзо, ваксозонзо молезь, мерьсть Тензэ: мейсь притчасо^[1] кортат тенст? ¹¹Сон мерьсь каршост: тынеҥк менелень инязорокс чинть асодамотнеде содамс максозь, а сыненст апак макст. ¹²Ведь кинь ули, сенень максозь ули, да пек ламолгавтови тензэ, а кинь арась, сень, мезезэ ули, се-як саезь ули. ¹³Секс притчасо кортан тенст: сынь ванозь анеить, кулцонозь а марить, да а чаркодить-как. ¹⁴Сынст лаҥксо топодить Исаія пророконь ёвтазь валтнэ, кона кортась: марязь марятадо, да а чаркоттядо, ванозь-гак вандадо, да а нейдядо. ¹⁵Калгодкстомсть, ведь не ломатьнень седеест, сынь пилесэст-как стакасто марить, сельмест-как конизь: сельмесэст-как сынь авольть нейть, пилесэст-как авольть маря, седейсэст-как авольть чаркодть, штобу Монь ёнов авольть велявт, да аволень [ 34 ]віемть сынст. ¹⁶Талановт тыҥк сельмеҥк: сынь неить, пилеҥк-как, — марить. ¹⁷Видестэ мерян теҥк: ламо пророкнэнь да праведникень тыҥк найматьнень неемс мелест ульнесь, да эсть нейть, тыҥк марямотьнень-гак марямс, да эсть маряк. ¹⁸Кулцоныҥк ино тынь — мезе ули видицядо ёвтазь притчась. ¹⁹Эрьва кулцоныцястень Пазонь инязорокс чиденть да а чаркодицястень, сы душманць да таргасазо седейстэнзэ видезенть: те ули ки лаҥгс видезесь. ²⁰Кевев модас видезесь се, ки марясазо валонть, да сеск эрьгедезь примасазо, ²¹ансяк сон коренэнь апак нолдак кеме а эри: сыньдеряй тензэ се валонть кис меньдяк мелявкс, или панцевма, сон сеск маняви. ²²Кормалав юткс видезесь се, ки марясазо валонть, ансяк те пиҥгень мелявксось, да сюпав чис манявмось изнясазо валонть да сон видьстеме эри. ²³Паро модас видезесь се, ки марясазо валонть да чаркодьсазо, да канды видьсть, кона сядонь кирда, кона кодгемень, кона колоньгемень кирда.

²⁴Лія притча ёвтась тенст, мерезь: менелень инязорокс чись моли истямо ломань ёнов, кона видьсь эсь паксязонзо парт видьсть. ²⁵Ломатьнень удомо шкасто сась сонзэ душманзо, видьсь товзюронть юткова берянь тикшеть да тусь. ²⁶Кода лись товзюрось да кармась прянь каямо, листь сестэ тикшетьне як. ²⁷Азоронть важонзо, сазь, мерьсть Тензэ: азоронок: Тон аволь парт-ли витдьсть эсь паксязот видекшныть? Косто саевсть сонзэ эйс тикшетьне? ²⁸Сон мерьсь тенст: душман ломань тень теизе; важотьне мерьсть тензэ: ули мелеть, [ 35 ]минь, молезь, кочкасынек сынст? ²⁹Сон мерьсь тенст: арась: тикшетьнень тарксемстэ товзюротьнень-гак аволеҥк таргсек-бу. ³⁰Кадыҥк нуймань самс кавонест вейсэ касыть: нуйместэ мон мерян нуицятьненень: васня пурныҥк тикшетьнень, да пултамс сюлмсиҥк сынст пултс, а товзюронть монь утомозон.

³¹Лія притча ёвтась тенст, мерезь: менелень инязорокс чись моли горчицянь видьсть ёнов, конань саизе ломань да видизе эсь паксязонзо. ³²Сон весе видьстьнеде вишкине, а знярдо касы, весе тикшетьнеде покщ эри, чувтокс тееви, сонзэ тарад потс менелень нармуть натой ливтнить да кекшнить. ³³Лія притча ёвтась тенст: менелень инязорокс чись моли чапавтума ёнов, конатань саизе ава, да каизе колмо малинкат почт юткс весемест чапаськадмозост. ³⁴Весемень нень Іисус ёвтлинзе ломатьненень притчасо, притчавтомо мезе-як эзь кортак тенст. ³⁵Истя топодест пророконь вельде ёвтазь валтнэ, кона мерьсь: притчасо панчса кургом да ёвтнесынь, мезть масторонть тейме шкасто кекшезь ульнесть. ³⁶Сестэ Іисус нолдынзе ломатьнень да совась кудос.

Тонавтницянзо, ваксозонзо молезь, мерьсть Тензэ: ёвтык тенек, мезе ули паксянь тикшеде притчась? ³⁷Сон мерьсь каршост: паро видьстень видицясь — Ломанень Цёрась; ³⁸паксясь — мастор лаҥгось^[2]; паро видьстесь, — менелень инязорокс чинь цёратне, а тикшетьне, — апарт цёратьне. ³⁹Сынст [ 36 ]видиця душмансь, — шайтянсь; нуйма шкась, — пиҥгенть маштумась; нуицятне — ангелтнэ. ⁴⁰Кода тикшетьнень пурнасызь да толсо пултасызь, истя ули те пиҥгенть маштомсто-як. ⁴¹Кучсынзе Ломанень Цёрась Эсь ангелэнзэ, да пурнасызь Сонзэ инязорокс чистэнзэ весе маньчицятьнень да пежетень теицятьнень, ⁴²да каясызь сынст гайни каштомос;^[3] тосо ули аварьдема да пеень чикордома. ⁴³Сестэ видеть ломатьне тетяст инязорокс чисэ чи лацо валдомить. Кинь улить марямс пилензэ — марязо.

⁴⁴Таго менелень инязорокс чись моли паксяс кекшезь ули-паронь ёнов, конань муизе ве ломань да сёпизе. Эзэзэнзэ эрьгедезь, сон моли, да мійсазо, мезезэ ули, да рамасазо се паксянть. ⁴⁵Таго менелень инязорокс чись моли паро човалянь вешниця купецень ёнов, ⁴⁶коната, ве питьнев човалянь муезь, тусь, весе микшнинзе, мезезэ ульнесь, да рамизе сонзэ. ⁴⁷Таго менелень инязорокс чись моли моряс каязь невод ёнов, конатанень совасть эрьва кодат калт. ⁴⁸Кода сон пешкедсь, таргизь сонзэ берёк лаҥгс, да озазь, партнэнь пурнызь кедьгева, а берятьнень ёртызь ве ёнов. ⁴⁹Истя ули те пиҥгенть маштомсто-як: лисить ангелтнэ да явсызь апартнэнь праведнойтнень ютксто, ⁵⁰да каясызь сынст гайни каштомс. Тосо ули аварьдема да пеень чикордома. ⁵¹Іисус кевстинзе сынст: чаркодиҥк-ли тынь нень весемень? Сынь мерьсть Тензэ: Ино, [ 37 ]Господи! ⁵²Сон мерьсь тенст: тень кувалма эрьва книжниксь, кона тонавтозь менелень инязорокс чистень, моли истямо куд-азоро ёнов, кона ули-паронь путма таркастонзо ливти ташто-як, од-гак.

⁵³Кода Іисус не притчатнень ёвтнезь прядынзе, тусь тосто, ⁵⁴да сась Эсь шачмо масторозонзо, да тонавтсь эснэст синагогасост. Сынь, дивазь, кортасть: косто Сонзэ истят превензэ да віезэ? ⁵⁵Аволь те-ли плотникень Цёрась? аволь Сонзэ-ли аванзо лемзэ Марія да братонзо: Іаков, Іосій, Симон да Іуда? ⁵⁶Аволь весе-ли патянзо-як минек ютксот? косто ино Сонзэ весе неть? ⁵⁷Истя сынь маньчевсть Сонзэ кувалма. Іисус мерьсь тенст: пророк эсь шачмо мастордонзо да эсь кудодонзо башка косо-як честьтеме а эри, ⁵⁸да а кеммаст кувалт эзь тейть тосо ламо чудат.

↑ вал-велявкснэ.
↑ свѣтэсь.
↑ пецькас.

Глава 14.

¹Се шкане марясь Іисусто нилетькс частенть инязорось Ирод, ²да мерьсь мельганзо якицят ломатьненень: те Іоанн Креститель! Сон кулозьстэ вельмесь, секс истят чудат тейневить пельдензэ. ³Ирод, Филипп братонзо нинзэ Иродіадань кис Іоаннань кундазь, сюлмсизе да тюрьмас озавтызе, ⁴мейсь Іоанн кортась тензэ: тонеть а маштови сонзэ маро эрямс. ⁵Сон маштыксэльце сонзэ да пельсь ломатьнеде, ведь весе сонзэ пророкс ловилизь. ⁶Иродонь шачмо чистэнзэ Иродіадань тейтерьзэ киштьсь гость икеле, да тусь Иродонь мельс, ⁷секс сон божазь алтась тензэ максомс, мезе а веши. ⁸Сон, аванзо эйстэ тонавтозь, мерьсь: туик монень [ 38 ]тезэ, блидя лаҥгсо, Іоанн Крестителень прянзо. ⁹Инязорось нусмакадсь, ансяк божамонзо кис да гостьнень ульмань кувалт,^[1] мерьсь максмо тензэ. ¹⁰Кучозь, керявтызе тюрьмасонть Іоаннань прянзо. ¹¹Кандызь сонзэ прянзо блидя лаҥгсо да максызь тейтерьстень, а се кандызь аванстэнь. ¹²Тонавтницянзо, сазь, саизь сонзэ телазо, да калмизь: мейле, сазь, ёвтасть Іисуснэнь. ¹³Теде марязь, Іисус тусь тосто венчне ськамонзо чаво таркас. Ломатьне, Сонзэ туймеде марязь, ошнэстэ тусть мельганзо ялго.

¹⁴(Венчестэнть) лисезь, Іисус неинзе ламо ломатьнень, да, сынст жалязь, шумбралгавтынзе сэредицяст. ¹⁵Чокшнэнь сазь, тонавтницянзо мольсть ваксозонзо да мерьсть: таркась тесэ чаво, а чизэ уж чопотетсь, — нолдыть ломатьнень, молест велес да рамаст эсьтест ярцамс. ¹⁶Іисус мерьсь тенст: сыненст туймекс а эряви, тынь максодо тенст ярцамс. ¹⁷Сынь мерить Тензэ: минек тесэ улить ансяк вете кшенек, да кавто калнок. ¹⁸Сон мерьсь тенст: кандыҥк сынст тезэ Монень. ¹⁹Мейле мерьсь ломатьненень луга лаҥгс ойсемеде, а (Сонсь) вете кшетьнень да кавто калтнэнь саезь, вачтась менельсть лаҥгс, баславинзе кшетьнень, да синьдезь, максыньзе тонавтницятьненень, а тонавтницятьне — ломатьненень. ²⁰Ярцасть весе да пешкедсть. Мейле кадовозь сускомотнеде пурнасть кемгавтово кептереть пешксеть. ²¹Ярцыцятьнеде тейтерь-аватьнеде да эйкакшнэде башка, вете тыстяшка ульнесть.

[ 39 ] ²²Сеск, ломатьнень нолдамодо икеле, кармавтынзе Іисус Эсь тонавтницянзо венчес озамо, да эсьтедензэ икеле омбоце пелев печкеме. ²³Ломатьнень нолдазь, куйсь пандо лаҥгс ськамонзо озномо. Сон чокшнэ-як ськамонзо тосо ульнесь. ²⁴Кода венчесь морянть кунчкасоль, кепететсь каршо варма, да кармась веньченть эснэ чавмо. ²⁵Веньть нилеце караулонь полавтума шкастонть Іисус морянть лаҥга тусь сынст ёнов. ²⁶Тонавтницятьне, Сонзэ ведь лаҥга ютамодо неезь, пелезевсть да кортасть: те неявкс^[2] тенек, да тандадозь пижакадьсть. ²⁷Іисус сеск кармась кортамо марост, мерезь: кемекстадо: те Мон! илядо пельть. ²⁸Петр мерьсь каршозонзо: Господи! улиньдерят Тон, мерьть монень Тоньть вакс ведь лаҥга мольмеде. ²⁹Сон мерьсь тензэ: Сак! Венчестэнть лисезь, Петр тусь ведьсть лаҥга Іисус ёнов. ³⁰Віев варманть неезь, тандатсь, да кармась ваямо да серьгедезь мерьсь: Господи, ванумак монь! ³¹Іисус сеск, кедензэ вентезь, кирьдизе сонзэ да мери тензэ: аламо-кемиця, мейсь арсезевить? ³²Кода сынь венчестень совасть, вармась лоткась. ³³Веньчненть улицятьне, ваксозонзо молезь, сюкунясть Тензэ да мерьсть: алкукс Тон Пазонть Цёразо-ят. ³⁴Омбоце пелев печкезь, састь сынь Геннисаретской масторс.

³⁵Се масторонть эрицятьне, Іисусонь содазь, кучсть кулят се масторонть келес, да кандызь Тензэ весе сэредицяст, ³⁶да инялдсть Тензэ, [ 40 ]меревель бу тенст одижа краезэнзэ ансяк токадевмеде. Конат токадевильть, — сетьне пичкильть.

↑ Гостнень икеле визьксэс а совамонь кис.
↑ виденіе.

Глава 15.

