قانع و سەری

←

قانع و سەری (1954)
by قانع

→

306918قانع و سەری1954قانع

سەرێ پڕ نەبێ لە سەودای نیشتمان	دایم گێژ نەبێ لە خەم بێ دەستان
گەر نەیەتە سووڕ، بۆ دەوای دەردان	هەر تەوالێت کاو مێزەری گران
لە خوا ئەخوازم کە بە بڕین چێ	تا دوا هەناسەی بەزار و شین چێ
***
سەرێ خۆی بەرزبێ و چش بکا لە هۆز	بێ سەر ببینێ و خۆی بکا بە قۆز
فرمێسک نەڕێژێ بۆ جێماوی هۆز	ئاهـ، هەڵنەکێشێ ئاهی جگەر سۆز
لە خوا ئەخوازم کە بە بڕین چێ	تا دوا هەناسەی بەزارو شین چێ
***
سەرێ وەک مێوبێ لە حاستی دوژمن	بەڵام پۆڵابێ بەرامبەر بە من
پڕ بێ لە خەیاڵ، بۆ کچۆڵە و ژن	دەک بی پێچێتۆ لە ناو تۆی کفن
لە خوا ئەخوازم کە بە بڕین چێ	تا دوا هەناسە بەزارو شین چێ
***
سەرێ لە حەنای یاران نەرم نەبێ	بۆ کەس و کاری تەواو گەرم نەبێ
لەڕێی نامووسا لەسەر تەرم نەبێ	لەگەڵ ڕیش سپی، پڕ لە شەرم نەبێ
لەخوا ئەخوازم کە بە بڕین چێ	تا دوا هەناسەی بەزارو شین چێ
***
سەرێ نەزانێ سەرداری چۆنە	تێر بێ و نەزانێ هەژاری چۆنە
هەر گیز نەیدیبێ خەمباری چۆنە	مەس بێ و نەزانێ هوشیاری چۆنە
لە خوا ئەخوازم کە بە بڕین چێ	تا دوا هەناسەی بە زارو شین چێ
***
سەرێ لە وەسواس مەینەت ئازاد بێ	بە ملهوڕیی خۆی، تەواو دڵشاد بێ
ئەو بە مرادبێ و خەڵک بێ مراد بێ	ئەو سەرە ئەگەر کەللەی فەرهاد بێ
لە خوا ئەخوازم کە بە بڕین چێ	تا دوا هەناسەی بەزارو شین چێ
***
سەرێ نەنواڕێ بۆ دەور و پشتی	قەت تێ نەکۆشێ بۆسوودی گشتی
گاڵ هەڵنەوەرێ لە درزی مشتی	دۆشەک ڕابخا و، شان لەسەر پشتی
لەخوا ئەخوازم کەبە بڕین چێ	تادوا هەناسەی بەزار و شین چێ
***
سەرێ پڕ لەگڕ، وەک تەنوور نەبێ	پڕ لە مێشکی ڕوون وەک بلور نەبێ
لەخۆ پەسەندی تەواو دوور نەبێ	ڕۆژی تەنگانە تەواو سوور نەبێ
لەخوا ئەخوازم کەبە بڕین چێ	تا دوا هەناسەی بەزار و شین چێ
***
سەرێ سەراسێ نەگرێ بۆ وڵات	هاواری لێ کەی نەگاتە فریات
پەژارەی نەبێ بۆ بێ دەسەڵات	بەکەس نەبەخشێ پیاوەتی وخەڵات
لەخوا ئەخوازم کەبە بڕین چێ	تادوا هەناسەی بەزارو شین چێ
***
سەرێ بەبێ خەم چێتە سەر سەرین	دوو گوێی خۆی کەڕکا لە شین و گرین
جارێک نەیەتە سەر ئاهو ناڵین	هیچ خەمخۆر نەبێ، بۆ دەستەی بێ تین
لەخوا ئەخوازم کەبە بڕین چێ	تا دوا هەناسەی بەزار و شین چێ

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).