Сщ҃е́нное є҆ѵⷢ҇лїе/Житїѐ ст҃а́гѡ є҆ѵⷢ҇лі́ста ма́рка

А҆́ще бꙋ́кви непра́вилнѣ зрѧ́тсѧ, грѧдѝ сѣ́мо, да грамматоси́ры є҆́млеши.

←Ѿ матѳе́а ст҃о́е бл҃говѣствова́нїе

Сщ҃е́нное є҆ѵⷢ҇лїе Житїѐ ст҃а́гѡ є҆ѵⷢ҇лі́ста ма́рка, ѿ ст҃а́гѡ і҆ерѡнѵ́ма. и҆́накѡ ѿ собра́нїѧ дѡроѳе́а, мꙋ́ченика и҆ тѵ́рскагѡ є҆пі́скопа

Е҆ѵⷢ҇лїе ѿ ма́рка→

This page contains Church Slavonic text. Without proper font support, you may see question marks, boxes, or other symbols instead of letters and diacritics. Click here to download required fonts.

Житїѐ ст҃а́гѡ є҆ѵⷢ҇лі́ста ма́рка,

ѿ ст҃а́гѡ і҆ерѡнѵ́ма.

Ма́рко, ᲂу҆чени́къ и҆ сказа́тель петро́въ, просѧ́щымъ сꙋ́щымъ въ ри́мѣ бра́тїѧмъ, є҆ѵⷢ҇лїе списа̀ вкра́тцѣ: є҆́же и҆ похвалѝ пе́тръ, и҆ це́ркви предадѐ, ꙗ҆́коже пи́шетъ кли́мъ въ шесто́мъ под̾изѡбраже́нїи. Помина́етъ сего̀ ма́рка и҆ папі́а, є҆пⷭ҇кпъ і҆ерапо́льскїй, и҆ ст҃ы́й пе́тръ въ концѣ̀ пе́рвагѡ посла́нїѧ, и҆́менемъ вавѷлѡ́на ри́мъ гада́тельствꙋетъ: цѣлꙋ́етъ [глаго́лѧ] вы̀ въ вавѷлѡ́нѣ соизбра̑ннаѧ, и҆ ма́рко сы́нъ мо́й. Взе́мъ ᲂу҆́бѡ спи́санное и҆́мъ є҆ѵⷢ҇лїе, во є҆гѵ́петъ ѿи́де: и҆ во а҆леѯандрі́и пе́рвый і҆и҃са хрⷭ҇та̀ проповѣ́давый, це́рковь та́мѡ собра̀, въ сїѐ ᲂу҆че́нїе же и҆ благоче́стїе и҆ воздержа́нїе превозше́дшꙋю, ꙗ҆́коже и҆ и҆ны́мъ хрїстїа́нѡмъ ревнова́ти. фїлѡ́нъ же, и҆́же і҆ꙋде́ѡвъ глаго́лати ѕѣ́льнѣйшїй, ви́дѣвъ во а҆леѯандрі́и пе́рвꙋю це́рковь є҆щѐ а҆́ки і҆ꙋде́йствꙋющꙋ, ꙗ҆́кѡ похвалѧ́ѧй є҆гѡ̀ ꙗ҆зы́къ, кни́гꙋ ѡ҆ возвраще́нїи а҆леѯа́ндрѧнъ писа̀. И҆ є҆́же пи́шетъ лꙋка̀, ꙗ҆́кѡ во і҆ерꙋсали́мѣ вѣ́рнїи, всѧ̑ ѻ҆́бща и҆мѧ́хꙋ: сїѐ и҆ ѻ҆́нъ а҆леѯа́ндрѧнѡмъ, ма́ркꙋ наꙋчи́вшꙋ, ѻ҆бы́чаи бы́ти глаго́летъ. Оу҆ме́рый въ лѣ́то нерѡ́ново ѻ҆смо́е, погребе́нъ бы́сть во а҆леѯандрі́и, а҆нїа́нꙋ прїе́млющꙋ.

И҆́накѡ ѿ собра́нїѧ дѡроѳе́а,
мꙋ́ченика и҆ тѵ́рскагѡ є҆пі́скопа.

Ма́рко є҆ѵⷢ҇лі́стъ, и҆ пе́рвый а҆леѯандрі́йскїй є҆пі́скопъ, а҆леѯа́ндрѧнѡмъ и҆ все́й ѻ҆кре́стной є҆ѧ̀ проповѣ́да є҆ѵⷢ҇лїе гдⷭ҇не, ѿ є҆гѵ́пта и҆ да́же до пентапо́лѧ. При ца́рствѣ траїа́новѣ, во а҆леѯандрі́и ᲂу҆́же прїе́мъ за вы́ю, и҆ влекі́йсѧ ѿ нарица́емыхъ вꙋко́ла мѣ́стъ, до нарица́емыхъ а҆́гг҃лѡвъ: та́мѡ сожже́нъ бы́сть ѻ҆гне́мъ ѿ і҆дѡлонеи́стовныхъ, мцⷭ҇а а҆прі́ллїа, и҆ та́мѡ погребе́нъ бы́сть въ сꙋ́щихъ вꙋко́ла.

This is a translation and has a separate copyright status from the original text. The license for the translation applies to this edition only.
Original:
Translation: