تجھ میں جس دم دھیان جاتا ہے
تجھ میں جس دم دھیان جاتا ہے
ہوش آیا اس آن جاتا ہے
دل مرا گم ہوا صنم اللہ
تجھ پہ میرا گمان جانا ہے
تیرے مژگاں کی کیا کروں تعریف
تیر یہ بے کمان جاتا ہے
ہائے ظالم ہوں نیم جاں ٹک دیکھ
ہاتھ سے اک جوان جاتا ہے
سج مرے شوخ کی ذرا دیکھو
جیسے بانکا پٹھان جاتا ہے
|
This work was published before January 1, 1929, and is in the public domain worldwide because the author died at least 100 years ago. |