Чöскыд öмидз

Чöскыд öмидз — этö коми зыряналöн сьыланкыв.

Чöскыд öмидзсö быдöн вотö,
Шома ыжмансö некод оз.
Сöмын тэ вöсна сьöлöм потö,
Кытчö саялiн шондi моз.

Вала туй бокын пöлöзнича,
Лöзöн вöлi, а лоис блед.
Кодлы эськö тэ асьтö видзан,
Эз жö ылöдлы тэнö мед.

Ю дор пöлöнсö йиöн дорис,
Кöть и кöдзавлiс öти лун.
Паськыд кыдз улас эськö корин,
Да öд, буракö, ог нин мун.

Гöгöр еджыд, а синмöс сотö
Кынмöм пелысьлöн биа роз.
Чöскыд öмидзсö быдöн вотö,
Шома ыжмансö некод оз.