¹Сестэ Іисус вакс састь Іерусалимень книжникне да фарисейтьне да мерьсть: ²Мейсь Тонть тонавтницят а кирьдить атятьнень койтьнесэ: сынь кшеде ярцамодо икеле кедест а шлякшносызь? ³Сон каршост мерьсь: мейсь тынь-гак атятьнень коест кирьдимань кис а тейтядо Пазонь заповедьтьнень коряс? ⁴Пазось мерьсь: тетять, авать мелест ванок: кона тетянстэнь эли аванстэнь терьги берянь вал, се кулозо. ⁵А тынь кортатадо: ки мериньдеряй тетянстэнь, эли аванстэнь: мезе тонеть максумаль, сень мон Пазостень алтыя, ⁶се мейле тетянзо, аванзо мель-гак а ваныдеряй паро ули. Истя теезь, тынь атятьнень коест кирьдимань кис Пазонь заповедьтьнень колатадо. ⁷Эсь пряҥк парокс тейницят! парьсте кортась тыҥк кувалма Исаія пророк: ⁸не ломатьне кургсост Монь малав сакшныть, кельсэст-как Монь Эснэ шныть, а седеест Монь эйстэ васоло ашти. ⁹Стяко сынь шныть Монь эснэ, ломанень заповедьтьнень да тонавтуматьненень тонавтозь. ¹⁰Мейле народсть тердезь, мерьсь тенст: кулцонодо да чарькодеде: ¹¹Аволь се, мезе кургс сови, ломаньсть эснэ гади, а мезе кургсто лиси, се ломаньсть эснэ гади.

¹²Сестэ тонавтницянзо, ваксозонзо молезь, мерьсть Тензэ: содат-ли, фарисейтьне, Тонть валот марязь, пежетс совасть? ¹³Сон каршост мерьсь: эрь чувтось, конань аволь Монь менельсэ Тетям озавтызе — ёми. ¹⁴ [ 41 ]Кадыҥк сынст: сынь сокоронь вецицят сокорт; ветиньдеряй ведь сокорсо сокор, сынь кавонест латкс прыть. ¹⁵Петр каршонзо мерьсь: чарькодевтик тенек те притчанть. ¹⁶Іисус мерьсь: тыҥк-как ара те шкас превезэҥк а саеви? ¹⁷Ара ачарькодтядо, — весе, мезе кургова сови, пекс моли, венелев молезь, ушов лиси. ¹⁸А кургсто лисицятьне — седейстэ лисить, сетьне ломаньсть эснэ гадить. ¹⁹Ведь седейстэ лисить апарт арсимат, ломанень маштумат, ломань ава мельга чійнимат, ава ломанень вечкимат, саламот, ломань лаҥгс кеҥгелезь невтимат, сялдумат. ²⁰Весе неватеть ломаньсть эснэ гадить, а кедень апак шляк ярцамось ломаньсть эснэ а гади.

²¹Тосто лисезь, Іисус Тир маро Сидононь масторс сась. ²²Тесэ ве хананеень ава, сеть ёнкснэстэ лисезь, сеересь Тензэ: Давидэнь Цёра, Тонавтыця, ванумак монь! Монь тейтерем, амазысэ колазь, пек майси. ²³Іисус каршонзо ве вал-гак эзь пшкать: Тонавтницянзо, ваксозонзо молезь, инялдсть Тензэ: нолдык сонзэ, сон пижни мельганок. ²⁴Сон каршост мерьсь: Мон ансяк Израилень кудонь ёмазь реветьненень кучозян. ²⁵Авась, ваксозонзо молезь, сюкунякшнось Тензэ да кортась: Тонавтыця, тейть тень лезэ! ²⁶Сон каршонзо мерьсь: аволь паро кшенть эйкакшонь кедьстэ саемс да кисканень каямс. ²⁷Авась мерьсь: (те) истя, Тонавтыця! Ансяк кискатьне-як ведь ярсыть азорост столаҥсто певериця паморькснэде. ²⁸Сестэ Іисус мерьсь каршонзо: вай, ава, Тонть кемимат покш. Улезэ тенть мелеть коряс. Секе частонть пичкась сонзэ тейтерзэ.

[ 42 ] ²⁹Тосто туезь, Іисус мольсь Галилейской моря чирес, да, пандо пряс кузезь озась тозо. ³⁰Ваксозонзо мольсть ламо ломать, сынь марост туизь хромойтьнень, сокортнэнь, немойтьнень, убогойтьнень, да ліят-как ламо сэредицятьнень, да путызь сынст Іисусонь пильгензэ вакс. Сон сынст віемтинзе. ³¹Ломатьне, немойтьнень кортамост, сэредицятьнень віеммест, хромойтьнень якамост, сокоротнэнь неймаст неезь, дивасть да шнасть израилень Пазонть эснэ.

³²Іисус, тонавтницянзо терьдезь, мерьсь тенст: жаль маряви Монень народсь, — сынь уж колмо чить аштить Монь вакснэ, а ярцамс тенст а мезьде, вачо нолдамс мелем арась, ки лаҥгсо авольть лавчомт-бу. ³³Тонавтницянзо мерьсть Тензэ: косто сайдянок минь чаво таркасо зняро народонь андомс кшеть? ³⁴Іисус мерьсь тенст: зняро тыҥк кшеҥк: Сынь мерьсть: сисемь, да аламошка калнэть улить. ³⁵Сон мерьсь ломатьненень масторов ойсемеде. ³⁶Сонсь, сисемь кшетьнень да калтнэнь саезь, шнызе Пазонть, мейле синтринзе да максынзе тонавтницянстэнь, а тонавтницятьне — ломатьненень. ³⁷Весе ярцасть да пешкедьсть, да кадовозь сускомотьнеде пурнасть сисемь кептереть пешксеть. ³⁸Ярсыцятнеде ульнесть, аватьнеде да экакшнэде башка, ниле тыстят ломань. ³⁹Ломатьнень нолдамодо мейле Іисус совась венчес да тусь Магдалинской масторс.

Глава 16.

¹Састь Тензэ фарисейть да саддукейть, да Сонзэ снартумань кис вейшть менельстэ чуда [ 43 ]невтемс тенст. ²Сон мерьсь каршост: чокшне тынь мерьдядо: маней ули, — менельсь якстере. ³Валске: шечо пиземе ули: менельсь чопулгадозь сыреждеме кармась. Эсь пряҥк парокс тейницят! менелень чаманть явмо машттадо, а кодамо те шкась, — а содави теҥк? ⁴Апаро да ускурявкс родсь чуда вешни, ансяк пророк Іонань чудадо башка, лія чуда тензэ максозь а ули. Мейле, сынст кадозь, тусь тосто. ⁵Омбоце пелев печкезь, тонавтницянзо стувцть кшень сайме.

⁶Іисус мерьсь тенст: ванодо пряҥк фарисеень да саддукеень чапавтумадонть. ⁷А сынь эсь пачкаст арсесть: Сон истя минек кшень асаймеденть чартни эснэнек. ⁸Теде содазь, Іисус мерьсь тенст: аламонь-кемицят! мейсь эсь пачкаҥк арситядо кшень асаймедеҥк? ⁹Или тынь нейгак оштё ачаркодьтядо, да мельсэҥк-как айашти, кода вете кшесэ вете тыстят пешкедьсть, зняро кептереть сускомотьнеде пурныде? ¹⁰Или, кода сисемь кшесэ ниле тыстят пешкедьсть, зняро кептереть пурныде? ¹¹Кода а чаркодтядо, — Мон пряҥк фарисеень да саддукеень чапавтумадо ванцтомодо мерезь, аволь кшень кувалма меринь теҥк? ¹²Сестэ сынь чаркодьсть, што Сон мерьсь тенст пряст ванстомо аволь кшень чапавтумадонть, а фарисеень да саддукеень тонавтумадонть.

¹³Кесарія Филиппень масторс сазь, Іисус кевстинзе тонавтницянзо: ломатьне кикс путнисамизь Монь, Ломанень Цёранть? ¹⁴Сынь мерьсть: веенцт Іоанн Крестителькс, омбонцт Иліякс, а ліят Іереміякс, или кодамокс-как пророкнэнь эйстэ. ¹⁵Сон мери тенст: а тынь кикс Монь ловсамизь? ¹⁶Симон, [ 44 ]конатадо ліякс Петр мерить, мерьсь каршонзо: Тон Христозат, живой Пазонть Цёразо! ¹⁷Сестэ Іисус мерьсь тензэ: талановат тон, Іонань цёразо, Симон: тонеть аволь киське да верь тень содавтызе, а Монь менельсэ Тетям. ¹⁸Мон-гак тенть мерян: тон Петраят^[1], те кевсть лаҥгс Мон тейса эсь церькувам, сон адонь ортатьненень-гак^[2] а изняви. ¹⁹Тонеть макссынь менелень инязорокс чинь панжуматьнень, мезенть сюлмсисак мастор лаҥгсо, се сюлмсезь ули менель лаҥгсо-як, мезенть укснисак мастор лаҥгсо, се укснезь ули менель лаҥгсо-як.

²⁰Сестэ Іисус кардыньзе тонавтницянзо, кинень-гак иляст ёвтлек, што сон Іисус Христос. ²¹Теде мейле кармась Іисус эсь тонавтницянстэнь ёвтлеме, кода Сонензэ молемс эряви Іерусалимс, да тосо атятьнень, да архіерейтьнень, да книжникнень пельде ламо Тензэ апаро кирьдемс сави, маштозь улема Тензэ да колмоце чистэ мекев вельмима. ²²Петр терьдизе Сонзэ ве ёнов, да кармась каршонзо кортамо: Паз аштезэ, истя илязо ульть марот. ²³Сон, Петр ёнов велявтозь, мерьсь тензэ: ва Монь вакстон, сатана, тон Монь эснэнь маньчат; тон арсят аволь сень кувалма, мезесь Пазонь, а мезесь ломанень.

²⁴Сестэ Іисус мерьсь эсь тонавтницянстэнь: кинь мельзэ ули Монь мельга молемс, се эсь прянзо стувтоссо, саессэ эсь крёстозо^[3], да Монь [ 45 ]мельга молезэ. ²⁵Кинь мельзэ эсь оймензэ ванстомс, се сонзэ ёмавтсазо, а ки ёмавтсазо оймезэ Монь кис, се муйсазо сонзэ. ²⁶Кодамо лезэсь ули ломаньстень, сайсазодеряй сон весе светэсть эстензэ, а оймезэ коласазо? Или кодамо питьне максови ломань эсь оймензэ идимань кис? ²⁷Сы Ломанень Цёрась эсь тетянзо славасо, да эсь ангелэнзэ марто, сестэ эрьва конанень максы тевензэ коряс. ²⁸Видестэ мерян теҥк: улить конат-конат тесэ аштицятьнень ютксо, конат а кулыть Ломанень Цёранть эсь инязорокс чисэнзэ самонть неймезэст.

↑ кеват: Петр-валсь эрьзякс — кев.
↑ амазытьнень війстень.
↑ эрямо-чинь апаронзо.

Глава 17.

¹Кото чинь ютазь, саинзе Іисус Петрань, Іаковонь да сонзэ братонзо Іоаннань да кусьтинзе сынст ськамост сэрей пандо лаҥгс. ²Тосо Сон сынст икеле ліякс теевсь: чамазо валдомсь чи лацо, одижанзо теевсть валдонь кондят ашот. ³Вана, неизь Моисеень да Иліянь, Іисус марто кортамсто. ⁴Сестэ Петр мерьсь Іисуснэнь: Тонавтыця! паро тесэ тенек аштемс: улиньдеряй мелеть, тейдянок колмо шалагат:^[1] вейкень тонеть, вейкень Моисейнень, вейкень Иліянень. ⁵Сонзэ нень кортамстонть, валдо пель копачинзе сынст, да пельсть потсто кортыця вайгель (марявсь): Те Монь вечкима Цёрам, Сонзэ эснэ Монь паро мелем. Сонзэ эснэ кулцонодо. ⁶Тень марязь, тонавтницятьне прасть чамаст лаҥгс, да пек тандадьсть. ⁷Іисус, ваксозост молезь, токадинзе сынст да мерьсь: стядо [ 46 ]да илядо пельть. ⁸Сынь, сельмест кепедезь, Іисусто башка кинь-гак эзьть нейть. ⁹Пандонть лаҥгсто валгомсто Іисус кардынзе сынст, мерезь: мезть неиде, Ломанень Цёранть кулмосто вельмимазонзо кинень-гак илядо ёвтнек.

¹⁰Тонавтницянзо кевстизь Сонзэ, мерезь: кода книжникне кортыть, што васня Иліянень самс эряви? ¹¹Іисус мерьсь каршост: истя, васня Иліянень самс эряви, да весемень анокстамс. ¹²Анся мерян теҥк: Иліясь уж сась, да эризь содак сонзэ, тейсть маронзо, кода мелестэль. Истяжо Ломанень Цёрась-как сынст пельде пиштевтима неи. ¹³Сестэ тонавтницянзо чарькодьсть, што Сон Іоанн Крестительде кортась тенст.

