Эрзянь Мастор/2006/01/Шумбрат, Финно-Угрия!
| ←О бедном учебнике вымолвим слово... | Эрзянь Мастор, № 1 (225), 13 января 2006 редактор Нуянь Видяз, Кшуманцянь Пиргуж Шумбрат, Финно-Угрия! |
Кулят→ |
| Статья на сайте газеты: № 225, 13.01.2006, Шумбрат, Финно-Угрия! |
| Шумбрат, Финно-Угрия! |
Истя лемдязель Самара ошонь раськень ояксчинь Кудосонть ютавтозь фестивалесь. Эйзэнзэ сакшность морамо-киштеме Исаклань, Шенталань, Челно-Вершинань, Похвистень, Краснояронь, Нефтегорск буетнестэ. Меельце кавто буетнестэ сакшность васенцеде.
Мордовиясто пачколесть морыцят "Келу" ансамблястонть — Макшева Галина ды Воронина Елена. Ульнесь делегациянть ютксо В. Гагарин, Вирь Тавла велестэ чувтонь керсицясь. Сон невтнесь Петр Рябовонь скульптуранзо.
Теезель ды ламонь мельс тусь книгань невтемась. Ютксост алтавкстнэ Артур Моронень, Михаил Боровнень, Серафима Люлякинанень ды лиятненень.
Штатолонь кирвазстемадо мейле лембе валт ёвтась Самара ёнксонь "Масторава" вейсэндявксонть прявтозо Любовь Колесникова. Инжетненень шумбрачинь арсемат ёвтасть поэтэсь Числав Журавлёв, "Масторавань" икелень прявтось В. М. Сульдин, ояксчинь Кудонь директорось Н. А. Никулина.
Парсте морасть-кишсть Шенталань буень "Чилисема", Красноярск буень "Оймине" ды Нефтегорск буень "Эрзяночка" ансамблятне. Парсте вастозельть Челно-Вершинань ды Похвистень буень киштицятне-морыцятне. Самара ошонь эрзянь аватне жойневтизь "Ой, Самара, вишка ош" моронть. Меельцекс ломантне стясть озамо таркастост ды морызь "Эрзянь гимнанть".
Вейсэ, эрзят, мазыйтне, |
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |