تبدیلی
ایک تھا راجہ ایک تھی رانی
کون سنائے اب یہ کہانی
اب نہ شیر کو جال میں پکڑے
اور نہ چوہا جال کو کترے
اور نہ جیتے بازی کچھوا
اور نہ رہے خرگوش بھی سوتا
چاند کی بڑھیا چلی گئی ہے
سوت کاتنا چھوڑ چکی ہے
حاتم طائی اور علی بابا
سکھی سخاوت اور مرجینہ
کوئی سناتا نہیں کہانی
نہ تو دادا اور نہ نانی
ختم ہوئے سب جادو ٹونے
قصے پریوں کے بھوتوں کے
ہر دم ٹی وی پیش نظر ہے
اب دنیا کا حال دگر ہے
ٹی وی میں کارٹون آتے ہیں
بچوں کا دل بہلاتے ہیں
|
This work is now in the public domain in Pakistan because it originates from Pakistan and its term of copyright has expired. According to Pakistani copyright laws, all photographs enter the public domain fifty years after they were published, and all non-photographic works enter the public domain fifty years after the death of the creator. | 
|