¹⁴Кода сынь састь народсть вакс, мольсь ваксозонзо ве ломань, да Тензэ сюкунякшнозь ¹⁵мерьсь: Тонавтыця! ванык^[2] монь цёрам: сон од ков шкане азаргали да пек пиштевти: сеедстэ кайси прянзо толс да ведьс. ¹⁶Мон тукшныя сонзэ Тонть тонавтницятьненень, да эзь віемтевть тенст. ¹⁷Іисус каршонзо мерьсь: Эх, акемиця да ускурявиця род! Знярс Мон тыҥк маро улян? Знярс карман кирьдеме эстэдеҥк? Туиҥк сонзэ Монень тезэ. ¹⁸Іисус амазынть кардызе, да сон лись (эйкакшонть) потсто. Эйкакшось секе частонть пичкась. ¹⁹Сестэ тонавтницятьне мольсть Іисус вакс ськамонзо таркасо да мерьсть: мейсь миненек сон эзь паневть? ²⁰Іисус мерьсь тенст: тыҥк акемимаҥк кувалт; видестэ мерян теҥк: улиньдеряй тыҥк вераҥк горчицянь видьстешка, да [ 47 ]мерьдядодеряй те пандостень: айг тестэ тов, — сон айги; сестэ теҥк а теевмашка мезе-яка ули. ²¹А те (амазынь) родсь паневи ансяк ознумасо да постонь кирьдимасо. ²²Сынст Галилеясо эрямсто Іисус мерьсь тенст: Ломанень Цёрась максозь ули ломанень кедьс, ²³машцызь Сонзэ да колмоце чистэ Сон мекев вельми. (Тень кувалма) сынь пек мелявтомо кармасть.

²⁴Кода састь сынь Капернаумс, Петр вакс мольсь дидрахмань^[3] пурныця да мерьсь: амаксы-ли тынк Тонавтыцяҥк дидрахма? ²⁵Сон мерьсь: да, (максы). Кода (Петр) совась кудостень, Іисус сонзэ ёвтамодо икеле мерьсь: кода тенть маряви, Симон? Мастор лаҥгонь инязоротьне кинь пельде каявкст да пошлинат саить: эсь цёраст пельде, или лія ломанень пельде? ²⁶Петр мерьсь: лія ломанень пельде. Іисус мерьсь тензэ: эсь цёраст а пантлить эно? ²⁷Ансяк сынст минек лаҥгс ванозь аманявмонь кис, азё моря чирес, да каяк ульма^[4], васеньце поҥгозь калсть саик, да кургонзо панжозь, муят статир^[5], саик сонзэ, да максык тенст Монь кис да эсить кис.

↑ палаткат.
↑ жалик.
↑ ярмак — 43 коп.
↑ удочка.
↑ кавто драхмат = 86 коп.

Глава 18.

¹Се шкане тонавтницятьне мольсть Іисус вакс да кевстизь: менелень инязорокс чисэнть ки покшось? ²Іисус тердсь эйкакш, аравтызе кунчказост, ³да мерьсь: видестэ мерян теҥк: а ліякстомдадодеряй да а ульдядодеряй вишка эйкакшонь [ 48 ]кондят, менелень инязорокс чистень а соватадо. ⁴Ки эсь прянзо те эйкакшонть кондямокс вишкинекс путсазо, се менелень инязорокс чисэнть покш ули. ⁵Ки прими Монь лемс истямо эйкакш, се Монь прими, ⁶а ки неть Монень кемицятьнень, вишкинетьнень ютксто, вейкешка пежетс совавты, сенень седе паро улевель, поводевельть-как кирьгазонзо ведьгев кев, да ваязтовлезь-гак морянь сэрей таркас. ⁷Апаро масторостень маньчиматьнеде, а сыненст улемс эряви, апаро ансяк се ломаньстень, конань кувалт маньчимась сы. ⁸Маниньдеряй эснэть кедеть или пильгеть, керик сонзэ да ёртык вакстот: седе паро ули теньть, совиньдерят ве пильгевтеме или ве кедьтеме пиҥгень пиҥкс эрямостень, а аволь кавто кедь марто или кавто пильге марто каязь улят амадиця толстень. ⁹Маниньдеряй эснэть сельметь, таргик сонзэ да ёртык вакстот: седе паро ули тенть, совиньдерят ве сельме маро пиҥгень пиҥгс эрямостень, а аволь кавто сельме маро каязь улят амадиця толстень.

¹⁰Ванодо, вейкеде-як не вишкинетьнень эйстэ илядо безарьть. Мерян теҥк: сынст ангелэст менельсть лаҥгсо яла неезь аштить Монь менелень тетянь чаманзо эснэ. ¹¹Ведь Ломанень Цёрась сась мастор лаҥгс ёмазетьнень вешнеме да ваномо. ¹²Кода тынь арситядо: улевельть-тяк ве ломанень сядо ревензэ да вейкесь эстэдест ёмаволь-гак, ара сон аволеньзе кад вейксэньгемень вейксэтьнень пандо юткс, да аволь туи ёмазенть вешнеме? ¹³Муйсазодеряй сонзэ, видестэ мерян теҥк: сонзэ кис вейксэньгмень вейксэ апак ёмак реветьнень эздэ-як пек [ 49 ]карми эргелеме. ¹⁴Истя менельсэ Тетяҥк-как арась мельзэ, штобу не вишкинетьнень эйстэ вейкешка ёмаволь. ¹⁵Теиньдеряй тонть каршо пежеть братот, мольть тензэ да визьдилгавтник сонзэ эсь ютковаҥк. Кулцонитянзатдеряй, тон муик эсь братот. ¹⁶А кулцонутанзатдеряй, сайть мартот оштё вейке эли кавто (ломать), штобу кавто эли колмо неицянь кортамосо эрьва валось видекс лисевельбу. ¹⁷Сынст-как акулцоносынзедеряй, церькувас^[1] ёвтак. Церькуванть-как акулцонусазодеряй, сестэ сон улезэ тенть язычникень да мытарень кондямо.

¹⁸Видестэ мерян теҥк: мезе тынь сюлмситядо мастор лаҥгсо, се сюлмсезь ули менель лаҥгсо-як; мезе укснитядо мастор лаҥгсо, се укснезь ули менель лаҥгсо-як. ¹⁹Таго видестэ мерян теҥк: арсиньдеряйть тыҥк ютксто кавто ломать ве мельсэ мастор лаҥгсо эрьва мезень тевде вешеме, мезе сынь а вешить, максозь ули тенст менельсэ Тетянь пельде. ²⁰Косо пурнавозь кавто эли колмо (ломать) Монь лемс — Мон-гак сынст ютксост. ²¹Сестэ Петр, ваксозонзо молезь, мерьсь Тензэ: Тонавтыця! зняро разт простямс монь каршо пежетень теиця братонть? сисемь разт-ли? ²²Іисус мери тензэ: а мерян тенть: сисемь разт, а сисемь сизьгементь раз.

²³Тень кувалма менелень инязорокс чись моли инязоро ломань ёнов, кона арсесь эсь важонзо ловмо.^[2] ²⁴Кода сон кармась ловмо, ульнесь тензэ [ 50 ]ветязь ве ломань, конань ульнесть тензэ пандомс кемень тыстят талант.^[3] ²⁵Кода тензэ пандомс а месне ульнесь, инязорось мерьсь міймеде: сонзэ сонсинзэ, нинзэ-як, эйкакшонзо-як, да весемень, мезезэ ульнесь, да пандомс тензэ. ²⁶Сестэ важось прась да инялдозь тензэ кортась: Инязоро: кирьдть лаҥгсон аламос, весе теньть пандсынь. ²⁷Инязорось, се важонть жалязь, нолдызе сонзэ, да долконзо-як простизе. ²⁸Се важось, лисезь, муизе сонсинзэ ялганзо, конань ульнесть пандомс тензэ сядо динаріят^[4] да сонзэ кундазь, кармась эснэнзэ пувамо, мерезь: максык монень, мезе пандумат. ²⁹Ялгазо, пильгезэнзэ празь, инялдсь тензэ, мерезь: кирьдть лаҥгсон, весе тенть пандсынь. ³⁰А сон эзь учок, мольсь да долконть пандомозонзо озавтызе тюрьмас. ³¹Тень неезь, сонзэ ялганзо пек мельс апаро саинзе, да молезь, сынь ёвтлизь инязоростень весемень, мезе ульнесь. ³²Сестэ инязорозо терьдизе сонзэ да мери тензэ: апаро важо! Тонть инялдомат кис мон весе долкот простія. ³³Аволь эрявт-ли тонеть-как истя жо жалямс эсь ялгат, кода мон тонть жалитень. ³⁴Да лаҥгозонзо кежіявтозь, долконзо пандомс максызе сонзэ инязорось муцицятненень. ³⁵Истя Монь менельсэ Тетям-гак теи мартоҥк, эрьва ки юткстоҥк а простясыньзедеряй седейсэнзэ эсь братонзо пежетензэ.

↑ промксос.
↑ Отчетонь сайме.
↑ Ве талантсонть 2400 цѣлковойть.
↑ Динарій — комсь копійкань ярмак.

[ 51 ]

Глава 19.

¹Кода Іисус не валтнэнь ёвтнезь прядынзе, тусь Галилеясто да сась Іорданонь омбоце пелев, Іудеень масторс. ²Мельганзо мольсть ламо ломать. Сон сынст віемтинзе^[1] тосо.

³Састь ваксозонзо фарисейть, да Сонзэ снартлезь, мерьсть Тензэ: маштови-ли ломаннень эрьва кодамо чумонь кис нинзэ марто явмокс? ⁴Сон мерьсь каршост: ара эзьде ловнок: васня мирьденть да нинть теицясь аволь вейс-ли сынст теинзе? ⁵Мейле мерьсь: тень кувалма ломаньсь кадсазо тетянзо, аванзо, да педи нинзэ эйс, да теевить сынь кавонест ве киськекс. ⁶Истя сынь улить уш аволь кавто, а ве киське. Мезе Паз вейс тейсь, сень ломань иляссо явт. ⁷Сынь мерьсть Тензэ: кода ино Моисей мерьсь явмань сёрмань максмодо да явмо маронзо. ⁸Сон мерьсь тенст: Моисей мерьсь теҥк ниҥк маро явмодо тыҥк калгодо седееҥк кувалма, а васня аволь истяль. ⁹А Мон мерян теҥк: ки яви нинзэ марто аволь ускурявмонзо кувалма да урьваксты лія лаҥгс, се ускуряви; явозь ни лаҥгс урьвакстыцясь-как ускуряви. ¹⁰Тонавтницянзо мерить Тензэ: ломаньнень нинзэ маро истя эрямс эрявиньдеряй, лучи а урьвакстомс-как. ¹¹Сон мерьсь тенст: весеменень те валсь а кирьдеви, ансяк кинень максозь. ¹²Улить ломать, конат аваст пекстэ шачить ава ломань марто эрямо а маштовицякс, улить истят-как, конатнень ава марто эрямо [ 52 ]амаштовицякс тейсызь ломать, улить истят-как ломать, конат менелень инязорокс чинть кисэ сынсь теизь пряст ава маро эрямо амаштовицякс. Кинь війзэ саты кирьдемс, — кирьдезэ. ¹³Сестэ ветясть Тензэ эйкакшт, штобу Сон путовлензе лаҥгозост кедензэ да озноволь кисэст. А тонавтницянзо эсть нолда эснэст. ¹⁴Іисус мерьсь тенст: нолдыҥк эйкакштнэнь, да илядо кирьдть эснэст Монень сакшномодо: ведь истятнень менелень инязорокс чись. ¹⁵Мейле путыньзе эйкакшнэнь лаҥгс кедензэ да тусь тосто.

¹⁶Вана ве ломань, ваксозонзо молезь, мерьсь Тензэ: Паро Тонавтыця! кодамо паро тень теемс, штобу пиҥгевтеме эрямостень совамс? ¹⁷Сон мерьсь тензэ: Мейсь Монень мерят паро? Ве Паздо башка кі-як паро арась. Мелеть улиньдеряй пиҥгевтеме эрямос совамс, тейть заповетьнень кувалт. ¹⁸Сон мери Тензэ: кодат? Іисус мерьсь: (ломань) иля машт, иля ускурявт, иля салак, ломань лаҥгс кеҥгелезь иля невть. ¹⁹Тетять, авать мель ванок, малавиксэть эснэ вечк, кода эсь прят вечкат. ²⁰Од ломансь мери Тензэ: весемень нень мон од пиҥгстэнь кирьдян, мезе оштё тень а саты? ²¹Іисус мерьсь тензэ: мелеть улиньдеряй весемень прядмокс: азё міик весе ули-парот, да явшик нищёйнень: сестэ ули-парот карми ульме менель лаҥгсо, а тонсь Монь мельга мольть. ²²(Те) валсть марязь, од ломансь нусмакадозь тусь ве ёнов: сонзэ ламоль ули-парозо. ²³Іисус мерьсь тонавтницянстэнь: видестэ мерян теҥк: кодамо стака сюпав ломаннень менелень инязорокс чистень совамс! ²⁴Таго мерян теҥк: сюпавнэнь Пазонь инязорокс чистень совамодонть [ 53 ]шождыне верблюднэнь салмукс варянь пачк лисемс. ²⁵Тень марязь тонавтницянзо пек дивасть да мерьсть: кинь ино прязо ванови? ²⁶Лаҥгозост вачтазь, Іисус мерьсь тенст: ломаннень те а теевмешка, а Пазнэнь весе теевмешкат. ²⁷Сестэ Петр мерьсь каршозонзо: вана минь кадынек весе, да Тонть мельга туинек: мезе тенек ули? ²⁸Іисус мерьсь тенст: видестэ мерян теҥк: кода Ломанень Цёрась озы эсь славанзо престол лаҥгс, сесте тынь-гак, Монь мельга молицятьне, озатадо кемгавтово престол лаҥга Израилень кемгавтово колинатьнень судямо. ²⁹Эрьва ки, кона кадсазо Монь кис кудонзо, или братонзо, или сазоронзо, или тетянзо, или аванзо, или нинзэ, или эйкакшонзо, или моданзо, севате сядонь кирда саи, да пиҥгевтеме эрямос сови. ³⁰Ламо васеньцетьне теевить меельксэкс, а меельцетьне — васеньцекс.

