Эрзянь Мастор/2004/14/Пеедькшнемат

←Список адресатов для направления Обращения Совета Старейшин Эрзян (Эрзянь Атянь Эзем)

Эрзянь Мастор, № 14 (189), 30 июля 2004 редактор Нуянь Видяз, Кшуманцянь Пиргуж Пеедькшнемат

Прявтлопа→

Статья на сайте газеты: № 189, 30.07.2004, Пеедькшнемат

 

Пеедькшнемат

Эземсэ озадо ашти вете иесэ цёрынензэ марто ава.

— Содат, авай, мон урьвакстан Маша лангс…

— Пек паро, авазо каршо а карми?

— Дык кие тынк, аватнень, карми кевкстнеменк…

 

*  *  *

— Пиресэнк ули тандавкс (пугало)?

— Мезекс, мон монсь чинь-чоп эрсян кудосо

 

*  *  *

— Онодо, кода неень од ломантне оршннть, сехте пек тейтерькатне! Оно, мертяно, се: черензэ нурькинеть, теине понкссо... Бульчом, од цера, эли тейтерька? Эй, тейтересь кинь?

— Монь

— Истя мик? Тынь сонзэ тетястадо? Витькстан, теде эзинь сода…

— Мон аволь тетязан, авазан...

 

*  *  *

— Конань лангс урывакстан, ули мазыйгак, пек вадря азороваяк.

— Ней сеске кавто тейтерьава лангс а урьвакснить...

 

*  *  *

— Тетяй, пазавасонть атянть сакалозо пек кувака. Мекс снимавтомадо икеле нарамо эзь яка?

— Аздан, церай. Паряк ярмаконзо арасть.

 

*  *  *

Лейла марто Зейнеб лисить школасто урокто мейле. Лейла курго авти:

— Весемезэ вете част... Сынсь мерить, келя, шумбрачинтень эрявить сехте аламо кавксо.

 

*  *  *

— Джон, тон мекс исяк школав эзить сакшно?

— Тетянь марто скалонок буканень вециник.

— Нать тетятень эстензэ тевесь аволь тееве?

— Теевемс теевель ды, букась седее парсте.

 

*  *  *

— Джимми, а тон мекс кавто чить пецек араселить школасо?

— Исень чиде икеле, мисс Клэри, ведь байгес пракшнынь ды понксом начтынь, самс тень а мейсэль. Исяк самстон ванан — тынк понксонк коськеме понгавтозь. Тенян, мисс Кэри течи а сави школав, саинь ды кудов велявтынь.

 

*  *  *

Ломанесь сась командировкав, Ереванов, ваны ды мезеяк а чарькоди: армянтнэ промсть ошонть куншкас, сезнить черест, косо сынь ансяк касыть, ертнить эйсэст ве куцяс, сынсь киштить-морыть, зурнасо седить. Кевкстни, келя, мезест эзизь топавто!

— Понань заготовкань планонок топавттано, — мерить тензэ.

— Сестэ мекс эно кеняркшнетядо? Чей, мари...

— А тон азё, шабранок, грузинтнэнь лангс варштак. Сынь алонь заготовкань планост эзизь топавто!