تمہاری زلف کا ہر تار موہن
تمہاری زلف کا ہر تار موہن
ہوا میرے گلے کا ہار موہن
تصور کر ترا حسن عرق ناک
مری آنکھیں ہیں گوہر بار موہن
دم آخر تلک ہوں کافر عشق
ہوا تار نفس زنار موہن
برہ کا جان کندن ہے نپٹ سخت
دکھا اس وقت پر دیدار موہن
ہمارے مصحف دل کی قسم کھا
کیا ہے ظلم کا انکار موہن
گل عارض کوں تیرے یاد کر کر
ہوا ہے دل مرا گل زار موہن
سراجؔ آتش میں ہے تیرے فراقوں
بجھا جا مہر سیں یک بار موہن
|
This work was published before January 1, 1929, and is in the public domain worldwide because the author died at least 100 years ago. |