پێنجخشتەکی وریا کوڕی قانع لەسەر شیعری باوکی

←

پێنجخشتەکی وریا کوڕی قانع لەسەر شیعری باوکی (1954)
by قانع

→

306936پێنجخشتەکی وریا کوڕی قانع لەسەر شیعری باوکی1954قانع

خوا کوا ڕوستەمی ئەمڕۆ سەری خوێنخۆری بشکێنێ؟	خوا کوا ئاگرێکی وا کە پیاوی بەد بسووتێنێ؟
پزیکێکیش نەبوو جارێ کەدەردی دڵ بفەوتێنێ	سەرم ناوێ کە فیزی بەگلەری و سەرداری بنوێنێ
دەمم ناوێ کەتیکەی زل زلی تەنهایی بگلێنێ
دەسا تاکەی لەناو گەلدا درۆ و فیشاڵ ئەنوێنێ؟	ئەگەر خایەن بە هۆزت بێ بزانە قابلی جوێنی
لەبەر قازانجی خۆت بۆچی دڵی بێ دەست ئەڕەنجێنی	٭خوا ئەوچاوە هەر کوێر بێ کەچاو بۆخەڵکی هەڵبێنی
دە ڕەببی کەڕ ببێ گوێیێ نەبیسێ شینی هاو خوێنی
خوایا ئەوکەسەی پیسە دوچاری گێژی مەینەت بێ	گرفتاری خەم و دەرد و پەشێوی باری نەگبەت بێ
لەڕۆژی جەژنەدا ئیشی هەموو هەر شین و میحنەت بێ	لچێ خوێنی فەقیری پێ مژن یا ڕەببی دابڕزێ
زمانێ بەد بڵێ هێندە بماسێ خێوی خنکێنێ
وەرە سەیرو تەماشاکە کە هەر .. ێک و هەر پەستێ	کەهەر جاسوسی بێ دین و کەهەر بێهۆش و سەر مەستی
کە دەستی بوو بەهەر جۆرێ لە بەدکرداری ناوەستێ	دەبەسراوی کەلەبچەی دەستی زاڵم بۆنەبێ دەستێ
کە ئەو دەستە بەشی بێ دەستەڵاتێ بگرێ ، بڕفێنێ؟
تەماشای شیوەنی من کە، ئەخوێنم هەر وەکو قومری	برا ئەم شینە بۆتۆیە کەوا بێ جێگە و بزری
دەسا هاو دەردی دڵ! فەرمو لەگەڵ من،تۆیش بەکوڵ بگری	لە کۆتی حاکما ڕەببی ، بمێنێ تا دوا عومری
قول وقاچێ کەبۆ هاواری خەڵکی سستی بنوێنێ
ئەوا گەل پاکی سەر کەوتن ، بەجێ ماوین لەناو جێدا	وەکو بێهۆش ئەسوڕێنۆ لەشاران و لەناو دێدا
ئەمە گەردوون بەئێمەی کڕد، دەپەندی وا بەسەر کێدا؟	وەرە بنواڕە، کاکم لافی خەمخۆری منی لێدا
کەچی بوتاکە یەک ئانە سەد وەک من ئەشکێنێ
برا من سەر زەنشتی تۆ ئەکەم ،سا تۆش بەهەر جۆرێ	بزانە هۆزی بێدەس نیت، لە ڕووی گێتی تەاو زۆری
دڵت پاک بێ لەگەڵ هاودڵ ، سپیت، سووری، ڕەشی بۆری	نەبوو دەستێ لەکوردستانەدا جارێ بەخەمخۆری
کە پشتی بێ سەر و پێیێ بە دڵسۆزانە بخورێنێ
ئەوا بەم جۆرە ڕابورد و لەدەس چوو عومری فەوتاوم	لە بیری یەکیەتی گەلدا، تەواو سووتاو و برژاوم
کە چۆن هاوڕێم چووە سەر کەل، لەبن کەلدا بەجێ ماوم	نزامی عالەمی هێندە بە لاری دێتە پێش چاوم
ئەگەر سەد جارە پینەی کەن، ئەپچڕێ و تازە نامێنێ
ئەوەی دڵپیسی نیشتمانە، خوا سا بەردی لێ بارێ	بە پارە و دەستەڵاتی خۆی، نەبوو جارێ بکا کارێ
ئەزانم هیچ بە هیچ نابێ، بە هیچ نابین، بە هیچ بارێ	مەگەر دەستی تەبیعەت وەرگەڕێ و بیخاتە سەر بارێ
کە ڕیشەی ئەهل ئەم عەسرە، بە دەستی جەور دەربێنێ
دەبا نووکی قەڵەم ئەمڕۆ بنووسێ و هۆشی پەیدا کا	بخاتە مێشکی لاوان و سەراسەر گەنج شەیدا کا
هەزار وریای وەکوو وریا، بە جارێ شوور و غەوغا کا	لە پاشا دایکی ئەم خاکە، کوڕێکی تازە پەیدا کا
ئەویش تێکۆشێ وەک قانع براکانی بلاوێنێ

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).