↑ Шумбралгавтынзе.

Глава 20.

¹Менелень инязорокс чись моли куд-азоро ёнов, кона валське рана лись эсь виноградникезэнзэ важонь сиведьме. ²Важотьне маро динаріядо чизэнзэ ладязь, кучинзе эсь виноградникезэнзэ. ³Колмо часонь шкане лисезь, сон нейсь ліят ульцясо стяко аштицят, ⁴да мерьсь сетьненень-гак: азёдо тынь-гак монь виноградникезэнь, зняро теҥк савмо карми — максан теҥк. Сынь мольсть. ⁵Таго лисезь, котоце, да вейксэце часонь шкане истя жо тейсь. ⁶Меельсь пелев, кевійкес часонь шкане лисезь, сон муйсь ліят стяко аштицят, да мери тенст: мейс тынь чинь-чоп стяко аштитядо тесэ? ⁷Сынь мерьсть тензэ: минек кі-як [ 54 ]эзимизь сиведть. Сон мери тенст: азёдо тынь-гак монь виноградникезэнь, мезе теҥк савмо карма, сень сайсыҥк. ⁸Чокшнень сазь, виноградникень азорось мери кудонь ваныцянстэнь: тердить важотьнень, да меельць пелев сазетьнень эйстэ саезь васеньцетненень пачкодемс, макст тенст питьне. ⁹Састь кевійкее часто сиведезетьне, да сайсть вейте-вейте динарія. ¹⁰Васень сазетьне арсесть, што сынь седе ламо саить; аньсяк сынь-гак сайсть вейте-вейте динарія. ¹¹(Питьненть) саезь, сынь кармасть азорость лаҥгс пеняцямо, ¹²кортазь: не меельцетьне ве час ансяк важодьсть, а минь чинь псиньть да стаканьть кирьдинек, а тон сынст минек маро вейкетстэ теить. ¹³Сон сынст каршо мерьсь вейкенень: ялгай! Мон а обижан эснэть: аволь динаріядо-ли тон ладить монь маро? ¹⁴Саик тоньситьсенть да азё. Монь мелем те меельцестень-гак максомс зняро жо, зняро тонеть. ¹⁵Ара моньсинь тевсэ а теиван кода мелем? Или тонть сельметь сіяды монь парокс ульманть лаҥгс? ¹⁶Истя, меельцетьне улить васеньцекс, а васеньцетьне меельксэкс. Ламо тердезетнеде, да аламо кочксезетнеде.

¹⁷Іерусалимев кузьместэ, Іисус ки лаҥгсо терьдинзе ве ёнов кемгавтово тонавтницянзо ськамост, да мерьсь тенст: ¹⁸Вана минь кузьдянок Іерусалимс, да Ломанень Цёрась максозь ули архіерейтьненень да книжникненень, да Сонзэ куломо судясызь. ¹⁹Макссызь Сонзэ язычникненень пеелемс, чавомс да крёст лаҥгс эсксэ вачкодемс. Колмоце чистэ Сон мекев вельми. ²⁰Сестэ мольсь ваксозонзо Зеведеень цёратьнень аваст кавто цёранзо маро да [ 55 ]сюкунякшнозь инялдсь Тензэ таго мезень кис. ²¹Іисус мерьсь тензэ: мезе тенть эряви? Сон мерьсь Тензэ: мерьть, не монь кавто цёратьне озавольтьбу инязорокс чисэть вейке Тонть видьть кедь пелеть, омбоце керш кедь пелеть. ²²Іисус мерьсь каршонзо: тынсь-как аздатадо, мезе вештядо. Симеви-ли тынеҥк се кечесь, кона эряви Монень симемс, да кирьдеви-ли теҥк се пиштевтимась, кона Монень сави кирьдемс? Сынь мерьсть Тензэ: Кирьдсынек. ²³Сон мери тенст: Монь кеченть тынь симсыҥк, Монь пиштевтиманть-как пиштевцыҥк, аньсяк, видьть кедь пелев или керш кедь пелев озамонь максомась аволь Монь олясо, а кинень сон анокстазь Монь менельсэ Тетянь пельде. ²⁴Тень марязь, ліят кемень тонавтницятьне кежіявсть кавто братнэнь лаҥгс. ²⁵Іисус, сынст тердезь, мерьсь: тынь содасыҥк, — народонь инязоротьне покшокс тейнить сынст лаҥгсост, прявтнэ-як кирьдить эснэст. ²⁶Тыҥк ютксо истя илязо ульть; а кинь мельзэ ули тыҥк ютксо покшокс улемс, се улезэ теҥк важокс: ²⁷кинь мельзэ ули тыҥк ютксо васеньцекс улемс, се улезэ теҥк важокс. ²⁸Ломанень Цёрась сась аволь Сонензэ служамонть кис, а Соньс сась служамо да ліятьнень идимань кис оймензэ максомо.

²⁹Сонзэ Іерихонсто лисемстэ, мельганзо мольсть ламо ломать. ³⁰Вана кавто ки чиресэ озадо ашицят сокорт Іисусонь вакскаст ютамодо марязь, кармасть пижнеме: Давидэнь Цёра, Тонавтыця, жалимизь минек!ломать. ³¹Народсь кардась эснэст, лоткавольть-бу сееремеде, а сынь седе-як пек кармасть [ 56 ]пижнеме, мерезь: Давидэнь Цёра, Тонавтыця, жалимизь минек. ³²Іисус, лотказь, терьдинзе сынст да мерьсь: мезе теҥк Монь пельде эряви? ³³Сынь мерить Тензэ: Господи, панжовольть бу минек сельменек. ³⁴Іисус, сынст жалязь, токадевсь сынст сельмезэст да сеск кармасть нейме сынст сельмест да тусть Сонзэ мельга.

Глава 21.

¹Когда сынь пачкодьсть Іерусалим малав да састь Елеонской пандо чиресэ Виѳсфагія лемсэ велес, Іисус кучиньзе кавто тонавтницянзо ²да мерьсть тенст: азёдо велестень, кона видьстэ тыҥк икеле, тосо тынь сеск муйдядо содозь осёл да од вашине маронзо; укстезь туиҥк (сынст) Монень. ³Кі-як мезе-як мериньдеряй теҥк, мереде: сынь Тонавтыцястень эрявить, — сон сеск сынст нолдасыньзе. ⁴Весе те истя ульсь пророконь трокс ёвтазеньть топодьмань кис, кона кортась: ⁵ёвтадо Сіононь тейтерьстень, вана сы тенть Тонть Инязорот: сэтьме, кильтлима осёлонь вашо лаҥгсо ласте озазь. ⁶Тонавтницятьне, молезь, тейсть, кода тенст мерьсь Іисус. ⁷Ветясть осёл да осёлонь вашо, вельтизь лангост эсь одижасост. Сон озась сынст лангозост. ⁸Ламо ломать ацлесьть эсь одижасост ки лаҥга, а конат, конат чувтосто керцесть тарадт да ацлесть кинть лаҥга. ⁹Икелензэ да мельганзо молицят ломатьне, сеерезь кортасть: Осанна Давидэнь Цёранцтэнь, Пазонь лемс сыцясь баславазь, верецестень осанна. ¹⁰Кода Сон совась Іерусалимстень, [ 57 ]весе ошось кепететьсь да кортасьть: те ки? ¹¹Ломатьне кортасьть: те Іисус, Галилеень Назаретстэ пророк. ¹²Совась Іисус Пазонь церкувастень да паниньзе весе церкувасонть микшницятьнень да рамсицятьнень; ярмаконь полавтницятьнень-гак столест, да гулькань микшницятьнень-гак скамикаст сявортлинзе. ¹³Сон кортась тенст: сёрмадозь: Монь кудоньть лемзэ ознума кудо, а тынь теиҥк сонзэ разбойникень аштима таркакс. ¹⁴Мольсть ваксозонзо сокорт, да хромойть, Сон сынст віемтиньзе. ¹⁵Первосвященникне да книжникне, кода неизь Сонзэ теевть чудатьнень да эйкакшнэнь-гак, конат церкувасонть сеересть: Осанна Давидэнь Цёранцтэнь, пек кежіявсть ¹⁶да мерьсть Тензэ: марясыть мезть сынь кортыть? Іисус мерьсь тенст: да! ара тынь знярдо-як эзьде ловно: вишка да потиця эйкакшонь курксто Тон теить эсьтеть шнамо? ¹⁷Теде мейле, сынст кадозь, лись ошостоньть да тусь Виѳаніяс, да тосо печтизе венть.

¹⁸Валське, ошостень мурдамсто, вачсь Сонзэ пекезэ. ¹⁹Ки чиресэ ве смоковницянь неезь, мольсь ваксозонзо, да, лопадо башка мезе-як эйстэнзэ апак муить, мери тензэ: икеле пелев-гак знярдо-як иляст ульть тонть эйсэ умарьть. Смоковницясь сеске коськсь. ²⁰Тень неезь, тонавницятьне дивасть да кортасть: кода истя сеск коськсь смоковницясь? ²¹Іисус каршост мерьсь: видестэ мерян теҥк: карминдеряй ульме вѣраҥк, да а карматадодеряй кавтолдомо, аволь ансяк смоковницясть марто теезь тевтьнень кондят карматадо тейме, а мерьдядодеряй те пандостень: кепетть да морястень ёртовт, — [ 58 ]ули истя ²²да весе, мезе озномсто кемезь а вештядо, максозь ули теҥк.

²³Кода Сон сась церькувасьтень да тонавтсь, мольсть ваксозонзо первосвященникне да народонь атятьне да мерьсть: кодамо покш чисэ Тон тень теят? да ки максызе тенть те покш чинть? ²⁴Іисус мерьсь каршост: Мон-гак кевстян кедьстэҥк ве вал: ёвтатадодеряй Монень, Мон-гак ёвтаса теҥк, — кодамо покш чисэ Мон нень теян. ²⁵Іоаннань лемдимась косто ульнесь: менельстэ, или ломанень пельде? Сынь арсесть эсь пачкаст: мердянокдеряй менельстэ, Сон мери тенек: Мейс ино эзьде кемть тензэ. ²⁶Мерьдянокдеряй ломанень пельде, пельдянок ломатнеде: ведь Іоаннань весе прорококс ловныть. ²⁷Сынь Іисусонь каршо мерьсть: а содатанок. Сон-гак мерьсь тенст: Мон-гак теҥк а ёвтаса, кодамо покш чисэ нень теян.

²⁸Кода теҥк маряви? ве ломанень ульнесть кавто цёранзо. Сон васенценть вакс молезь, мерьсь: цёрам, азё шечо роботак монь виноградниксэнь. ²⁹А сон каршозонзо мерьсь: а молян, а мейле, яҥксевезь, мольсь. ³⁰Омбоцень вакс-как молезь, истяжо мерьсь: се каршонзо мерьсь: молян, тетяй, да эзь мольть. ³¹Кона кавтост ютксто тетяст мелензэ коряс тейсь? Сынь мерьсть тензэ: васенцесь. Іисус мерьсь тенст: видестэ мерян теҥк: мытарьтьне, да ускурявицят тейтерь-аватьне тындеҥк икеле молить Пазонь инязорокс чистень. ³²Ведь сась теҥк Іоанн виде чинь кіява, тынь эзьде кемть тензэ; а мытарьтне да ускурявицят [ 59 ]тейтерь-аватне кемсть тензэ: тынь тень неймеде мейле-як, эзьде яҥксек да эзиде кемть:

³³Кулцоныҥк лія притчанть: ульнесь ве азоро; кона озавтсь виноградник, пиризе сонзэ, эзэзэнзэ чувсь виноградонь чемеряма латко, тейсь ванцтума тарка да максызе сонзэ виноград мельга якицянень, а сонсь тусь. ³⁴Кода сась умарень шкась, сон кучинзе эсь важонзо виноградонь ваныцятьнень кедьстэ эсь умарензэ сайме. ³⁵Виноградонь ваныцятьне, сонзэ важотьнень кундазь, конань чавизь, конань маштызь, а конань кевсэ чавизь. ³⁶Сон таго кучсь ліят важот, васеньцетьнеде-як ламо. Сынст маро-як тейсть истяжо. ³⁷Меельсь пелев сон кучизе сонсинзэ цёранзо, мерезь: виздилгадыть монь цёрадон. ³⁸Виноградонь ваныцятьне, цёранть неезь, мерьсть вейкест-вейкест туртов: те наследникезэ: адядо маштсынек сонзэ, да сонензэ кадовикс паронть эстенек сайсынек. ³⁹Сонзэ кундазь виноградниксть ушов ливтизь, да маштызь. ⁴⁰Виноградникень азорось, сазь, мезе теи сеть виноградонь ваныцятьне маро? ⁴¹Сынь мерьсть Тензэ: не злодейтьнень сон апаро куломасо куловтсынзе, а виноградниксть макссазо лія ваныцянень, конат шкастонзо кармить тензэ максмо умарть. ⁴²Мерьсь тенст Іисус: ара тынь знярдо-як эзьде ловно писаніясо: кевсь, конань каизь строицятьне, уголонь прякс теевсь. Те Пазонь пельде истя ульсь, минек сельме икеле сон дивакс неяви.

⁴³Секс мерян теҥк: нельгезь ули эйстэҥк Пазонь инязорокс чись, да максозь ули се народстень, кона карми сонзэ умарензэ максомо. ⁴⁴ [ 60 ]Прыцясь те кевсть лаҥкс — порксави, а ки лаҥгс сонсь пры, сень лепштясазо. ⁴⁵Сонзэ притчатьнень марязь, первосвященникне да фарисетьне чаркодсьть, што сынст кувалма корты, ⁴⁶да бажасть Сонзэ кундамо, аньсяк ломатьнеде пельсть. Ведь весе Сонзэ прорококс ловилизь.

