Священная история Ветхого завета (мокшень)/О/28
28. Моисейсь Фараонть инголе.
Кодак Моисейсь дъ Ааронсь састь Египту, эстокиге кочкасть Израилень атят дъ азондозь, мезь кортась теест Шкайсь. Няфтезь ся чудатнень, конатнень мярьгсь няфтемда Шкайсь; атятне верондасть.
Тяда меле Моисейсь дъ Ааронсь мольсть Фараонти дъ мярьгсть: Шкайсь мярьгсь мархтонок нолдамда Египетста Израильскяй народть. Фараонсь мярьгсь каршезост: мон аф содаса тинь Шкаентень, Израильскяй народтьке аф нолдаса. Эста Шкайсь нолдась Египетскяй масторть лангс кемень наказаният. Васенце наказаниясь: сембе Египетса ведсь арась вяркс, а кеменце наказаниясь вага кодамоль: Ангелсь сембя Египетскяй куттнень эса кулофтозень инголи шачф ломатнень. Тя наказанияда меле Фараонсь нолдазе Израильскяй народть.