| چراغم ئاوان، چراغم ئاوان
|
سەرزەمین وە زەوق دین تۆ ئاوان
|
| باڵات سەنگەرچەی نەوتووڵ ساوان
|
ساوای گوڵستان «جنّةالمأوی» ان
|
| گێسووت بەڕەزای پەخش پای کاوان
|
زوڵفت ئەگریجەی باڵ «بەت» ئاوان
|
| یا چون چنووران نە سەر کڵاوان
|
چابوکی وازان نە دەور چاوان
|
| دیدەت چون دیدەی ئاهووی بەر تاوان
|
گونات گوڵغونچە جە نۆ شکاوان
|
| لیمۆت گوڵ وەدەم هێمای نەیاوان
|
نمناکەن وە عەتر شەوبوێ شەتاوان
|
| خاڵ نوختە سۆسەن پای خورەتاوان
|
من جەو خاڵە دەرد مەجنوون پێم یاوان
|
| نەمام نەوخێز نازدار باوان
|
تۆنی شای سۆسەن نە سەر سەراوان
|
| هیچ کەس نزاکەت نازت نەتاوان
|
هەر یەک من نەبۆ شای چەم سیاوان
|
| من وێڵم پەی تۆ سوب تا خورئاوان
|
کاوان، کڵاوان، گشت وە من ئاوان
|
| جەوساوە وە نێش نیگای تۆ کاوان
|
شەوان حەرامەن جە دیدەم خاوان
|
| شەو تا ڕۆ چەنی بەخت وێم داوان
|
جام هانە سەر فەرق قوللەی کڵاوان
|
| فدای دیدەت بام شای چەم سیاوان
|
ڕەحمێ کەر وەحاڵ بەندەی بێ تاوان
|