Глава 22.

¹Іисус, притчань ёвтнезь, таго тенст мерьсь: ²Менелень инязорокс чись моли инязоро ёнов, кона эсь цёранзо кис тейсь свадьбань симмат-ярсамот, ³да кучинзе важонзо свадьбас терьдезетнень терьдеме, а сетнень мольмекс мелест арасель. ⁴Таго кучсь ліят важот, мерезь: ёвтадо тердезетьненень: вана мон анокстынь ярцамот: вазон да ліятьне-як, мезть андозь ульнесть, печкезь, весе анок, садо свадьбань симме-ярсамос. ⁵А сынь сонзэ терьдиманзо лаҥгс эзть вано: кона тусь паксязонзо, кона эсь торгувамозонзо. ⁶А ліятне, сонзэ важотнень кундазь, покордызь сынст да маштызь. ⁷Теде марязь, инязорось кежіявсь, да эсь солдатонзо кучозь, маштниньзе чавицятьнень, да ошост-как пултызе. ⁸Сестэ сон мери важотьненень: свадьбань симметьне-ярцамотьне анок, а терьдезетьне теде эзть аштек, ⁹азёдо ки рашкос, да, кинь муйдядо, терьдинк свадьбас. ¹⁰Ки рашкос лисезь, сеть важотьне, кинь мусть, партнэнь да апартнэнь-гак, весе пурнызь, да свадьбась пешкедьсь гостеде. ¹¹Инязорось, гостьнень ванмо совазь, нейсь тосто аволь свадьбань одижас орчазь ломань ¹²да мерьсь тензэ: [ 61 ]ялгай, тон кода совить тезэ аволь свадьбань одижасо? Сон чатьменьсь. ¹³Сестэ инязорось мерьсь важотьненень: кедензэ, пильгензэ сюлмсезь, саиҥк сонзэ да каиҥк ушонь чопуда таркас. Тосо ули аварьдима да пеень чикордыма. ¹⁴Ламо тердезетьнеде да аламо кочксезетьнеде.

¹⁵Сестэ фарисейтьне тусьть, да вейсэ арсесьть, кодабу Сонзэ вал лангсо кундамс. ¹⁶Сынь кучизь Сонензэ эсь тонавтницяст Иродонь ломатьнень марто истя мерьме: Тонавтыця, минь содасынек Тонть виде-чить, Тон видестэ Пазонь кистень тонавтат, кинень-гак мельс туймеде а арсят, да кодамо-як ломань лаҥкс а ванат. ¹⁷Ёвтан тенек: кода Тенть неяви, — эряви кесарнень каявкс пандомс? или а эряви? ¹⁸Іисус сынст манчимадост содазь, мерьсь тенст: мейс снартлитядо, эйсэнь пряҥк парокс тейницят? ¹⁹Невтиҥк тень ярмаксть, конайсэ тынь каявкс пандтадо. Сынь кандсьть Тензэ динарій. ²⁰Сон мерьсь тенст: Кинь тесэ тусось да сёрмадовксось? ²¹Сынь мерьсть Тензэ: Кесарень. Сестэ мерьсь тенст: максодо кесарензенть — Кесарьнень, а Пазонзенть — Пазостень. ²²Тень марязь, сынь дивасть, да, Сонзэ кадозь, тусть.

²³Се чистэнть састь Тензэ саддукейть, конат кулозтьнень мекев вельмимас а кемильть да кевстизь Сонзэ, мерезь: ²⁴Тонавтыця! Моисей мерьсь: Ки кулыньдеряй эйкакшонь апак кад, сень нинзэ братсо саессэ да род тензэ нолдазо. ²⁵Ульнесть минек сисем братт. Васеньцесь, урьвакстозь, кулось, да нинзэ эйкакштомо кадызе братонцтэнь. ²⁶Истяжо омбоцесь-как, колмоцесь-как, сисемецестень [ 62 ]пачкодьмес натой. ²⁷Весемеде мейле кулось нись-как. ²⁸Кулозтьнень вельмемеде мейле сисемтнень ютксто конанень сон никс ули? ведь сон весеменень никс ульнесь. ²⁹Іисус каршозост мерьсь: тынь писаніяньть да Пазонь війсть апак сода манчивдядо. ³⁰Кулозтьнень вельмемеде мейле а урьвакснить, мирьденень-гак а тукшныть, сынь менельсэ Пазонь ангелтнэнь лацо эрить. ³¹А кулозтьнень вельмиманть кувалма ара эзьде ловнок Пазонть кортамодонть? ³²Сон мерьсь: Мон Авраамонь Пазось, Исааконь Пазось, а Іаковонь Пазось. Пазось ведь аволь кулозтьнень Паз, а эрицятнень Паз. ³³Тень марязь, ломатьне дивасть Сонзэ тонавтумазонзо.

³⁴А фарисейтьне кода марясть Сонзэ саддукейтьнень кортамодо лоткафтумадонть, промсть ве таркас. ³⁵Юткстост вейке законс тонавтыця, снартлезь, кевстизе Сонзэ, мерезь: ³⁶Тонафтыця! Законсо кодамо весемеде покш заповедьсь? ³⁷Іисус мерьсь тензэ: эсь нишке Пазот эснэ вечк весе седейсэть, весе оймесэть, да весе превсэть. ³⁸Те васенцесь да весемеде покш заповедьсь. ³⁹Омбоце тень кондямо: малавиксэть вечкик, кода эсь прят вечкат. ⁴⁰Не кавто заповедьнень лаҥгсо ащить весе законсь да пророкнэ-як. ⁴¹Кода промсть фарисейтьне, Іисус кевстинзе сынст: ⁴²кода тынь арситядо Христоздонть? Кинь Сон Цёра? Сынь мерьсть Тензэ: Давидэнь. ⁴³Сон мерьсь: кода ино Давид, Святой Духонь ёвтамонь кувалт, мери Тензэ — Паз. (Давид) мерьсь: ⁴⁴Монь Пазом мерьсь Пазостень: озак монь вить пелезэнь се шкас, знярдо мон тонть душманот пильгеть алов путсынь. ⁴⁵Истя ино, [ 63 ]мериньдеряй Давид Тензэ Паз, кода сон Тензэ цёра ули? ⁴⁶Каршонзо кі-як ве вал-гак эзь ёфтафт, да те чиденть мейле кі-як уж эзь смеяк Сонзэ кевстлемензэ.

Глава 23.

¹Сестэ Іисус кармась кортамо ломатненень да эсь тонавтницянстэнь, ²мерезь: Моисеень таркастень озасть книжникне да фарисейтьне. ³Тень кувалма весемень, мезе мерить теҥк кирьдеме — кирьдеде да тееде; аньсяк сынст тевест кувалт илядо тейть: сынь ведь, кортыть, а сынсь а теить. ⁴Сюлмсить стакат да а кандовмашкат кандст да путлесызь ломатьнень лавтомо лаҥгс, а сынсь сурсост-как аволезь сыргавт сынст. ⁵Весе тевсэст сынь теить ломанень неймень кис; покшто тейнесызь закононь валонь кирдиматьнень,^[1] келейстэ тейнесызь одижа краест^[2]. ⁶Вечксызь истяжо симма-ярсамо таркасо эзем пряс озамонть, синагогасо весемеде икеле озадо аштиманть. ⁷Ульцясо — марост шумбракшнуманть, да ломатьнень тенст тонавтыця! тонавтыця! мериманть. ⁸А тынь илядо мерь эсьтедеҥк тонавтыця: Тыҥк вейке аньсяк Тонавтыцяҥк, Христозось, а тынь весе браттадо. ⁹Тетяй-гак мастор лаҥгсо кинень-гак илядо мерьть: тыҥк вейке аньсяк тетяҥк, кона менель лаҥгсо. ¹⁰Илядо [ 64 ]мерь эсьтедеҥк наставник-как: тыҥк вейке аньсяк наставникеҥк, Христозось. ¹¹Юткстоҥк покшось — важокс улезэ теҥк. ¹²Ведь ки эсь прянзо покшокс теи, се вишкиньгавтозь ули, а ки эсь прянзо вишкинекс кирьди, се покшокс теезь ули.

¹³Апаро теҥк книжникть да фарисейть, эсь пряҥк парокс тейницят: тынь пекснитядо ломатьнеде менелень инязорокс чинть, тынсь-как а соватадо, да совицятьнень-гак анолдатадо. ¹⁴Апаро теҥк книжникть да фарисейть, эсь пряҥк парокс тейницят: тынь довань кудотнень сэвнитядо, да пряҥк невтимань кис куватьс ознокшнутадо. Тень кис тынь стакасто судязь ульдядо. ¹⁵Апаро теҥк книжникть да фарисейть, эсь пряҥк парокс тейницят: тынь эсь веразоҥк ве ломанень совавтумань кис якасыҥк морянть да масторонть-как. Совавтовиньдеряй, тейсыҥк сонзэ адонь цёракс, кавсть тыньстедеҥк берянькс. ¹⁶Апаро теҥк, сокорт вецицят, тынь кортатадо: ки божиньдеряй церькува лаҥга, — мезе-як а ули, а ки божиньдеряй церькуваньть сырьне лаҥга — се чумо ули. ¹⁷Эх превтеметь да сокорт! Мезесь седе покш? сырьнесь, или сырьнень светиця церькувась? ¹⁸Истя-жо, ки божиньдеряй жертвенник лаҥга — мезе-як а ули, а ки божиньдеряй жертвенниксть лаҥгсо жертванть ланга — се чумо ули. ¹⁹Эх превтеметь да сокорт! Мезесь седе покш: жертвась или жертвань светиця жертвенниксь? ²⁰Ведь ки божи жертвенник лаҥга, се божи сонзэ лаҥга, да се лаҥга-як, мезе лаҥгсонзо. ²¹Ки божи церькува лаҥга, се божи [ 65 ]сонзэ лаҥга, да эснэнзэ эрицянть лаҥга-як. ²²Ки божи менель лаҥга, се божи Пазость престолонзо лаҥга да лаҥгсонзо озадонть лаҥга-як.

²³Апаро теҥк книжникть да фарисейть, эсь пряҥк парокс тейницят: тынь кеменце часть макстадо метасто, анизьстэ да тминстэ, а закононь седе эрявикснэнь: виде чинть, милостеньть да кемиманть кадыҥк: нень-гак эряволь теймекс да сетьнень-гак акадмоксольть. ²⁴Сокорт вецицят! сеськентьнень пецицят, а верблютнэнь нильницят! ²⁵Апаро теҥк книжникть да фарисейть, эсь пряҥк парокс тейницят! тынь ваньцькавтлитядо ваканонь да блидянь ушо ёҥкснэнь, а потмост пешксеть саламодо, да аволь виде чиде. ²⁶Сокор фарисей! ваньцькавтык васня ваканонь да блидянь потмонть, штобу ушо ёнксост-как ванькс улезэ. ²⁷Апаро теҥк книжникть да фарисейть, эсь пряҥк парокс тейницят, — тынь мольдядо красязь кандолаз ёнов, конат ушо ёндо мазыть неявить, а потмост пешксеть кулозень ловажадо, да эрьва мень аванькстэ. ²⁸Тынь-гак истя жо ушо ёндо ломаннень неявдадо видекс, а потмова пешксетядо эсь пряҥк парокс тейнимадо, да апаро тевде.

²⁹Апаро теҥк книжникть, да фарисейть, эсь пряҥк парокс тейницят: тынь пророкнэнень тейнитядо калмо лаҥкт, праведникненень мазылгавтнитядо паметникть ³⁰да кортатадо: улевленекак минь тетятнень эрямо шкасто, авольнек уль-бу тенст ялгакс пророкнэнь верест валмосто. ³¹Истя тынь тынсь эсь пряҥк пророкнэнь маштыцятнень цёракс нефттядо. ³²Ино топавтиҥк тетяҥк оҥксонть. [ 66 ] ³³Ехиднань^[3] шачовт гуйть! кода тынь оргодивдядо амадиця толс судямодоҥк? ³⁴Тень кувалма, Мон кучан теҥк пророкт, ламонь содыцят, да книжникть, а тынь конань эйстэст машцыҥк, конань крёст лаҥгс чавсыҥк, а конатнень эсь синагогасоҥк карматадо чавмо да ошсто ошос панцеме. ³⁵Сазо ино лаҥгозоҥк весе праведнойтнень мастор лаҥгс валозь верест, праведной Авелень верьстэ саезь Варахіянь цёранзо Захаріянь верьс пачкодемс, конань тынь маштыҥк церькува марто жертвенник ютксо. ³⁶Видестэ мерян теҥк: весе неть те родсть лаҥгс сыть. ³⁷Эх Іерусалим, Іерусалим, пророкнэнь машлиця, да тенть кучозетнень кевсэ чавныця! Зняро разт Монь ульнесь мелем пурнамс тонть эйкакшот, кода клукныцька пурнакшносыньзе эсь левксэнзэ сёлнонзо^[4] алов, да тыҥк мелеҥк арасель. ³⁸Вана ней кадови тыҥк кудоҥк чавосто. ³⁹Мерян теҥк: Те шкадонть мейле а нейсамизь Монь се шкастень, знярдо серьгеттядо: Пазонь лемс сыцясь баславазь.

