دیوانا مەلایێ جزیری/چارینە
قەوسێ تە هلالی ب دەلالی کەشها
[edit]| قەوسێ تە هلالی ب دەلالی کەشها | بەژنا تە ژ شەنگی ب دەرەنگی مەشها |
| مارێ ژ حەریرێ د عەبیرێ خوەشها | ماوەر بوو ژ وان زولفێ د زەنگی وەشها |
شمشاد خەرامی کو د جامێ مەی دا
[edit]| شمشاد خەرامی کو د جامێ مەی دا | جاما ژ شەرابێ ب گولابێ هەی دا |
| سەد هاتنە قوربان و موتربان نەی دا | دۆر هاتە تلسمێ مە ب ئسمێ حەی دا |
سەردەفتەرێ وەسفێن تەیە دیباجەیێ دل
[edit]| سەردەفتەرێ وەسفێن تەیە دیباجەیێ دل | یەک قەترە ژ لوتفا تەیە سیراجەیێ دل |
| زکرێ تە دکت دوڕ و زیا لەهجەیێ دل | تەیرێ نەفەسا های و هوویا لەهجەیێ دل |
ئامانجێ خەدەنگێن تەیە من شیشەیێ دل
[edit]| ئامانجێ خەدەنگێن تەیە من شیشەیێ دل | دائم ئەوە هەر من غەم و ئەندیشەیێ دل |
| ئاتەش دڕەشینت قەبەسی پیشەیێ دل | هنگی ل خەیالێ بدەرم تیشەیێ دل |
پەردە حەبابی ب حجابێ تە ڤەدائین
[edit]| پەردە حەبابی ب حجابێ تە ڤەدائین | سەروی د چەمەن دا و د بەندا هەوە دا ئین |
| هەر چەندە تو میری مە فەقیر و مە گەدائین | زانی ژ گیانێ خوە ب جانێ خوە فدائین |
خالا تەیە مشکین کو بوویە نوقتەیێ نوونان
[edit]| خالا تەیە مشکین کو بوویە نوقتەیێ نوونان | وەک ئسم و تلسمان بوویە تەعویزێ عویوونان |
| چەشمێن د سیەهـ ڕادکرن فتنە و خوونان | لەو خوون ژ دو چەهڤێن مە دزێت شوبهی عویوونان |
یەنگی تە ژ شەنگی ب دەرەنگی وە کەشاندن
[edit]| یەنگی تە ژ شەنگی ب دەرەنگی وە کەشاندن | سەد تیر و خەدەنگی ب چ ڕەنگی تە ڕەشاندن |
| سەرپەنجە ب ئشکەنجە تە وەک غونچە لڤاندن | هەستی وە ب مەستی ل مە ڤێڕا هەڕشاندن |
پابووسە مورادا مە ژ یارا خوە د عیدان
[edit]| پابووسە مورادا مە ژ یارا خوە د عیدان | مەحرووم نەکی ما ژ مورادا خوە موریدان |
| قوربانی تەمە، من بکە ئامانجێ جەریدان | ئەمما ژ خودێ ڕا مەبە هەمراهێ پەلیدان |
ئاخا قەدەما موحتەرەما سیمبەریمە
[edit]| ئاخا قەدەما موحتەرەما سیمبەریمە | وەک سایە پەیاپەی ل ڕییا نەیشەککەریمە |
| هەر کەفتمە ڕێ رەهـ ژ گرێ «رهگذر»یمە | دائم د سولووکا خوە رجووکارێ ئەویمە |
مە ژ ئایەتێ کوبرا کو ب توغرا وە کشاندی
[edit]| مە ژ ئایەتێ کوبرا کو ب توغرا وە کشاندی | ئعراب ب زیرابی کەشاندی و ڕەشاندی |
| سیما ژ سیما ب خوە وە سپێدە ڕەشاندی | ئیلان ڤە وەشاندی ب عەبیری ڤەوەشاندی |
«الله» چ زەریفی، چ لەتیفی، چ شەپالی!
[edit]| «الله» چ زەریفی، چ لەتیفی، چ شەپالی! | قەنجی و ب غونجی و ب نازی و دەلالی |
| زانین مە شەڤ و ڕۆژی تو بەس کو ژ خەیالی | دائم ژ خەیالا کو ل بالە تو ل بالی |
«الله» چ شیرینی، چ نەباتی، چ حەیاتی!
[edit]| «الله» چ شیرینی، چ نەباتی، چ حەیاتی! | مەحبووب وەکی دیتە دبێژم: بوت و لاتی |
| یا سوورەتێ رووحی تو و یا پەرتەوێ زاتی؟ | دیدار مە پوڕ دینە ل دەردێ مە تو هاتی |
بەژنا تە ژ شەنگی، تە چ ڕەنگی و خەرامی
[edit]| بەژنا تە ژ شەنگی، تە چ ڕەنگی و خەرامی | قەد نەیشەککەری، عشوە پەری، ماهی تەمامی |
| جارەک تە بهشتا بگەهشتا مە غولامی | تا قەنج مەلایی بدیا بێ ب سەلامی |
پەیغام و بشارەت مە گەهشتێ
[edit]| پەیغام و بشارەت مە گەهشتێ | نازک زەرییێ سوڕپەرییێ، حوورسرشتێ |
| رەمزا دو هلالان، خەت و خالان، قەد و قشتێ | نادم ب شەمالێن ب شەپالێن د بهشتێ |
بورهێن تە ب هەڤڕانە سەرێ دەعوائێ
[edit]| بورهێن تە ب هەڤڕانە سەرێ دەعوائێ | سونبول ژ تەرەف هاتینە سەر غەوغائێ |
| دا هەر ژ دل ڕیش بکن یەغمائێ | فەریاد ژ دەستێ تە شیرین شەهلائێ |
ڕەندی ب خوە قەندی و شیرینی و شەپالی
[edit]| ڕەندی ب خوە قەندی و شیرینی و شەپالی | قەنجی و ب غەنجی و ب نازی و دەلالی |
| مەحبووب ل تەختی و ب ڕەختی، ب خوە بەختی | عومرێ تە مە ڕا بت سەد و دەهـ سالێ هلالی |
سەرپووش و قبابا من و عشق و مەی و جام
[edit]| سەرپووش و قبابا من و عشق و مەی و جام | جاما کو نەبەسکە ب تنێ بەسکە ختام |
| شاهد نە ب مەستی بگەڕینت ب خرام | ئەو بادە حەرامە مە دو سەد جاری حەرام |