جدا ہو کے ہم سے بتوں سے ملا دل
جدا ہو کے ہم سے بتوں سے ملا دل
بھلا دل بھلا دل بھلا دل بھلا دل
وہ کیوں خوش نہ ہوں لے کے مجھ سے مرا دل
کہ ان کا تو ہم جنس ہے بے وفا دل
نہایت ہی نازک ہے ڈر ہے نہ ٹوٹے
دبا کر وہ مٹھی میں کیوں لے گیا دل
ہوئے صید سب تیرے ہی ناوک افگن
ہما باز شاہیں کبوتر عنادل
نہ ہو دل کے ملنے پہ مغرور کافر
کبھی تو ہمارا بھی تھا آشنا دل
|
This work was published before January 1, 1929, and is in the public domain worldwide because the author died at least 100 years ago. |