↑ Еврейть тейнить кавто вишкат ящиккеть, тозо путнить конёвнэть, конатьнень эйсэ сёрмадозь Моисеень закононь валт. Не ящиккетьнень озномсто сюлмсесызь вейкень конязост, омбоцень керч кедезэст, седеест коряс. Неть ящикнедо мерить, — хранилищат — закононь валонь кирдимат.
↑ Одижа краезэст еврейть педявтлить ниле цёкинеть. Неть цёкинетьнень-гак фарисейтьне тейнилизь покшто.
↑ Ехидна — пек благой ёзнэ, гуй.
↑ крыланзо, лапанзо.

Глава 24.

¹Лисезь, Іисус кармась туйме церькуванть ваксто. Ваксозонзо мольсть тонавтницянзо Сонензэ церкувань строеніятьнень невтеме. ²Іисус мерьсь тенст: нейсыҥк-ли нень весемень? Видестэ мерян теҥк: а кадови тезэ кевь лаҥгс кевь, весе калавтозь улить.

[ 67 ] ³Кода Сон аштесь озадо Елеонской пандо лаҥгсо, мольсть ваксозонзо тонавтницянзо ськамост да мерьсть: ёвтык тенек, знярдо те ули да мезень кувалма содави Тонть омбоцеде самот да пиҥгенть маштумазо? ⁴Іисус мерьсь каршост: ванодо, кіяк авольдезь маняк-бу. ⁵Ламо сыть Монь лемсэнь да мерить: Мон Христозось, да ламотьнень манясызь. ⁶Истя-жо марятадо войнадо, да войнадо кортамот. Ванодо, илядо тандалек: ненень весеменень улемс эряви, ансяк те оштё аволь песь. ⁷Кепети народ — народ лаҥгс; инязорокс-чи — инязорокс-чи лаҥгс; улить вачо іеть, морт, да таркань-таркань масторонь сорнумат. ⁸Весе неть (улить) майсиматьнень ушодмаст. ⁹Сестэ макстадызь тыҥк муцямо да машттадызь; Монь лемень кис весе ломатненень ульдядо а вечкимат. ¹⁰Сестэ ламотьне манявить, да вейкест-вейкест кармить максомо, вейкест-вейкест а нейме. ¹¹Сыть ламо аволь виде пророкт, да ламотьнень манясызь. ¹²Пежетнень ламолгадынь кувалт ламотнень вечкемс мелест а карми ульме.

¹³Весемень цидярдыцясь ванозь ули. ¹⁴Весе ломатьненень содавтумань кис те (Пазонь) инязорокс чинь евангеліясь весе масторонть келес ёвтлезь ули. Сестэ сы (пиҥгень) песь. ¹⁵Знярдо нейсыҥк, Даніил пророконь ёвтамонть коряс, чамозь ванькс таркасонть аванькснэнь аштемеде (ловныцясь чаркодезэ), ¹⁶сестэ конат улить Іудеясо, чіест пандо лаҥгов, ¹⁷а ки ули кудо прясо, — илязо валг эсь кудостонзо мезень-гак сайме; ¹⁸ки ули паксясо, [ 68 ]илязо велявт мекев эсь одюжанзо сайме. ¹⁹Апаро сеть читьнестэ пешксесэтьненень да потесэ потявтыцятнэнень. ²⁰Ознодо, илязо са оргодьмаҥк теле шкане или суббота чине. ²¹Ведь сестэ ули истямо покш ризкс, кодамо арасель васень пиҥгстэнть саезь, те шкасьтень, да а ули-як. ²²Сеть читьне авольть машт-как, ве ломань-гак аволь ванстовт. Кочксезетнень кис ансяк сеть читне маштыть. ²³Сестэ ки мериньдеряй теҥк: вана тесэ Христозось, или тосо, — илядо кемть: ²⁴сыть маньчиця христост да маньчиця пророкт, да ломатьнень манямонь кис, а ладс сыньдеряй, кочксезетнень-гак (манямонь кис) невтить покшт чудат, тамашат. ²⁵Вана Мон икелев ёвтынь теҥк. ²⁶Ино, мериньдеряйть теҥк: вана Сон чаво паксясо — илядо листь; вана Сон салава таркасо — илядо кемть.

²⁷Кода ёндолсь лиси чинь стямо ёндо да неяви чинь валгума ёно мик, истя ули Ломанень Цёранть самозо-як. ²⁸Косо каязь ули кулозень киське, сезэ промить орёлт. ²⁹Не ризнэме читьнеде мейле сеск чись чопулгады, ковсь-как а невтьсазо эсь валдонзо, тештне-як прыть менельстэ, менелень війтьне-як чаразевить. ³⁰Сестэ Ломанень Цёрасьть содавксозо неявмо карми менель лаҥгсо: се шкане весе мастор лаҥгсо эрицятне аварьгадыть, да нейсызь менелень пель лаҥгсо покш вій да покш слава марто сыця Ломанень Цёранть. ³¹Сон кучсыньзе эсь ангелэнзэ трубань покш вайгель марто, да пурнасызь Сонзэ кочксезетьнень вармань ниле ёндо, менелень ве пестэ (саезь) омбоце пес. ³²Смоковниця лаҥгс ванозь чаркодеде ёвтамостень: [ 69 ]знярдо сонзэ тарад пензэ чефтемить да кармить лопань нолдамо, содадо — маласо кизэсь. ³³Истя тынь-гак, знярдо нень весемень нейсыҥк, содадо, — маласо (шкась), кеҥкш вакснэ.

³⁴Видестэ кортан теҥк: те родсь-как маштомо а кенери, кода весе неть топодить. ³⁵Менельсь да масторось маштыть, а Монь валон апак топодть а кадовить.

³⁶Се чиденть да частонть кі-як а соды, менелень ангелтнэ-як, ансяк Монь Тетям ськамонзо. ³⁷Кода ульнесь Ноень пиҥгстэ, истя ули Ломанень Цёранть самсто-як. ³⁸Кода масторсть ведьсэ саймеде икеле, Ноень ковчегс совамо чистень пачкодьмес, ярцасть, симсть, урьвакслесть да мирьденень тукшность, ³⁹эсть арсекшнэ се шкас, знярдо сась ведьсь да весемень ёмавтынзе. Истя ули Ломанень Цёранть самсто-як. ⁴⁰Сестэ улиньдеряйть кавто (ломать) паксясо, вейкесь саезь ули, а омбоцесь кадозь, ⁴¹кевсэ яжавтыцят кавто аватьнень эйстэ вейкесь саезь ули, омбоцесь кадозь.

⁴²Тень кувалма ванстозь аштеде: а содасыҥк, кона частонть сы Пазоҥк. ⁴³Тень ведь содасыҥк, содаволь-гак кудо азорось, кона шкане сы тензэ салыця, аволь удок-бу, да авольсе нолдак-бу кудо-алксонзо чувмо. ⁴⁴Тень кувалма, тынь-гак уледе анокт: кона шкане а арситядо, — Ломанень Цёрась сы. ⁴⁵Кона важось виде да превей, конатань азорозо путызе весе урензэ^[1] лаҥгс покшокс, шкастонзо тенст кшень максомо? ⁴⁶Таланов се важось, [ 70 ]конатань азорозо, мурдазь, муйсазо истя тейместэ. ⁴⁷Видестэ кортан теҥк: сонзэ весе ули паронзо лаҥгс покшокс путсазо. ⁴⁸Мериньдеряй, апаро улезь, важось эсь пачканзо азором курок а сы, ⁴⁹да карми важотнень чавмо, да симиця ломань маро симме, ярцамо. ⁵⁰Сы се важонть азорозо се чистэнть, конасто а учи, се частонть, конасто а арси, ⁵¹да керясазо сонзэ шачк да каясазо аволь видеть ломатьне марто ве таркас. Тосо ули (тензэ) аварьдема да пеень чикордомо.

↑ работникензэ.

Глава 25.

¹Сестэ менелень инязорокс чись кемень тейтерь ёнов, мольме карми, конатне саизь эсь светильникест да листь содамонь каршо. ²Сынст ютксто вететьне ульнесть превейть, а вететьне превтеметь. ³Превтеметьне, светильникест саезь, эзть сайть марост ой. ⁴А превейтьне светильникест маро сайсть кедьгесэст ой-гак. ⁵Содамосьть куроксто апак савт, сынь весе нувазевсть да матедевсть. ⁶Пеле ве шкане вальгей марявсь: вана содамось сы, лиседе каршозонзо. ⁷Сестэ стясть весе сеть тейтертьне да витизь эсь светильникест. ⁸Превтеметьне превейтьненень мерьсть: максодо миненек эсь ойдеҥк, — минек светильникенек мадить. ⁹Превейтьне мерьсть каршост: кода-бу минене-как, да тынеҥ-как асатмо аволь уль, азьдо лучи микшницянень да рамадо эстеҥк. ¹⁰Кода сынь тусть рамамо, сась содамось; анокнэ совасть маронзо свадьбастень да кеҥкшнэ пекставсть. ¹¹Мейле састь ліят тейтертьне-як да мерить: Господи, Господи! панжт тенек: [ 71 ] ¹²А Сон мерьсь каршост: видестэ мерян теҥк: асодатадызь тыҥк. ¹³Ино ванцтозь аштеде, — ведь а содасыҥк а чинть, а часонть, конайстэ сы Ломанень Цёрась.

¹⁴Ведь сон истя теи, кода ве ломань лія масторов туйместэнзэ терьдинзе эсь важонзо, да максызе тенст эсь ули парозо. ¹⁵Конанень максь вете талант, конанень кавто, конанень вейке, эрь вейкенень віензэ коряс, да сеск тусь. ¹⁶Кона сайсь вете талант, молезь, нолдынзе сынст тевс, да ліят вете талант, молезь, нолдынзе сынст тевс, да ліят вете талант лаҥгозост мусь. ¹⁷Истя жо кавтонь саицясь-как мусь ліят кавто. ¹⁸А кона сайсь вейке, молезь, калмизе сонзэ модас, да кекшизе азоронзо сіязо. ¹⁹Ламо шкань ютазь, сась сеть важотьнень азорост, да кармась кедьстэст отчётонь кевстлеме. ²⁰Вете талантонь саицясь, сазь, кандьсь ліят вете талант да мери: азором, тон монень вете талант максыть, вана мон ліят вете талант муинь лаҥгозост. ²¹Азорозо мерьсь тензэ: моли, паро да виде важом: аламо лаҥгсо виде улить, ламо лаҥгс путтан; эрьгелек азорот марто вейсэ. ²²Мольсь истяжо кавто талантонь саицясь-как да мерьсь: азором, тон монень кавто талант максыть, вана мон ліят кавто талант муинь лаҥгозост. ²³Азорось мерьсь тензэ: моли, паро да виде важом: аламо лаҥгсо виде улить, ламо лаҥгс путтан; эрьгелек азорот маро вейсэ. ²⁴Мольсь ве талантонь саицясь-как да мерьсь: азором, мон содылія тонть калгодо чить: тон нуят, — козо эзить видть, пурнат, — козо эзить певерть, ²⁵тень кувалма мон пелезевинь да, туезь, кекшія модас тонть талантот. Вана, саик [ 72 ]тонситьсенть. ²⁶Азорозо мерьсь каршозонзо: эх апаро да нузякс важо, тон содыть, — мон нуян — козо эзинь видть, пурнан — козо эзинь певерть; ²⁷тень кувалма эряволь бу тенть максомс монь сіям торговицятьненень. Сазь, мон саевлія бу монсиньзенть лездавкс маро. ²⁸Саиҥк кедьстэнзэ талансть да максыҥк сенень, конань кемень талантонзо. ²⁹Ведь кинь ули, сенень максозь ули да ламолгавтозь; а кинь арась, сень кедьстэ мезезэ, арсимань коряс, ули, се-як нельгезь ули. ³⁰А те а маштовиця важонть каиҥк ушонь чопуда таркас. Тосо ули аварьдима да пеень чикордома. Нень ёвтазь, серьгедсь: кинь улить марямс пилензэ — марязо.

³¹Знярдо сы Ломанень Цёрась эсь славасонзо да весе святойть ангелтнэ-як маронзо, сестэ озы Сон эсь славанзо престол лаҥгс. ³²Сонзэ икелев пурнавить весе ломатьне. Сон явсынзе сынст вейкест-вейкест эйстэ, кода пастух явны реветь сеятьнень^[1] эздэ. ³³Да аравсыньзе реветьненьвить кедь пелензэ, а сеятьнень керч пелензэ. ³⁴Сестэ мери инязорось вить кедь пелетьнень: садо Тетянь баславазетне да совадо масторонть тейме шкастонть теҥк анокстазь инязорокс чистень: ³⁵Мон вачо ульнинь, тынь максыде тень ярцамс; Мон симем сакшнось, тынь Монь симдимизь; ят масторга якинь, тынь Монь совавтлимизь; ³⁶штапо ульнинь, тынь Монь оршимизь; сэрединь, тынь Монь вачлимизь; тюрьмасо ульнинь, тынь Монень сакшныде. ³⁷Сестэ праведнойтьне мерить каршонзо: Господи, знярдо [ 73 ]Тонть неидизь вачосто, да андыдизь? или симень самсто, да симдидизь? ³⁸Знярдо Тонть неидизь ят масторга якамсто, да совавтыдизь, или штапосто, да оршидизь? ³⁹Знярдо Тонть неидизь сэредьместэ или тюрьмасто, да сакшнынек тенть? ⁴⁰Инязорось мери каршост: видестэ мерян теҥк: мезе тынь теиде вейкенень Монь не вишка братнэнь эйстэ, сень Монень теиҥк. ⁴¹Сестэ мери керч пельцетненень-гак: туеде Мон вакстон, сюдовтнэ, амадиця толстень, кона анокстазь діаволстень да сонзэ ангелтнэнень. ⁴²Мон вачо ульнинь, тынь Монень ярцамс эзьде макст; симем сакшнось, тынь Монь эзимизь симть; ⁴³ят масторга якинь, Монь эзимизь совавт; штапо ульнинь, Монь эзимизь оршак; сэрединь, да тюрьмасо аштинь, Монь эзимизь вачак. ⁴⁴Сестэ мерить каршонзо сетьне-як: Господи, знярдо Тонть неидизь пекень вачозь, или симень сазь, или ят масторга якамсто, или штапосто, или сэредьместэ, или тюрьмасо аштемстэ, да мельгат эзинек яка? ⁴⁵Сестэ мери каршост: видестэ мерян теҥк: тынь вейкенень-гак Монь не вишкинетьнень эйстэ истя эзиде тейть, секе Монень-гак эзиде тейть. ⁴⁶Туить мейле неть пиҥгень-пиҥгс майсимастень, а праведнойтьне пиҥгень-пиҥгс эрямостень.

