Сьӧла кыйӧм
Коркӧ ми Пилякӧд мунам арын, лэч кыям. Ӧти нӧрысысь сьӧла жбырӧбтіс. Матӧникӧ лэч дорӧ пуксис. Пиля кутіс чипсасьны. Сьӧлаыд бергалӧ, чипсӧ жӧ. Миянланьӧ лэбыштас. Ми коз улынӧсь. Миянӧс оз аддзы. Пыр матӧникӧ лэбыштӧ миянлань. Сэсся ий лэч сёр вылад пуксис. Видліс пелысьтӧ. Кутіс мӧдарас локны дай шеді лэчкад... Ме муні да мезді регыдджык. Керкаӧ мунтӧдз ме сійӧ вель дыр сэсся новлӧдлі киын.
Керкаӧ мунім да ме сійӧс нянь пыригӧн да, пелысьӧн да, пувйӧн да верда.
Ме эськӧ кӧсъя на вӧлі гортӧ лэччӧдны да, Пиля джагӧдіс, весь пӧ омӧльтчас.
|
This work was published before January 1, 1929, and is in the public domain worldwide because the author died at least 100 years ago. |