Эрзянь Мастор/2007/02/Доронин Александр Макаровичнэнь 60

←Прявтлопа

Эрзянь Мастор, № 2 (250), 25 января 2007 редактор Нуянь Видяз, Кшуманцянь Пиргуж Доронин Александр Макаровичнэнь 60

Садо, садо Раськень Озксов!→

Статья на сайте газеты: № 250, 25.01.2007, Доронин Александр Макаровичнэнь 60

 

Доронин Александр Макаровичнэнь 60

Якшамковонь 7-це чистэ топодсть содавикс поэтэнтень ды прозаикентень Доронин Александр Макаровичнень 60 иеть. Сы шкань сермадеесь чачсь Мордовия республикань П. Игнатонь буень Петровка велинесэ. Прядызе Ицялонь педучилищанть ды А. М. Горький лемсэ Литературань институтонть.

Важодсь комсомолонь райкомонь секретарекс, «Эрзянь правда» газетань корреспондентэкс, «Сятко» журналонь прявт-редакторокс. 2000 иестэ саезь Мордовия республикань сермадеень Сюлмавксонь прявт.

Доронин А.М. «Чачома ёнкс», «Од порань валдо», «Велев кись юты седейган», «Родословное дерево» стихень пусмонь, «Кинть ютасы молицясь» ды «Ялгадо вал» очеркень книгань, «Кочкодыкесь — пакся нармунь», «Баягань сулейть», «Кузьма Алексеев» романонь автор.

Стихензэ ды очеркензэ печатавсть «Наш современник», «Молодая гвардия», «Юность», «Волга» журналтнесэ, «Литературная газетасо», «Литературная Россия»еженедельниксэнть. Ютавтозь мокшонь, коминь, удмуртонь, маринь, карелэнь, вепсэнь, чуважонь, рузонь, татаронь кельтнес.

Композитортнэ Кошелева Нина, Вдовин Гавриил ды Маскаев Иван «Лавсень моро», «Сэтьмечи», «Весна черемуховая» стихензо лангс сермадсть морот.

Арсетяно юбиляронтень кеме шумбрачи, панжиковонь кеняркст ды шкинемань изнявкст кода поэзиясо, истя прозасояк.

"ЭМ"-нь теицятне ды ловныцятне