↑ кацягатьнень.

Глава 26.

¹Кода прядынзе Іисус весе не валтнэнь, мерьсь эсь тонавтлицянстэнь: ²Содатадо, кавто чинь трокс инечи ули да Ломанень Цёрась максозь ули крёст лаҥгс чавмокс. ³Сестэ пурнавсть архіерейтьне, [ 74 ]книжникне да атя ломатьне Каіафа лемсэ архіереень кардайс, ⁴да арсесть Іисусонь манязь саймензэ да маштомонзо. ⁵Сынь кортасьть: аньсяк аволь празднек чине: народст аволь кепететь-бу.

⁶Кода Іисус ульнесь Вифаніясо, прокаженной Симононь кудосо, ⁷мольсь ваксозонзо ве ава, да кандсь алавастрань кедьгесэ питьнев ой, да Іисусонь ярцамо шкане, валнось ойсэнть Сонзэ прянзо лаҥгс. ⁸Тень неезь, тонавтлицянзо мельс апаро саинзе, да кортасть: мезекс те ёмавтумась? ⁹Те оесь маштоволь міемс покш питьнеде, да (ярмакнэ) явшемс нищейнень. ¹⁰Теде содазь, Іисус мерьсь тенст: мейсь тынь аванть мелензэ эснэ синтритядо? Сон паро тев тейсь Монень: ¹¹нищейтне яла тыҥк маро, а Мон аволь яла. ¹²Те оенть Монь киськем лаҥгс валозь, сон Монь калмамс анокстымем. ¹³Видестэ мерян теҥк: косо ёвтнезь а ули те евангеліясь, весе мастортнэнь лаҥгсо, те (аванть) лемензэ кундамонь кис, ёвтазь ули, мезе сон тейсь. ¹⁴Сестэ кемгавтотьнень ютксто вейкесь, конадо мерильть Іуда Искаріот, мольсь архіерейтьненень, ¹⁵да мерьсь: зняро мелеҥк монень максомс, — мон Сонзэ максса теҥк? Сынь тензэ путсть колонькемень сребренникть. ¹⁶Теде мейле сон кармась вешнеме паро шка, кода бу Сонзэ максомс. ¹⁷Ламбамо кшень (праздниксть) васенце чистэньть мольсть Іисусонь вакс тонавтницянзо да мерьсть Тензэ: козо мерят, — минь анокстатанок Тенть ярцамс Пасха? ¹⁸Сон мерьсь: моледе сенень, ошос, да мереде тензэ: Тонавтыцясь корты: шкам Монь малав сась, тонть кедьсэ тонавтницян маро теян Пасха. ¹⁹ [ 75 ]Тонавтницятне тейсть, кода тенст мерьсь Іисус, да анокстасть Пасха. ²⁰Чокшнэнь сазь, Сон озась столь экшес кемгавтово тонавтницянзо маро. ²¹Ярцамстост мерьсь тенст: видестэ мерян теҥк: вейкесь тыҥк ютксто Монь макссамам. ²²Тонавтницянзо покш ризксэс празь, кармасть вейкест-вейкест мельга кортамо: аволь мон-ли, Господи? ²³Сон мерьсь каршост: кона кедезэ Монь маро вейсэ ваканс павизе, се Монь макссамам. ²⁴Хоть Ломанень Цёрась моли, кода эстэдензэ сёрмадозь, апаро ансяк се ломаньстень, конань пельде Ломанень Цёрась максозь ули. Седе паро улевель а шачомс-как се ломаньстень. ²⁵Сонзэ максыця Іудась-как мерьсь каршонзо: аволь мон-ли Тонавтыця? Іисус мерьсь тензэ: тон ёвтыть. ²⁶Сынст ярцамо шкане сайсь Іисус кше, баславизе, синтризе да, тонавтницянзо лаҥга явшемстэ, мерьсь: саиҥк да ярцадо: те Монь киськем. ²⁷Мейле, ваканонь саезь, да Пазостень пасибань ёвтазь, максызе тенст да мерьсь: весе теде симеде: ²⁸те Монь од закононь верем, кона пежетень кадмонь кис, ламонь кис валозь ули. ²⁹Мерян теҥк: те шкадонть мейле а карман симме те виноградонь винадонть се чисть самс, знярдо карман мартоҥк симме од винадо Тетянь инязорокс чисэ. ³⁰Мейле моравтсть да тусть Елеонской пандо лаҥгс. ³¹Сестэ мерьсь тенст Іисус: тынь весе те вестэнть Монь кувалма манявдадо: ведь сёрмадозь: машца ваныцянть да срадыть стадань реветьне. ³²Вельмемедень мейле Мон тыҥк васттадызь Галилеясо. ³³Каршонзо Петр мерьсь: хоть весе манявить кувалмат, мон [ 76 ]знярдо-як а маняван. ³⁴Іисус мерьсь тензэ: видестэ мерян тенть: те вестэнть, атякш морамо-як а кенери, (кода) тон колмсть Моньдедень сёпат. ³⁵Мери Тензэ Петр: хоть куломс тень савозо Тонть марто, а сёпан эстэдэть. Истя-жо кортасть весе тонавтницятне-як. ³⁶Сестэ Іисус сась марост Геѳсиманія лемсэ таркас, да мери тонавтницянстэнь: аштеде тесэ, знярс Мон молян да ознан тосо. ³⁷Мартонзо саинзе Петрань да кавонест Зеведеень цёратнень да кармась ризнэме да мелявтомо. ³⁸Сестэ мерьсь тенст Іисус: куломозон оймем ризны: аштеде тесэ Монь марто, илядо удо. ³⁹Сонсь аламодо ве ёнов туезь, прась чаманзо лаҥгс, да ознозь кортась: Тетяй, можна улиндеряй, ютазо те чашась^[1] Монь вакска; аньсяк улезэ, аволь кода Монь мелем, кода Тонть. ⁴⁰Тонавтлицянзо вакс сазь, муинзе сынст удомсто, да мери Петранень: истя-ли тынь Монь марто ве час-как апак удок эзьде аштевть? ⁴¹Илядо удо, ознодо, — аволеде маняв-бу: ведь оймесь кеме, а киськесь лавчо. ⁴²Таго, омбоцеде туезь, ознось, мерезь: Тетяй, апак симть те чашась Монь вакска ютавтомс а маштови-деряй, улезэ Тоньсить олясь. ⁴³Сазь, муинзе сынст таго удомсто: сынст сельмест ведь сталгадозь ульнесть. ⁴⁴Сынст кадозь, таго тусь, да секе валтнэнь ёвтазь, колмоцеде ознось. ⁴⁵Сестэ сась тонавтлицянзо вакс да мери тенст: тынь ощо яла удутадо да оймситядо; вана малав пачкодьсь часось, и Ломанень Цёрась максозь ули пежетевень кедьс. ⁴⁶Стядо, туйдянок: [ 77 ]вана малав пачкодьсь Монь максыцясь. ⁴⁷Сонзэ кортамо шкастонть-как сась вана, Іуда, кемгавтовотнень ютксто вейкесь да маронзо (састь) архіерейтьнень да атятьнень пельде ламо ломать сабля да колія маро. ⁴⁸Сонзэ максыцясь марост валдо путьсь, мерезь: конань мон паласа, се Сон, саиҥк Сонзэ. ⁴⁹Да сеск, Іисус вакс молезь, мерьсь: Эрьгедть, Тонавтыця! да палызе Сонзэ. ⁵⁰Іисус мерьсь тензэ: ялгай, секс-ли тон тезэ сыть? Се шканеньть (ліятьне), Іисус вакс молезь, путызь лаҥгозонзо кедест да саизь Сонзэ. ⁵¹Вана Іисус маро улезетьнень ютксто, вейкесь, кедезэ вентезь, таргизе пеельзэ да, архіереень важонть вачкодезь, керизе сонзэ пилезэ. ⁵²Сестэ Іисус мерьсь тензэ: путык пеелеть тарказонзо: весе пеелень саицятьне пеельде ёмить. ⁵³Или тон арсят, Монь Тетям ней а инялдови Тень, да Сон а кучи Тень кемгавтово легеондо^[2] ламо ангелт? ⁵⁴Кода ино топодить Писаніясо истя ульмадонть сёрмадозетьне. ⁵⁵Се частонть Іисус мерьсь ломатьненень: Монь саймень тынь разбойник лаҥгс прок лисиде сабля да колія маро; эрьва чистэ Мон мартоҥк озадо аштинь церькувасо эснэҥк тонавтозь, а тынь Монь эзимизь сайть. ⁵⁶Те весе истя ульсь пророкнэнь сёрмадовксость топодьмань кис. Сестэ весе тонавтницянзо, Сонзэ кадозь, оргодсть.

⁵⁷Салдатнэ, Іисусонь саезь, ветизь Каіафа архіерейнень, козо пурнавсть книжникне да атятьне. ⁵⁸Петр ве ёно мольсь мельганзо архіереень [ 78 ]кардазостень пачкодьмес, да пенть неймань кис совась (кардаз) потмостень да озась важотьне маро. ⁵⁹Архіерейтьне, атятьне, да весе промксось-как Іисусонь маштомонзо кис вешнесть лаҥгозонзо кенгелезь ёвтыцят,^[3] ⁶⁰да эсть мукшно. Хоть ламо сакшность кенгелезь ёвтыцят да (чумо) эсть муйть. Меельсь пелев састь кавто кенгелезь ёвтыцят ⁶¹да мерьсть: Сон кортась: Монень Пазонь церкувась калавтови, да колмо чис мекев тееви. ⁶²(Теде мейле) Архіерейсь, стязь, мерьсь Тензэ: мейсь мезе-як каршост а мерят, мезть сынь Тонть лаҥгс невтить? ⁶³Іисус чатьменсь. Архіерейсь мерьсь Тензэ: Эри Пазонть лемензэ кундазь, кевсттян: ёвтак тенек: Тон-ли Пазонь Цёра Христозось? ⁶⁴Іисус мерьсь тензэ: тон (видестэ) мерить; Мон оштё теҥгк мерян: те шкадонть мейле тынь нейсыҥк Ломанень Цёранть (менелень) війтнень вить пеле озадо аштемеде, да менелень пельтне лаҥгсо самодо. ⁶⁵Сестэ архіерейсь сезьниньзе эсь (лаҥгсонзо) одижанзо да мерьсь: Сон Пазонть эснэ сялды^[4], мезекс тенек оштё невтицят ломатьне? вана тынсь ней мариҥк Сонзэ Пазонть сялдумазо. ⁶⁶Кода теҥк маряви? Сынь мерьсть каршонзо: Сон ашти куловтомс. ⁶⁷Сестэ сельгенесть чамазонзо, да эшкенесть эснэнзэ пря лаҥга, а ліятне вачколесть щёка лаҥга, ⁶⁸да кортасть: ёвтык тенек, Христос, ки Тонть эшкиньзеть? ⁶⁹Петр аштесь ушосо, кардайсэ; мольсь ваксозонзо ве важо-ава, да мерьсь: тон-гак [ 79 ]ульнить Галилейской Іисус марто. ⁷⁰Сон весемень икеле сёпсь, мерезь: аздан, мезть тон кортат. ⁷¹Орта^[5] ушов лисьместэ неизе сонзэ ліята, да мерьсь тосо аштицятьненень: те-як ульнесь Назореень Іисус марто. ⁷²Сон таго, божазь, сёпсь, што а содасазо те ломансть. ⁷³Аламо шкань ютазь, мольсть малазонзо тосо аштицятьне да мерьсть Петранень: алкукс тон-гак сынст эйстэ: кортавтот невти эснэть. ⁷⁴Сестэ кармась сон божамо да сёпомо; мон аздаса те ломансть. Сеск кармась морамо атякш. ⁷⁵Ледьсь Петрань мельс Іисусонь ёвтазь валсь: атякш морамо-як а кенери, тон колмсть Моньдедень сёпат, да ушов лисезь, кармась раҥгазь аварьдеме.

↑ Майсиматьне; пищевтиматьне.
↑ Легеонсонть 10 тыстят.
↑ Свидѣтельть.
↑ Пазонть лаҥгсо пееди.
↑ кеҥкш.

Глава 27.

¹Валскень сазь, весе архіерейтьне да народонь атятьне, вейс пурнавозь, арсесть Іисус лаҥга, кода Сонзэ маштомс. ²Сюлмсезь ветизь Сонзэ да максызь Понтійской Пилат прявтостень.

