ہوا ہے عشق تازہ ابتدائی آہ ہوتی ہے
ہوا ہے عشق تازہ ابتدائی آہ ہوتی ہے
مبارک طفل دل کی آج بسم اللہ ہوتی ہے
ملا جب درہم داغ جنوں گھبرا کے دل بولا
یہی کیا عشق کی سرکار میں تنخواہ ہوتی ہے
بیاں کرتا نہیں دل وصف اس روۓ مخطط کا
خدا کے گھر میں تفسیر کلام اللہ ہوتی ہے
فروغ اپنا سوا ہوتا ہے ظلم چرخ گرداں سے
جو دل جلتا ہے روشن اور شمع آہ ہوتی ہے
|
This work was published before January 1, 1929, and is in the public domain worldwide because the author died at least 100 years ago. |