زلف مشکین یار قہری ہے
زلف مشکین یار قہری ہے
کیا قیامت کا ناگ زہری ہے
دھوپ سیں غم کی تازگی ہے اسے
دل نہیں ہے گل دوپہری ہے
ذاکر غم کوں دل کے حلقے میں
نالہ و آہ ذکر جہری ہے
دامن یار نہیں کناری دار
صفحۂ جدول سنہری ہے
وحشیٔ دشت بے خودی ہے سراجؔ
گرچہ عالم کے نزد شہری ہے
|
This work was published before January 1, 1929, and is in the public domain worldwide because the author died at least 100 years ago. |