دڵێکی غەمزەدەیی سادەیی ئەمینم بوو
| دڵێکی غەمزەدەیی سادەیی ئەمینم بوو | شەریکی شادیی و غوسسە و سروور و شینم بوو |
| ئەگەر غەمێ لە منی ڕووبدایە؛ جار بەجار | هەر ئەو بەفیکرەت و تەدبیری خۆی، موعینم بوو |
| ڕەفیقی عیززەت و میحنەت، شەفیق و مەحڕەمی ڕاز | مودام هەمدەمی گریان و پێکەنینم بوو |
| شەوانە تا بەسەحەر، هەر لە سوبح تا بەشام | ئەنیس و موئنیس و هەمڕاز و هەمنشینم بوو |
| ئەگەر لە غەمزەی دڵدۆزی دڵبەران، زەخمێک | بەجانی خەستە ببا، مەرهەمی برینم بوو |
| ئەگەر بەڕەنجی غەمی هیجردا بکەوتایەم | هەر ئەو تەبیب و پەرستاری بن سەرینم بوو |
| ئەگەر لە بەندی خەمی زوڵفی دڵبەرێدا بام | هەر ئەو نەدیمی شەو و ڕۆژ و چارەبینم بوو |
| نەبوو، نەبوو، دڵی وا، سەد هەزار حەسرەت و حەیف | کە چوو لە کیسی دڵێکی ....................................... |
| خودا! چ بوو؛ سەبەبی وەی لە دەستی من دەرچوو | مەگەر کەسێ لە کەمیندا، بەدڵ دزینم بوو!؟ |
| ئەدەب مەناڵە، کە تۆ کەوتییە خەیاڵی بتان | دزینی ئەو دڵی غەمگینی تۆ، یەقینم بوو |
|
This work is now in the public domain in Iran, because according to the Law for the Protection of Authors, Composers and Artists Rights (1970) its term of copyright has expired for one of the following reasons:
In the following cases works fall into the public domain after 30 years from the date of publication or public presentation (Article 16):
|
|