Фиййау (Гуырдзыбеты)

by Гуырдзыбеты Бласка

ФИЙЙАУ

Дæ хъалæн уай, фиййау, дæ тар изæри,
Хиццаг — дæ бони æрæгвæззæг...
Кæнис сæумæраги дæ зари сæри,
Дæ цард будури — бæрæг цæрдæг!

Фиййау! Мæнау мæнгæ хужи не 'мбуйи,
Мæнау, ушми мæти нæ мæлис:
Рæуæг и æнзтæ бæнттæбæл евгъуйи,
Царди хъалон цардæн нæ тæтис!

Хусгæй фудфуни адæ нæ лæдæри,
Нæ зонис дæ зæрдæй хъонччи марг, —
Исонмæ æнцон дæ кушти лæдæри...
Фиййау, хиццаг адгин æй дæ цард!

---