په کاته شم و عالم و ته حيران
په کاته شم و عالم و ته حيران
چې د نس دپاره څه کا دا سگان
هسې چارې يې پيدا شي له وجوده
چې په فکر ذکر نه وي د شيطان
تل قرآن د وړاندې ايښی قرآن وايي
ولې هېڅ عمل يې نه وي په قرآن
په کوم لوري پسې ځم چېرته يې غواړم
د کيميا غوندې ناياب شول دانايان
ښه سړی لعل و ياقوت دی مونده نه شي
لکه نور کاڼي لږ نه دي ناکسان
که په نور خلکو کې ښه سړی مونده شي
ولې ښه سړي به لږ وي افغانان
|
This work was published before January 1, 1929, and is in the public domain worldwide because the author died at least 100 years ago. |