بو كونك چوجوقلرنه
| بو كونك چوجوقلرنه محرری: ابراهيم علاء الدين |
بو كون بر آز دويان كونللر قيريق ؛
هر كوكسده وار بر كيزلى هيچقيريق .
ايچنه دوشديكك انسانلر ، يازيق
عدل ايچون اعماردر ، حق ايچون صاغير !
بو كون هر نظرده مدفون بيك كدر؛
هر تميز ناصبه بر جانلى مقبر .
دويولماز ده ريندن كلن انينلر ؛
سن چيقوب أى كنج ، كور سسكله باغير!
باشنده رهبرك اولان عرفانله
ايچكده الهاملر ويرن وجدينله
قاراكلق يوللرده ، يورو ايمانله ؛
نوره قوشان هر آن بولونور ، چاغير !
لكن قازانديغك ظفره دالمه ،
سسكله حقنه سن ده پاى آلمه ،
ييقديغك انقاضك اوستنده قالمه ؛
سحمتك اولماسين لطفكدن آغير ...
ابراهيم علاء الدين
Türkçe: tr:Bugünün Çocuklarına