³Сестэ Сонзэ максыця Іудась, кода Сонзэ судямонть неизе, яҥксезь кандынзе архіерейтьненень да атятьненень колоньгемень сребренникнень ⁴да мерьсь: мон, чумовтомо веренть максозь, совинь пежетс. Сынь мерьсть: миненек мезе — тонсь ванок. ⁵Сребренникнень церкувастень каязь, сон лись, да, молезь, прянзо повизе. ⁶Архіерейтьне, сребренникнень саезь, мерьсть: а маштови сынст церькувань ярмак юткс путомс, — сынь верень питне. ⁷Вейсэ арсезь, рамасть сынст лаҥгс шакшонь тейницянь [ 80 ]кедьстэ ят ломанень калмсемс мода. ⁸Тень кувалма се модастень те чис мерить: верень мода. ⁹Сестэ топодьсь Іеремія пророконь трокс ёвтазесь, кона кортась: сайсть колоньгемень сребренник, путозь питьне, конань путызь Израилень Цёратне ¹⁰да максызь сынст шакшонь тейницянь модань кис, кода мерьсь монень Пазось. ¹¹Іисус арась прявтонть икелев; прявтось кевстизе Сонзэ, мерезь: Тон-ли Іудейтьнень Инязорост? Іисус мерьсь тензэ: тон (видестэ) кортат. ¹²Кода Эснэнзэ чумондсть архіерейтьне да атятне, Сон мезсть-как каршост эзь корта. ¹³Сестэ мерьсь Тензэ Пилат: а марят ара, зняро лаҥгозот невтить? ¹⁴Іисус ве валонзо лаҥгс-как эзь отвечак, прявтось пек дивась натой. ¹⁵Прявтонть ульнесь коезэ: эрьва инечинень пекстазетьнень ютксто вейкень оляс нолдылизе, конань народсьть мельзэль. ¹⁶Се шкане ульнесь кшнис путозь Варавва лемсэ (ломань), конань весе содылизь. ¹⁷Кода сынь весе пурнавсть, Пилат мерьсь тенст: кинь мелеҥк, мон нолдаса теҥк? Вараввань или Іисусонь, конадо мерить Христос? ¹⁸Сон ведь содась, што Сонзэ максызь тензэ анеймань кувалма. ¹⁹Сонзэ судямо таркасо озадо аштемстэ, кучсь тензэ низэ ёвтамо, мерезь: мезе-як иля тей те чумовтомо ломаньстень: мон течи онснэнь ламо майсинь Сонзэ кис. ²⁰Архіерейтьне да атятьне кортызь народсть Вараввань вешемс, а Іисусонь маштомс. ²¹Сестэ прявтось кевстинзе сынст: кавтост ютксто конань мерьдядо нолдамс теҥк? Сынь мерьсть Вараввань. ²²Пилатсь мери тенст: мезе ино теемс тень Іисусостень, конадо мерить Христос? Сынь весе мерьсть [ 81 ]тензэ: эсксэ чавозь улезэ. ²³Прявтось мерьсь: мезень берянсть Сон тейсь? А сынь седе-як пек сеересть: эсксэ чавозь улезэ. ²⁴Ваны Пилат, мезе-як а тееви, ансяк седе-як ломатьне трававить, сайсь ведь, да народсть икеле шлинзе кедензэ, мерезь: мон а чумоян те чумовтомо ломансть верьсэнзэ, тынсь ванодо. ²⁵Каршонзо весе народсь мерьсь: Сонзэ верьзэ минек да минек эйкакшонок лаҥгсо (улезэ). ²⁶Сестэ нолдызе тенст Вараввань, а Іисусонь, чавозь, максызе тенст эсксэ чавомс.

²⁷Сестэ прявтонть салдатнэ саизь Іисусонь судямо таркастень да пурнызь ваксозонзо весе салдатнэнь. ²⁸Одижанзо каязь, оршавсть лаҥгозонзо якстере одижат, ²⁹прязонзо путьсть пупиця чувто тарадсто теезь венець, вить кедезэнзэ максть палка, да икелензэ кумажа лаҥгс пульзязь, пеелесть лаҥгсонзо, мерезь: эрьгелек, Іудеень Инязоро. ³⁰Лангозонзо сельгезь сайнизь (кедьстэнзэ) палканть да чавсть Эснэнзэ пря лаҥга. ³¹Кода лаҥгсонзо пеелезь пешкедьсть, каизь лаҥгстонзо якстере одижанть, да оршавтызь эсь одижанзо, да саизь крёст лаҥгс чавмо. ³²Лисьместэ сынь каршо вастасть Симон лемсэ Киринеянь ломань, да кармавтызь сонзэ Іисусонь крёстонть кандомо.

³³Голгоѳа лемсэ таркас сазь, конадо ліякс мерить Коня тарка, ³⁴максть Тензэ симемс сэпе маро човорязь уксус; Сон вачизе, да эзь симть эстэдензэ. ³⁵Крёст лаҥгс чавицянзо, жеребейсэ каязь, явшизь Сонзэ одижанзо, ³⁶да озадо аштезь, вансть Эснэнзэ тосо. ³⁷Прянзо вельксэс путсьсть сёрма, [ 82 ]конайсэ сёрмадозель Сонзэ чумозо: те Іисус, Іудеень Инязоро. ³⁸Сестэ крёст лаҥгс чавсть мартонзо кавто разбойникть: вейкень вить пелензэ, омбоцень — керч пелензэ. ³⁹Вакска ютыцятнэ, пряст чаравтозь, пеелесть лаҥгсонзо, ⁴⁰мерезь: Пазонь церькуванть калавтыця да колмо чис мекев теиця, идик эсь прят. Улиньдерят Пазонь Цёра, валг крёстонть лаҥгсто. ⁴¹Истя жо архіерейтне-як, книжникнень да атятьнень маро (пеелезь) кортасть: ⁴²ліятнень идекшнэсь, а Эсь прянзо Тензэ а идеви. Улиньдеряй Израилень инязоро, кадык ней валги крёстонть лаҥгсто, (сестэ) минь кемдянок Тензэ. ⁴³Паз лаҥгс кемсь; улиньдеряй Тензэ мельс туезь, кадык ней идисазо. Сон ведь кортакшнось: Мон Пазонь Цёраян. ⁴⁴Истя жо маронзо крёст лаҥгс чавозь разбойникне-як пеедсть лаҥгсонзо. ⁴⁵Котоце частто вейксэце часос весе масторонть лаҥгсо чопуда теевкшнэсь. ⁴⁶Вейксэшка часонь шкастонть серьгедсь Іисус покш вайгельсэ: Илѝ, Илѝ, лима̀ савахѳанѝ? Кона ули: Пазом, Пазом, мейсь Монь кадымек? ⁴⁷Конат-конат сесэ аштицятьнень ютксто, тень марязь, кортасть: Сон Иліянь эснэ терьди. ⁴⁸Вейкесь эстэдест сеск чійсь да сайсь губка, пештизе сонзэ уксуздо, да палкас пезнавтозь, максь Тензэ симмекс. ⁴⁹А ліятне кортасть: кадык вансынек, сы ли Илія идемензэ. ⁵⁰А Іисус таго покш вальгейсэ пижакадозь, нолдызе оймензэ. ⁵¹Вана церькуванть занавесэсь, верьде саезь алов, кавтов сезевсь, масторсь-как соракадсь, кевтне-як лазновсть, ⁵²калмотне-як панжовсть, да ламо святой ломанень кулозь телатне вельместь. ⁵³Сынь, [ 83 ]калмотнестэ лисезь, Сонзэ вельмимадонзо мейле, совасть святой ошостень, да ламонень пряст невтнесть. ⁵⁴Сотниксь да конат мартонзо вансть Іисусонь, масторонть сорноманзо да весемень, мезе тосо ульнесь, неезь, пек тандадсть да кортасть: алкукс те Пазонь Цёра ульнесь. ⁵⁵Тосо ульнесть истяжо ламо васолдо ваныцят ават-как, конат Іисус мельга, Тензэ пособлязь, састь Галилеясто. ⁵⁶Сынст ютксо ульнесть: Марія Магдалина, да Марія Іаков маро Іосіянь аваст, да Зеведеень цёратнень аваст. ⁵⁷Кода чизэ чопотьсь, сась Аримаѳеясто Іосиф лемсэ сюпав ломань, кона сонсь-как Іисусонь тонавтниця ульнесь. ⁵⁸Сон, Пилатнэнь молезь, вейш Іисусонь теласонзо. Сестэ Пилат мерьсь теланть максомодо. ⁵⁹Теланть саезь, Іосиф тапаризе сонзэ ванькс коцнэ ⁶⁰да путызе эсь од калмозонзо, конань чувокшнызе кев пандос. Калмостень совамо таркастень сявордась покш кев да тусь. ⁶¹Сесэ ульнесть: Марія Магдалина да лія Маріясь-как, конат калмонть каршо аштесть озадо.

⁶²Пецядо мейле омбоце чистэнть промсть архіерейтьне да фарисейтьне Пилатнэнь, ⁶³да мерить тензэ: Прявт, минек мелезэнек ледьсь: те манчицясь, жив пиҥгстэнзэ оштё, мерьсь: колмо чиде мейле Мон вельман. ⁶⁴Тень кувалма тон кармавт колмо чинь ютамс калмонть ванстомо: ата тонавтницянзо, веть сазь, аволезь салак-бу Сонзэ, да авольть мерь-бу ломатьненень: кулозьде вельмесь, сестэ меельсь манямось васеньцеденть-как берянь ули. ⁶⁵Пилат мерьсь тенст: тыҥк улить ванстыцяҥк, азьдо ванстодо, кода машттадо. ⁶⁶Сынь, молезь, [ 84 ]калмонть лаҥгсо кевсть печатызь, да путсть ванстыцят.

Глава 28.

¹Субутань ютазь, недля ютконь васеньце чистэнть, ашолгадмо шкане, састь калмонть ванмо Марія Магдалина да омбоце Маріясь-как. ²Вана, теевсь масторонть покш сорнума: Пазонь ангелсь, менельстэ валгозь, сась, сявордызе калмонть кеҥкш лаҥгсто кевсть, да, озазь, аштесь лаҥгсонзо. ³Шачозо сонзэ ёндолонь коньдямоль, одижанзо ловонь коньдят ашотольть. ⁴Сондедензэ тандадозь, ванстыцятне соракадьсть да кулозекс теевсть. ⁵Ангелсь аватьненень мерьсь: илядо пельть: мон содаса, — тынь крёст лаҥгс чавозь Іисусонть вешнитядо. ⁶Сон арась тесэ: Сон вельмесь, кода кортась. Садо ваныҥк таркасть, косо Пазось мадезель ⁷да азьдо седе курок Сонзэ вельмимадонзо ёвтадо тонавтницянстэнь; Сон тыҥк васстадызь Галилеясо, тосо Сонзэ нейсыҥк. Вана мон ёвтынь теҥк. ⁸Сынь капшазь листь калмостонть, да пелезь да пек эрьгедезь тусть чіезь тонавтницянстэнь ёвтамо. ⁹Вана сынст тонавтницянстэнь ёвтамо мольместэ, вастыньзе Іисусось да мерьсь: эрьгедеде. Сынь, малазонзо молезь, кундасть пильгезэнзэ да сюкунясть Тензэ. ¹⁰Сестэ Іисус мерьсь тенст: илядо пельть; азёдо ёвтадо Монь братнэнень, молест Галилеяс, тосо сынь Монь нейсамизь. ¹¹Сынст мольма шкане конат-конат (калмонть) ванстыцятнень эйстэ, ошосьтень совазь, ёвтлесть архіерейтьненень весемеде, мезе ульнесь. ¹²Сетьне, атятьне марто [ 85 ]пурнавозь да вейсэ арсезь, максть ванстыцятьненень ламо ярмакт, ¹³да мерьсть: ёвтадо, што веть минек удомсто, тонавтницянзо, сазь, салызь Сонзэ. ¹⁴Мариньдеряй теде прявтось, минь сонзэ кортасынек, да тыҥк мелявксос а нолдатадызь. ¹⁵Сынь, ярмакнэнь саезь, тейсть, кода тонавтозельть. Те валсь Іудейтьнень ютксо те шкас срадозь ашти.

¹⁶Кевійкее тонавтницятне тусть Галилеяс, пандо лаҥгс, козо тенст мерьсь мольмеде Іисус. ¹⁷Сонзэ неезь, сынь сюкунясть Тензэ, а конат-конат арсезевсть. ¹⁸Малазост молезь, Іисус мерьсь тенст: Монень максозь эрьва кодамо покш чи менельсть лаҥгсо, да масторсть лаҥгсо-як: ¹⁹азёдо тонавтыҥк весе ломатьнень, эснэст лемдезь: Тетянть, Цёранть, да Святой Духонть лемс. ²⁰Эснэст тонавтодо весемень кирьдеме, мезе Мон теҥк кармавтынь. Мон тыҥк марто улян весе читьнестэ, пиҥгенть маштомс. Аминь.

[1] Іоаннсь.

[2] Паксянь цирькут.

[3] Эзь ярсак.

[4] Простязь

[5] разводнойть.

[6] Пецькас.

[7] пророчинек.

[8] бѣсноватойть.

[9] нораст.

[10] Ассарія — кавто копейкат.

[11] ломань шумбралгавтомс.

[12] вал-велявкснэ.

[13] свѣтэсь.

[14] пецькас.

[15] Гостнень икеле визьксэс а совамонь кис.

[16] виденіе.

[1]

[2]

[1]

[1]

[2]

[1]

[1]

[1]

[2]

[1]

[1]

[1]

[2]

[3]

[1]

[2]

[1]

[2]

[3]

[1]

[2]

[3]

[4]

[5]

[1]

[2]

[3]

[4]

[1]

[1]

[2]

[3]

[4]

[1]

[1]

[1]

[2]

[3]

[4]

[5]